في ضحى يوم الاثنين قامت فطامي على اصوات الازعاج من خوانها
وبكل هدوء سارت وتغسلت وبدلت ثيابها لبست مخورة ورديه مع شيلتها ، ونزلت تتريق
وطبعآ العايلة الكريمه كلهم يالسين يتريقون
فطامي : صباحح الخييير
الكل : صباح النورر
أم علي: حد ينش الضحى العرب قاموا واسرحوا ونتي توج قايمه
فطامي: عاد شسوي امس راقده 1 اذاكر للامتحان وايد دسم
أم علي : هيه ماشالله لله يوفقج وييسر امورج انشالله
فطامي : امينن وياجج امايه
وكملوا ريوقهم وساروا الامتحان كان امتحان عربي( للعلم الامتحان يبدأ من 10 لين 11 عسب جي قايمين ع راحتهم)
وصلت فطامي المدرسه ودخلت الصف وسلمت وردوا عليها التحيه ويلست
لفت فطامي ع مريم ربيعتها
فطامي: شحالج مريم عساج طيبه ؟
مريم: الحمدلله بخير ومن صوبج
فطامي: طيبه الحمدلله فديتج ،، شو مسويه عسى مذاكره عدل
مريم: انا ذاكرت ولله بس احس هب مذاكره !! تبين الصدق ترا بس قريت الدرس ماحفظت يعني مال اي شي
فطامي: هيه ولله ترا امتحان عربي وفقره خارجيه ونحو وبس
صدت صوبهم عوشه ..
عوشه : فطامي ع فكره ترا المس بعد مدخله القصيده ولازم تشرحينها وتفسرين معانيها
فطامي بلامبالاه: نزين عادي ترا المس قبل ممتحنتنا فـ القصيده ومانسيتها فـ بيكون سهل انشالله
عوشه ومريم : انشااالله لله يسمعع منججج
وشوي تدخل المراقبه ويا اوراق الامتحان وطبعآ فطامي لا حياة لمن تنادي لا حفوز ولا خوف ولا شي باردهههه
ووزعت وسموا بالرحمن وبدوا الامتحان ،،
فطامي فـ خاطرها : ياربيي الامتحان نفس اليي ذاكرته وكله سههلللل ييييسسسسسسس وناسه يارب اييب فل مارك
والحمدلله خلص الامتحان ومر بسهوله ونجحوا البنات وكل وحده فرحتها اكثر عن الثانيه ،، ولان اجازة فـ كل وحده بتقضيها بطريقتها ..
طلعت فطامي من المدرسة وخطفت ع ستاربكس اللي صوب الشيشه ونزلت تاخذلها واللي ماكانت حاطتنه فـ بالها انه ممزور شباب واغلبهم طالعين من الامتحان .. ماعطت اهميه للموضوع ونزلت تاخذ لها وتريت بالدور وسارت تاخذ مالها وحاسبت وهيه طالعه ياها واحد
*** : هلا بالحلوييين
فطامي طاف : ..
*** : الغالية عطينا ويهه
وبعد فطامي طاف
سارت بسرعه تركب موترها وتحرك لاكن وبحركه سريعه ركب وياها الموتر
هنيه خافت فطامي ويلست ترجف من الخوف طار عقلها اول مره يصير معاها هالموقف
وشوي عصبت الانه يلس يغازل ويرمس ومطيح الميانه .. نط الها عرج
فطامي صارخت صرخه طرت اذنيه 😂
فطامي : انتههه منوووووو عشان تركب الموتر وتسولف ع كيفك ؟؟؟
*** : انا هزاع بن ناصر هيهي شرايج فيني
فطامي : كل زق شسويلك .... انزل ولا ببلغ الشرطه
هزاع : نزين بلاج لابقه بنزل عاد من زينج
فطامي : انزل جدامييي يلااا
ونزل هزاع وسار موتره ،، وردت فطامي البيت بدلت ثيابها ورقدت
بعد تقريبآ ساعتين فطامميييي نشت ع صريخخخخخ قويييي مب صراخ ضرابه او شي عادي
نزلتتتت ركضضضض صوب الصوتتتتت لاكن الصدمه *******
شو تتوقعون بيصير ؟؟؟؟
