واني صافنه اتفرج على حياتي شلون دتتدمر طلعنه من المحكمه وتوجهنه لبيت السيد عرفت من خلال مكالمة عمي حارث السيد هوا صديق اله وصلنه لهناكه سلمو علينه ودخلونه للاستقبال عمي وامير دخلو للمضيف واني اخذتني مرته للاستقبال شويه وصاحوني وبعد دقايق قليله صرت زوجته شرعاً وقانوناً هنا حسيت نفسي حرفياً دخلت بسجن سجن مؤبد غوركت عيوني واني اتذكر وعد وليد وهوا يكلي ماياخذج غيري اذا مو الي مو الغيري حسيت ضاك صدري وماكدر اقاوم اكثر من هيج رفعت راسي اجت عيني على امير وبمجرد مشافني انتبهت عليه دار وجهه عني وبعد ثواني طلعنه من بيت السيد وتوجهنا للسجن الجديد الطريق كله الكل ساكت حافظت على هدوئي الحد مصرنه كدام البيت نزلت وعيوني تتلفت بلكي يطلع كدامي بلكي اشوفه بلكي وبلكي بس مشفته دخلت للبيت ماكو احد الكل بغرفته ماعرف وين اروح ابقه بمكاني لو اصعد فوك عمي دخل لغرفته وسد الباب اجه امير فات من كدامي وصعد لغرفته واني واكفه بنص الهول صافنه وكف كدام باب الغرفه وباوع عليه
امير. متجين شمنتظره
نور. تحركت بتردد خايفه ابقه وخايفه اروح باوعت عليه لكيته خازرني صعدت الدرج ووكفت بأخر بايه
امير. شبيج تتصفنين متمشين روحي على ذيج الغرفه تلكين مريم ابقي يمهن اذا يعجبج وذا تردين تبقين وحدج فوتي هنا واني انزل جوه
نور. لا لا اني اروح يمهن
اشرلي بمعنى روحي مشيت بخطوات متعثره وكفت كدام الباب دكيته جان تطلعلي ريم دخلتني للغرفه
ريم. امير وين لعد
نور. بالغرفه مالته
ريم. وليش مرحتي ويا لعد لو تزوجتي مريم ؟
نور. ريم مالي خلك راسي يوجعني وخري عني
مريم. تعاي هنا كعدي معليج بيها
نور. نزعت العبايه والحجاب وتمددت وخليت راسي على رجل مريم نمت بدون ماحس على شي شويه وفزيت على صوت عمي فتحت عيني لكيت عمي حارث فوك راسي كمزت سحبت الشال وخليته على راسي جنت مستحيه ماريد يشوف الحرك الي بركبتي
حارث. ها يبه يوجعج شي محتاجه شي
نور. لا عمي سلامتك
حارث. عمي اذا يوجعج شي مدام رجلج هناا خل ياخذج
نور. صفنت بوجهه (لا عمي مبيه شي)
حارث. لعد غسلي ويله يبه نزلي تغدي ويانه يله كومي
نور. هزيت راسي بمعنى اي وطلع هوا نزلت ويا ريم ومريم يصبون غده منين اغسل حته مادري وين اولي الله ياخذك سيف عساها بحظك ان شاء الله اجت عيني على مرايه صايره بركن الغرفه تمشيتلها وكفت كدامها هاي شصاير بيه اثار الضرب ووجهي تعبان عيوني مورمه حسبي الله عليكم ياظلام الله ينتقم منكم ان شاء الله مسحت دموعي وطلعت اول مطلعت صار بوجهي امير ديطلع من غرفته من شافني بقه واكف عبالك منتظرني اوصل يمه اني هم من شفته وكف تجمدت بمكاني ضل هوة واكف ويباوع عليه من شافني هيج ارتبكت نزل كدامي بقيت واكفه انتظرته يكعد يله نزلت ورا لكيتهم كاعدين ينتظروني كعدت وياهم اكلت لكمتين وكمت رحت للمطبخ غسلت وطلعت وكفت كدام باب المطبخ اخذت نفس عميق ونزلت دموعي ياربي ليش هيج صار وياي اريد اطلع منا هذا مو مكاني مكاني وانتمائي لوليد شلون بيه ياربي شنو الراح يصبرني نار الفراك تلسع بكلبي كلهم يربي داسو عليه شنو ذنبي شسويت اني ليش محد وكف ويايه ليش حته وليد مساعدني ليش دموعي تنزل بغزاره رفعت ايدي امسح الآلم الترس وجهي بهايه الاثناء اندكت الباب مسحت وجهي ع السريع ودخلت للمطبخ طلع بوجهي امير يباوعلي بطريقه ماكدر افتهمها ماعرف نظرة كره لو نظرة تعاطف ماعرف بس اكره اشوفه كدامي ماتحمل نظراته غسل وطلع فتح الباب شويه ودخل وتفاجأت بدخول حيدر وراه من شافني حيدر انصدم مثلي بقه واكف بالباب يتأكد اذا الي ديشوفه حقيقه لو ديتخيل دخل امير للاستقبال بدون مينتبه حيدر واكف متفاجأ من المنظر دار وجهه وحجه
