كمنه طلعنه وهوا طلع ويانه وصلنه الباب البيت وبقه واكف بالباب طبت ريم كدامي واني طبيت للمطبخ جان يكول
حيدر. مريم
مريم. درت وجهي عليه ابتسم وكال
حيدر. تصبحين على خير
مريم. رديت عليه(تصبح على خير ) وسديت الباب بدون مانتظر رده صعدت للغرفه غيرت ملابسي وتمددت
....
نور. طلعو وبقيت وحدي اتصفن صعدت للغرفه تمددت حاولت انام مكدرت نزلت كعدت بالحديقه شويه واندكت الباب بهدوء كل ضني رجعت وحده من البنات كمت تقربت على الباب (منو) اجاني صوت وليد
وليد. فتحي وليد اني
نور. حجيت متردده (روح وليد ماكدر افتحلك ) رد عليه بصوت عصبي
وليد. فتحي الباب نور
نور. فتحت الباب جان يطب ويسده ضليت صافنه متفاجئه من تصرفه باوعلي بعصبيه وكال
وليد. انتي ليش هيج جاي تتصرفين وياي
نور. شلون تريد اتصرف وياك واني على ذمة ابن عمك ها
وليد. يعني اني الي زوجتج ابن عمي حته جاي تعاقبيني
نور. وليد مو قصة اعاقبك اني على ذمة رجال ثاني وانته دتتصرف كأنو مصاير شي تريدني اخابرك وهسه دتطلب افتح الباب وواكف تحجي وياي ميصير هيج
وليد. ممسوي شي غلط اني قبل لا احبج وتحبيني انتي بنت عمي واسأل عليج شنو الميصير هسه
نور. درت وجهي عنه متجاهله كلامه تقرب عليه وكال
وليد. شنو الصار البارحه شنو طبيعة علاقتكم ولج دمي جاي يفور من البارحه لسه تكولين مثل اخوي وهوة طب كايدج
نور. قاطعته (ماكو شي بيناتنه سوه هيج حته يبين علاقتنه طبيعيه )
وليد. اني ماجاي استوعب معقوله هوا قبل يتزوجج بس حته مايفشل ابوج
نور. اي وليش ممعقوله
وليد. لا مامعقول والمامعقول اكثر هوا مامتقرب منج عنده شي هذا مو ل الله جاي يسوي هيج
نور. سكتت ثواني وكلت بتردد(اعتقد هوا يحب ) باوع بوجهي وابتسم كال
وليد. هوا هذا الي اريده
نور. كلت اعتقد ممتأكده
وليد. شنو تعتقدين شلون عرفتي انتي؟
نور. (شفت وحده تدزله رسائل والبارحه اتصلت عليه ووقته كله مخلصه على الموبايل ف شكيت اكو علاقه بيناتهم واليوم جان اسلوبه وياي مو حلو كلش يختلف عن البارحه وقبلها وهذا شي يأكد انو هوا ضايج مني بسببهه ) تغيرت نظرته بسرعه وكال
وليد. وانتي ليش جاي تحجين عبالك ضايجه
نور. وليش اضوج يعني
صفن بوجهي ثواني ورجع كال
