اخبرتهم بأن لا يعلقوا آمالهم بشخص أياً كان
اخبرت الجميع الجميع.
ونسيت ان اخبر نفسي
""""""""
مسكين الشمع
كل عمره
حاضن خيط مايدري
اليكتله
كاعد بروحه..
______________________
بقلم الكاتبه. نسمه المالح
لتنسون التصويت⭐⭐⭐
********
نور. مغمضه واسب بنفسي لان فاتتني صلاة الصبح واقنع بنفسي كومي صلي يمعوده كومي
والشيطان يوسوسلي فراشج دافي ابقي نايمه لتكومين
انكلبت على بنطي وحضنت مريم بين النايمه والكاعده حركت ايدي على صدرها لان حسيتها ملابسه شي مشيت ايدي على بطنها لزمت ملابس رفعت ايدي حته احضنها حيل دخت ساعه الزمها بدون ملابس ساعه الزم ملابس مشيت ايدي على صدرها عبالي نايمه على ضهرها ماقتنعت تقربت عليها كفختني ريحة جكاير قويه فتحت عين وحده وشلت راسي من المخده رجعت غمضت حيل وهزيت راسي حته توضح الرؤيه عبالي اتخيل طفرت بسرعه من شفت نفسي بصف امير جكارته بحلكه متغطي وياي ولابس بس فالينه داخليه فتحت عيوني على وسعهن مصدومه على فرحانه اريد اعرف شسوي ماكو صفنت مبحلكه بوجهه وهوا منزل عينه ميباوعلي رفع عينه عليه انرسمت على وجهه شبح ابتسامه ابتعدت بسرعه كعدت على حيلي متفاجئه باوعلي ووخر الجكاره من حلكه وكال بصيغة امر
امير. ارجعي المكانج
نور. هااا
امير. كلت ارجعي نامي مثل ماجنتي نايمه
نور. حجيت بخوف(امير اريد اصلي والله) حجيتها وكمت وكفت تقدم الطرف الجربايه جرني من ايدي عليه ورجع تمدد بنفس وضعيته
امير. نامييييي
نور. متوتره ومرتبكه كتله بس بسس اريد اروح )حجه بنفاذ صبر
امير. اخر مره جاااي اكلج ارجعي نامي بمكانج بسرعه
نور. الله ذب عليه الخوف والرجفه مدري ليش جنت احس راح يكتلني ردت بس اشرد منه يمه بقيت واكفه حاصرتني البجيه قبل يومين جنت ضايجه لان ميريد يرجع وهسه من رجع اريد اشرد منه شديصير وياي ياربي دار وجهه عليه وخزرني تقدمت لطرف الجربايه تمددت وجريت الغطه تغطيت بي بقيت متشنجه بس اتحرك اوكع على وجهي فزيت من صاح
امير. شلون راح اكسر راسج
نور. درت وجهي عليه الدمعه بطرف عيني
امير. ارجعي احضنيني
نور. امير شبيك
امير. محد كلج تحضنيني قبل هاي اللحظه مجبرتج انتي وحدج تقربتي مني بس هسه غصبا عليج تتقربين
نور. والله عبالي مريم والله هي تنام يمي يوميه
امير. انيي شكلت؟؟
نور. تقربت منه ارجف من تزوجته لسه منايمه يمه بهذا القرب خليت ايدي على بطنه وايدي ترجف بحيث ماثبتت على بطنه غمضت عيوني احول اهدء نفسي عمتي نرجس يوميه ب5 تكعدني اليوم ماكو مرت دقايق وهوا على نفس وضعيته يكلب بالموبايل وكل ساعه يدخن جكاره وكل ما احرك ايدي يتأفأف خنكني خنك اخر شي طفه الجكاره وشمر الموبايل وعدل نومته نام شلون كأنو جازه روحه مني واني الكوه عليه حاضنته سحبت ايدي جان يصيح
