Unicode
"မှန်းစမ်း ဘာတွေများပြောင်းလဲသွားသေးလဲလို့"
သူ့မျက်နှာကိုအနီးကပ်ကြည့်လာတဲ့ခါနွေဦးကြောင့်ခွန်းသောက်ပြုံးမိသည်။နည်းနည်းလောက်တည်ငြိမ်သွားတာကလွှဲရင်ခါနွေဦးကအရင်ကအတိုင်းပင်။သူလုပ်ချင်တာကိုတဇွတ်ထိုးလုပ်တတ်တုန်း။တော်တော်ကြာအောင်သူ့မျက်နှာကိုအကဲခတ်ပြီးတော့မှခါနွေဦးရယ်ရင်းခွန်းသောက်ရဲ့မျက်နှာကိုသူ့ကိုခပ်ဝေးဝေးတွန်းလိုက်သည်။
"ဘာမှလည်းမပြောင်းလဲဘူး ငမဲလုံးကငမဲလုံးပါပဲ"
ခွန်းသောက်လည်းရယ်ရင်းသူဖွနေကြခါနွေဦးရဲ့ဆံနွယ်တွေကိုအမြတ်တနိုးထိုးဖွလိုက်သည်။
"အခုဘာလုပ်နေတာလဲ ပိတောက်ပန်းခူးမလို့လား"
"ဟုတ်တယ် အစကတော့ကိုယ်တိုင်ခူးမလို့ အခုမင်းရောက်လာပြီဆိုတော့မင်းတက်ခူးပေး"
"ဟောဗျာ ဇာတ်လမ်းကစပြီ ငါမရှိတုန်းကကျတော့မင်းကိုဘယ်သူပိတောက်ပန်းခူးပေးလဲ"
"ကိုယ့်ဘာသာကိုတက်ခူးရတာပေါ့ မြန်မြန်လုပ် ခူးပေးစမ်းပါကွာ"
အစကတည်းကခါနွေဦးရဲ့စကားဆိုငြင်းဆန်နိုင်စွမ်းမရှိသည်မလို့ပုဆိုးကိုခါးတောင်းကျိုက်လိုက်ရင်းပိတောက်ပင်ပေါ်တက်ရတော့သည်။ခါနွေဦးကသူ့ကိုအပင်အောက်ကနေမော့ကြည့်နေလေသည်။
သို့သော်ထိုမျက်ဝန်းတို့ကမည်သို့သောအဓိပ္ပာယ်ကိုဖော်ဆောင်ထားသလဲဆိုတာခွန်းသောက်နားမလည်နိုင်ခဲ့ပေ။ခါနွေဦးလိုချင်လောက်မယ့်ပန်းပမာဏကိုမှန်းဆပီးပန်းခူးကာအပင်ပေါ်ကပြန်ဆင်းလာလိုက်သည်။
"ရော့ ကျေနပ်ပြီလား"
"အများကြီးပဲ ကောင်းလိုက်တာ ဒီလိုအများကြီးလက်မခံရတာကြာပြီ ကလေးတွေကိုတောင်ပန်ပေးလို့ရမယ်ထင်တယ်"
"ကလေးတွေ ဘယ်ကလေးလဲ"
ခါနွေဦးကပန်းတွေကိုသုံးပုံခွဲနေသည်၊သို့သော်ဘာအတွက်ဆိုတာကိုခွန်းသောက်ရေရေရာရာမသိရသေးပေ။
"ငါကလေးထိန်းကျောင်းဖွင့်ထားတယ်လို့စာထဲမှာပြောထားတယ်လေ"
BINABASA MO ANG
ပိတောက်ပန်းတို့ပွင့်စေလို(Complete)
Short Storyပထမဆုံးသူငယ်ချင်း ပထမဆုံးအချစ် ပထမဆုံးအလွမ်း ပထမဆုံးပိုင်ဆိုင်မှု ပထမဆုံးရှုံးမှု အရာအားလုံးရဲ့ပထမဆုံးက ခါနွေဦး မင်းနဲ့သာသက်ဆိုင်သည်
