تُرى لا زالَ لي حُب
بقلبكَ نادرً اخضر
ولا زالتْ سماءُ الروحِ
بإسمي ليلُها يُكسر
ولا زالت ورود الصُبحِ
تشرحُ صورتي
تُرى لا زالَ
________
بقلم الكاتبه : نسمه المالح
لتنسون التصويت_⭐
****
نور. تقرب وليد على جعفر ولزمه من ياخته وكال
وليد. جعيفر طالعه عينك كواد
نور. سمعت صوت الباب ديندك كمت بسرعه اريد اخلص منهم وكفت يم الباب وصحت منو اجاني صوت حنين بمجرد مسمعت صوتها شتاحتني الهفه شكد مشتاقتلها فتحت الباب ودخلت حنين حضنتني و حضنتها ودموعي تجري سحبت نفسها مني وخلت ايدها على وجهي تمسح دموعي ابتسمت بوجهه ودرت وجهي رجلها واكف وراها (ها ابو مصطفى شلون صحتك )
ابو مصطفى. هلا خيتي انتي شلونج
نور. بخير ونعمه تفضل خويه تفضل
ابو مصطفى. عمي موجود جوه لو لسه بالمستشفى
نور. لا لسه بالمستشفى
ابو مصطفى. لعد اروح للمستشفى احسن
حنين. اي روح وخابرني طمني
نور. راح ابو مصطفى ودخلنه اني وحنين للبيت سلمت حنين على جعفر ووليد وكعدنه ممصدكه دا اشوفها كدامي واسمع صوتها مشتاقتلها كلش وهيه ملتهيه ويه جعفر ووليد
جعفر. ها نور الصفنه مو الج
نور. درت وجهي عليه (ها)
جعفر. هيج مو وياج
نور. اجه صوفي كعد بحضني سويت نفسي اشوفه اذا موصخ نفسه (يااا حبيبي كوم اغسلك) باوعتلي حنين وكالت
حنين. عوفي اني اغسله
نور. شلت صوفي واشرتلها تلحكني باوعتلي مستغربه وكالت
حنين. اوكفي خل اجي وياج
نور. صعدت وهيه اجت وراي دخلت للغرفه وكفت انتظرها تجي ثواني ودخلت سحبتها من ايدها وكعدت على الجربايه صفنت بوجهي ثواني وكالت
حنين. وليد بعده يريدج؟
نور. سكتت ودنكت راسي تقربت مني وخلت ايدها على حنجي رفعت وجهي وكالت
حنين. بس لا.....
نور.( مكدرت حاولت بس ماكدر ماكدر) صفنت بوجهي مصدومه تقربت عليه وكالت بصوت ناصي
حنين. نور شجاي تحجين انتي
نور. (اني وليد ) سكتت مكدرت اكمل شهكت وكامت وكفت
حنين. ولج عزا بعينج اي والله عزا بعينج رجلج يدري بهاي سوالفج
نور(. لا لا طبعا لا حته ميعرف ليش ابوي انطاني هديه اله ) باوعت بوجهي مصدومه وكالت
حنين. شنو طبيعة علاقتكم
نور. سكتت دقايق وصاحت بوجهي
حنين. جاي احجي وياج نورررر
