نور. كام نزل الغطه وتغطه حسيت بتعب فاق كل التعب الي ممكن أي بشر يحس بي غمضت عيوني وغفيت على امل تتحسن حياتي
حيدر. طلعت من بيت عمي حارث ماشوف كدامي
ياعلي دخيلك خطواتي صارت برق امشي ويمشي امير وراي صوت وليد صار جرس بأذني وهوة يكول نور امانه بركبتكم راحت امانتك يخوي راحت وكفني امير وصار كدامي حجه وهوا ديلهث
امير. شبيك حيدر خيرك
حيدر. وخر لا تحاجيني ولا احاجيك
امير. ترا مفتهم الموضوع غلط اني مالي علاقه بكلشي
حيدر. اي مفتهم الموضوع غلط نور شتسوي ببيتكم مو اخذتها فصليه اخذتها لو لا جاوبني اخذتها لو لا
امير. اي بس ماخذتها برضاتي
حيدر. امير انته عليمن دتضحك رجال شكبرك شكدك موبرضاتك وخر منا شو
امير. لك حيدر ابوها جابها واجه يعني ارجعها ويا شيكولون الناس عليها ها مو راح يحجون عليها ذاك ابوها وروح حاجي ماعندي اي ذنب اني وبنت عمي على عيني وعلى راسي مرتي هيه مو فصليه ولا ماخذها تخدمني
حيدر. درت وجهي عنه ومشيت شكله شكله اكله وليد يحبها ماصايره هاي يربي ماصايره فتحت باب الحوش مالتنه صار ابوي كدامي يخابر وصاير اعصاب ويمه عباس وكفت يمهم وبلشت استمع للمكالمه
خالد. اسمعني يبه ضل هذا الشهر بمكانك خل يهدئ عمك واني احل الموضوع ويا بس اصبر هل كم يوم
وليد. جاي اني ساعه واصير بالبصره
خالد. لا حول لله لا تجي للبيت ولاتشوفني شكلك مالي خلك مشاكل ويه عمك
حيدر. بعده جاي يحجي ابوي سد الخط وليد
خالد. شوف السرسري طايح الحظ
عباس. كول يالله حجي شنو سالفه خل يجي شيسوي قابل
خالد. هل حيوان هذا كلشي يسوي
حيدر. ضليت حاير احجي هسه لو اشوف رشيد بعدين صفنت هسه بعدين هيه اول وتالي راح يعرفون حجيتهن كلهن دفعه وحده هم ونزاح (عمي محمد منطي نور فصليه لامير هسه جنت يمهم ولكيتها هناك )
اجت عين ابوي عليه وجهه صار ميتفسر عيونه صارت بكصته خله ايده على الحايط يسند نفسه ركضت عليه جان يوكع بالكاع كمنه نتراكض اني وعباس طلعت امي كامت تصيح اخذت السويج وطلعت جبت السياره كدام الباب اجه عباس ساند ابوي صعدنه بالسياره ومثل البرق للمستشفى من وصلنه نزلت ركض تلكوني ثنين ممرضين جابو السديه واجو يركضون نقلنه ابوي من السياره لسديه دخلو للطوارئ واحنه واكفين نتتظر برا واحد يلوم الثاني
عباس. متعرف تسكت ليش كلت كدامه
حيدر. وشمدريني راح يصير هيج اول وتالي هوه راح يعرف
