مثل المالهم ديرة وراك نشيل .
مكانكَ خالي بس تحلمِ تردله .
لا أگدر أعوفك ، لا أضل وياك لُغم دايستك إِجدامي .
________________
بقلم الكاتبه: نسمه المالح
___
لتنسون التصويت_⭐
******
عمتي نرجس هلفترا كلشششش شاده وياي يوميه مسويتلها حمله على البيت ولو تغلط لو تضرب ومنو يدافعلي قابل دام عمي حارث مموجود هي ماخذه راحتها تتفنن بالاهانه سويت الريوك بسرعه وخليته كدامهم غسلت المواعين ونظفت المطبخ شويه ونزلت مريم سوينا ريوك تريكنا وبلشنا بالغدا وره الغده سبحنا وبدلنا ورحنه لبيت عمي رضا
ريم. اول مدخلنا صار بوجهي جعفر يركض وزيد يركض ورا وشايل توثيه بيده من شافنا جعفر ركض صار ورانه ويعيط
جعفر. دخيل دخيل عندي عدجن لا تخلنا يكتلني
زيد. تعال لك حيوان والله اكسر راسك اليوم ادبسز
ريم. ركض للباب وطلع برا البيت بعد مشفنا كامو يضحكون ادهم وزيد واحمد واحنه واكفين ممفتهمين شي
احمد. فوتن فوتن ليش واكفات
ريم. دخلنا كعدنه بالمظيف وهمه كعدو يمنه
زيد. شلون صحتجن عمي شلونه امير الحجيه
مريم. الحمدلله الكل بخير انتو شخباركم
زيد. والله يابنت العم شوفتج عينج مشلوعه كلوبنا من وره هذا الزمال جعفر
مريم. ليش شنو صاير شمسوي
زيد. ماجاي نخلص من سوالفه يوميه مخزينه ويه العالم عبالك ماشايف بنات وين ميشوف بنيه وراح خزانه وياها هاي اخرها دزيته يجيب باكيت جكاير واكف لبنت الاسواق ٦ سنين عمرها ومكابلها من تكبرين اتزوجج على مرتي
مريم. ههههههه يا صدك عود
زيد. والله العظيم هسه احنه دخل نلكي وحده ترضه بيك وانوب عود تزوج عليها
نور. لا زيد شسالفه ترا بنات المدرسه جانن يركضن ورا
زيد. انتي اسكتي هوا منو فسده غيرج تكرصين ورا وفلانه تحبك وفلانه تريدك لمن سويتي ملطلط
نور. هههههه لا عيني هوا ملطلط من كاعه
ريم. اعصابي صارت نار واني دا اكول يراسل ويعتذر ويجي يتمضحك بس لا عباله اني حالي حال هاي البنات اليضحك عليهم اني اعلمك جعفر
لمن وصلنا جانت عمه سكنه وعمي رضا طالعين للسوك وره نص ساعه اجو وبلشنا نطبخ ونساعدها خطيه كلش متلحك وحدها وشايله مسؤولية ٦ زلم واحنه بس بابا ونتذمر حجيت بفضول (عمه شلون شايله مسؤوليتهم كلهم متزوجيهم وتخلصين)
سكنه. اووف يمه اكيف ازوجهم واخلص منهم بس ياهو اليقبل كلهم مايقبلون ياهو التحاجي يسودها بوجهج
ريم. جنت مركزه بحجيها وكاسره خاطري دخل علينه جعفر صوته يلعلع
جعفر. شكدج وتجذبين بينج وبين الموت خطوه وتجذبين اكوم واكعد اكلج زوجوني يايوم حجيتي وياي وكتيلي خل ازوجك جذابه بعد لا تجذبين
