امير. بحياتي ماوصلت لهاي الدرجة من العصبيه مثل العشناها اليوم وتصرفاتي وياج بذيج الفتره كلها بسبب توتري نور وجودج وياي بنفس البيت وبنفس المكان وحركاتج هاي كلها خلتني
نور. حجه اخر كلمه وعيونه كامت تفتر عليه بنظره غريبه تحركت من كدامه دا اطلع لزم ايدي وكال
امير. خلتني احقد عليج واعاملج بطريقه متعجبج
نور. خليت ايدي على ايده وسحبت نفسي متوجهه للجربايه خليت راسي على المخده احاول انام شويه واجه هوا تمدد بصفي واني منطيته ظهري
امير. خربتي شعرج
نور. بقيت ساكته مكلت شي رجع كال
امير. جان حلو
نور. وهسه ؟
درت وجهي عليه متسأئله صفن عليه ثواني وكال
امير. حلو حلو
نور . سكت شويه وسمعته يضحك بستهزاء درت وجهي عليه غمض عيونه يتظاهر النوم رجعت درت وجهي وغمضت عيوني ثواني وغفيت حسيت على صوت الباب ديندك كمت بكسل فتحت الباب عمتي نرجس غسلت وجهي ونزلت سويت الريوك واحس نفسي كوه مفتحه عيوني بقيت واكفه بالمطبخ انظف بي لحد مطلع عمي حارث رحت جبت الصينيه وكمت اغسل بالمواعين ثواني وحسيت بوجود عمتي نرجس درت وجهي عليها تباوعلي من فوك ليجوه ابتسمت بوجهه وكلت(ها عمه محتاجه شي) ردتت
نرجس. عمى بعينج البارحه ليش امير يصيح شعدكم
نور. صفنت بوجهه محجيت كالت
نرجس. اني ردت اصعدلج واكسر راسج بس ادري ب ابني ميحب اتدخل بحياته والمشكله اني شجعته يجيبج هنا بس مو حته تسوين مشاكل واسمع صوته بنص الليل جبتج حته تخدمينه واشلع كلب امج بيج
نور. صفنت بوجهه معرفت شحجي الدمعه بطرف عيني (عمه ماكو شي بس هوا لان تأخر اني خفت عليه وهوة ضاج لان حاجيته ) تقربت مني وكالت بنبرة تهديد
نرجس. اسمعيني لج اذا يصير الي صار البارحه لو اشوف امير ضايج انتي السبب مو انتي اطلع نار كلبي بيج اكبر راس ميخلصج مني سمعتيني
نور. هزيت راسي بمعنى اي دارت وجهه عني وهيه دتكول
نرجس. كبر اضلم
نور. ضجت كلش من حجيها واسلوبها وياي خلصت المطبخ وصعدت للغرفه لكيت امير كاعد طبيت وسديت الباب (صباح الخير ) رد عليه وهوا مبتسم
امير. صباح النور
نور. توجهت للميز جريت الكرسي وكعدت كدامه وهوا ملتهي بالموبايل يراسل ويضحك صفنت بوجهه ثواني وكلت( بيش الساعه) رد بدون ميباوعلي
امير. ب9
نور. ويامن تحجي ب9 الصبح ومبتسم
رفع راسه انطاني نضرة الاستغراب وكال
