بعد مرور فتره من الزمن
صباح الجمعة في بيت ابو ذياب الكل كان متيمع في الحديقة ويتريقون
وديما وريما ومهره يحوطون بالخيول حولين البيت ،
ف نص السوالف والضحك وقف بطي
بطي : دامنكم كلكم متيمعين بغيت اقوللكم شي مهم
الكل التلفت صوبه وسكت
بطي: انا ان شاء لله قريب بستوي ابو
الكل استانس بالخبر الحلو ويباركون لهم وفطامي مستحيه
بطي همس الها : فديت اللي تستحي انا شو تبين احط لج لازم تاكلين عدل
فطامي : بسني بطوي وايد كليت
بطي : لا ماكليتي كلي بعد
فطامي :اف ياربي غصب غصب مابا نزين
بطي: هيه هيه غصبن عنج يلا كلي
فطامي : نزين باكل
وكلوا وخلصوا والكل قام يتمشى واللي سار دوامه
سارت ام ذياب وزقرت عيسى ع طرف عسب ترمسه
ام ذياب: ابويه حبيبي شو فيك ليش طلقت الدماني ؟
عيسى : اميه مابا اقولج ليش لله يستر عليها
ام ذياب : ي روحي انته امها وابوها داقين محتشرين اونه ليش طلقت بنتنا وهي لعبه عندك ومادري شو ماخلوا شي
عيسى : لا ولله عيل هم جي يقولون خل يجوفون سواد ويه بنتهم الحين بسير صوبهم
ام ذياب : ي ولد استهدي بالله وفهمني شو الي صار
عيسى : امايه ولله ما اقدر اقولج بتطيح من عينج وبقو بعد
ام ذياب : ليش ارمس نزين
عيسى تنهد : امايه الدماني كانت تخونني
انصدمت ام ذياب : امف عليها مالت انا اقول ماعليك منها بدور لك اللي اخير عنها بمليون مره
عيسى : كرهت العرس وطاريه حرام انا حبيتها من كل قلبي وتزوجتها ولا قصرت فيها بيوم ليش تخوني
ام ذياب : الانها مش مربايه لو مربايه جان ماسوت هالسوات
عيسى : ماعليه ي امايه اهدي ونا بحل الامور
ام ذياب : انشالله ي ولديه لله كريم
العصر طلعوا فطامي وبطي وساروا عند اهل بطي
خل اعرفكم ع اهل بطي
بو بطي : سيف عمره 48 سنه
ام بطي : بدريه عمرها 45 سنه ونفس شخصيه ام علي
حمد توأم بطي : 22
طيف : عمرها 20 سنه
ميّ : عمرها 15
وصلوا عند اهل بطي واستقبلوهم بالاحضان ويلسوا يسولفون
بطي : عندي لكم خبر وايد بيفرحكم
بو بطي : شو هو ؟
بطي غمز لـ فطامي : فطامي حامل
ام بطي : مبرووك حبيبتي لله يتمم عليج
طيف : مبروك ي حلوه
بو بطي : مبروك بنتيه لله يسهل عليج
فطامي : لله يبارك فيكم ، آمين يارب
فجأه لقوا مي تركضض من فوق وتصااارخ
شو توقعاتكم للبارت الياي اسمحوا لي فديتكم طولت عليكم
