امير. مشيت ويا وصلنه لبيت عمي خالد لكينه رشيد واكف برا يخابر وشكله جان معصب من شافنه سد الخط واجه سلم عليه وطببني من طبيت للحوش صارن كدامي بنات ثنين كاعدات بالحديقه من شافني اجن ثنينهن سلمن عليه وطبينه للاستقبال الولد كلهم جانو موجودين واجن البنات هم كعدن ويانه ويسولفون ويضحكون بقيت كاعد ساعه تقريبا وترخصت منهم وطلعت من طلعت صار كدامي عمي محمد هستوه يدخل للبيت بس شفته ركضت ركض عليه صرت كدام الباب دفرته وطبيت من شافني خزرني واجه صار كدامي
محمد. خير شكو
امير. شكد شفت ناس متستحي مثلك مشفت لك انته شنو بالجذب ماجيت وكلت الله يرحمه
محمد. مافارغ اجي اكلك الله يرحمه
امير. رفعت اصبعي بوجهه اهدده (العار ابنك ليشوفني وجهه والله والله اذا محرمتك منه ومرمرت كلبك مو امير اني مو رجال اني وكول امير مكال )
تقرب مني ودفعني وكعني بالكاع وضل يعيط
محمد. دروح لك روح بنص بيتي ويهددني بيك خير روح الكا وشتسوي سوي مو صاير رجال براسي
امير. وكفت وكمت انفض بملابسي باوعتله بكل برود (خلي الكا واجي اسحله من نص بيتك وتشوف الرجال بعينك) عفته ومشيت طبيت للبيت مالي خلك روحي صعدت للغرفه كبل لفيت راسي ونمت
حسيت على امي تكعدني
نجرس. كوم يمه شو كوم ديسألون عليك بالباب
امير. رفعت راسي مابيه حته احجي (منو يسأل)
نرجس. مادري يمه وابوك راح لشغل زحمه الولد ينتظرك برا كوم شوفه
امير. كمت غسلت وجهي وطلعت(السلام عليكم )
حسن. وعليكم السلام
امير. تفضل حسوني تفضل
حسن. زاد فضلك حبيبي بس والله مستعجل الوالد دزني عليك رايدك بشغله
امير. خير ان شاء الله
حسن. روحله وفتهم منه .
امير. يله هسه ربع ساعه والحكك
حسن. يله اني اترخص لعد
امير. الله وياك حبيبي
راح حسن طبيت وسديت الباب تلكتني امي
نرجس. ها يمه شيريد
امير. يكول الشيخ رايدك بشغله
نرجس. خير ان شاء الله شيريد منك
امير. والله مادري شيريد
طبيت لكيت مريم بالمطبخ (سويلي ريوك مريم)
مريم. دا اسوي بس حاجي امي خل تاكل وياك ماكلت شي لسه
امير. ميخالف وين ريم لعد
مريم. دتنظف الاستقبال جوه
امير. طبيت للاستقبال لكيتها دتمسح بالميز (ريم)
