نور. حسيت على ايد دتلامس ركبتي فتحت عيني وتفاجئت ب امير وجهه مقابيل وجهي وايده على ركبتي من شفته فتحت عيوني متفاجئه كمزت بسرعه (هاااي شدتسوي؟؟) باوعلي بنظرة استهزاء ورد ببرود
امير. شسوي يعني
نور.(شلون تمد ايدك علييه) كمت بسرعه من الجربايه ووكفت صافنه على البرود مالته رفع راسه يباوع بوجهي جان يشمر عليه عصاره وكال
امير. خلي لركبتج منها
نور. بعدني بعصبيتي وردة فعله نرفزتني (هلمره مراح احجي شي بس اذا تكرر الموضوع والله والله ميجرالك خير )
امير. باوعتلها وضحكت بوجهه (بابا شبيج انتي حلمانه هوا منو مباوعلج حته يتكرر مره ثانيه هههههه)
نور. صفنت بوجهه ثواني وسحبت المخده والغطه ورحت تمددت بنهاية الغرفه دقايق ورجع كال بستهزاء
امير. زليخه تعاي نامي هنا اني انام جوه
نور. حاولت احافظ على هدوئي محاجيته ثواني ورجع كال
امير. مو دنحاجيج زليخه
نور. معللليك بيه معليك مالك علاقه اني اريد انطمر هنا
امير. طبج مرض
نور. تجاهلت كلامه بسكوت دقايق قليله وغفيت فزيت على صوت الاذان ترس الغرفه رفعت الغطه وكمت افرك بركبتي وجسمي كله يوجعني من النومه على الكاع كمت دخلت للحمام توضيت وطلعت فرشت السجاده وصليت وبعد مخلصت رفعت ايدي واحجي بكلبي(ياربي وكلتك امري وحياتي وحبي انته وحدك تكدر تساعدني ماكدر اتقبل وجوده بحياتي ماكدر ياربي اهلي ضلموني وانته عادل متقبل بالضلم خلصني منهم كلهم خلصني واجمعني بوليد خلصني ) علت شهكاتي ودموعي فاضت على خدي
امير. حسيت على صوتها وهيه تبجي رفعت راسي صارت كدامي تصلي وتبجي رجعت خليت راسي على المخده وغطيت راسي وبعده صوتها ديزعجني ويحرمني من النوم صحت بغضب(ياربي وتالي ماتخلصني من نور وبجيها)
نور. مسحت دموعي بسرعه وشلت السجاده رجعتها بمكانها باوعت عليه بعده خازرني (اذن كوم صلي )
امير. نامي نامي رحمه لمحمد نامي بليل تبجين الصبح تبجين الضهر العصر وتالي يعني وتالي وياج
نور. محاجيته رجعت لمكاني احاول انام شويه وحسيت عليه كام راح للحمام ورجع فرش السجاده وكام يصلي بقيت بمكاني اتظاهر النوم دقايق قليله واجه وكف فوك راسي باوعتله بستغراب
امير. كومي ع الجربايه هسه تجي امي مالي خلك هوسه
نور. بسرعه بدون مااحجي شي شلت اللحاف والمخده ورحت نمت ع الجربايه ثواني وحسيت عليه نام ع الجهه الثانيه بقيت اتكلب لحد ماجت عمتي دكت الباب جنت منتظرتها كبل كمت فتحت الباب وطلعت وراها سويت الريوك تريكو ونظفت المطبخ والمظيف والبنات بعدهن نايمات صعدت للغرفه امير نايم نظفت الغرفه وغسلت ملابسه ونزلت اشرهن بالحوش من شافتني عمتي نرجس طلعت ملابسها وملابس عمي حارث اجت شمرتهن عليه
