سيف. كعدت ويه ابوي وامي كاعده كدام باب الغرفه واني روحي تفور بس اريد المحهه
محمد. سيف ودي امك لاهلها
زهره. والله ماتخطه
محمد. كلت وديها لاهلها ماريد اشوف واحد بالبيت يله بسرعه
سيف. اني طالع انتظرج بره
طلعت بره ١٠ دقايق وطلعت تبجي
زهره. الله ينتقم منك يسيف
سيف. درت وجهي عليها بغضب الله ينتقم مني لو منج ومن بنتج شوفي حال ابوي شلونه وانتي خايفه ع بنتج
زهره. بعصبيه بنتي وابوك حالهم هذا بسببك لو ساكت ومزوجينهم بدون فضيحه مو احسن من سوايتك هاي
سيف. هوا ياهو طلع عينها وخلاها تخون ثقتنه مو سوالفج هاي كم مره ومره اخذت الموبايل منها وترجعينه الها كم مره ومره بطلتها وترجعينها اذا اكو سبب ف انتي وحدج السبب انتي انطيتيها عين بسوالفج هاي
زهره. انجب اختك تربيتي اني مربيتها على ايدي ماتسوي الغلط نور بنيتي واعرفها
سيف. هههههه تربيتج لعد احنه شنحجي يعني شمنتظره من تربيتج بعد بس عوزها تنام بحظنه
زهره. يسيف من هاي اللحظه لانته ابني ولاني امك لا ييطخ السانك على الساني وغضبي عليك اليوم الدين
سيف. صرت نار من كالتلي هيج وصلتها لبيت اهلها نزلت ورجعت للبيت والطريق كله سوالفها ترن باذني كوه وصلت للبيت كمت ماشوف ركنت السياره كدام باب البيت ونزلت اتمشه للكهوه واني طالع بالفرع صار بصفي قاسم ابن حارث
قاسم. السلام عليكم
سيف. كملت طريقي كأنو مموجود ولا سمعت منه شي صرت كدامه امشي جان يصيح
قاسم. شدعوه عليك ترا احنه ولد شجره
سيف. درت وجهي عليه وحجيت بستهزاء (ياهو انته مو ابن الكح... ههههه شجابك ع شجرتنه)
قاسم. وانته مو اخو الكح....
سيف. هوا كال هيج تهسترت كمت ماشوف كدامي كمزت عليه ضربه الي وضربه اله
قاسم. امي تسواكم كلكم من امك لابوك لاختك لعرضك تسواكم كلكم ياعار
سيف. بدون شعور ضربته ع صدره وكع بالكاع وسحبت المسدس من جوه التشيرت واطلقت عليه اجت الطلقه بنص راسه من شفته وكع والدم ترس المكان استوعبت السويته وكفت حاير شسوي جان اسمع صوت
ابو الاسواق . لك سيف شسويت
سيف. اجه يركض بتجاهي ويصيح بأسمي بهايه اللحظه الخوف سيطر عليه عفته واكع بالكاع وشردت كمت اركض بدون وعي مادري وين رايح بس اريد ابتعد عن المنطقه
امير. بعد يوم طويل ومتعب تمددت على الجربايه غمضت عيوني اريد انام وفززني صوت الباب نزلت اتمشه للباب (جايك جايك )
