//
بوذياب : بقوللكم شي ............ ابا الحين الكل يتفاهم مابا اي مشاكل والحين بنرد بوظبي بنسير بيتنا اليديد
انا مسوي لكل حرمه قصر ووراه بيوت لـ عيالها ، اختصر الكم يعني مجمع ونا عندي قصر بروحي ، وصدقوني اي مشاكل اي ضرابه مابتسلمون مني انا ياي اعدل بينكم واجمع بينكم واعرف العيال ع بعض مابا اي حد يتضايق ولا يزعل اباكم تتعاونون ع كل شي مثل الجيش اباكم ع ايد وحده ولا حد يغلط ع الثاني واي شي تبونه حاضرين وكل شي فـ البيت يوم بندخل براويكم ويلا كل حد ع موتره والحقوني
الكل : انشالله
وحركوا العايله الكريمه للعاصمه بوظبي
وصلوا لـ بوابه كبييييييييييييييييييره وحولها سور ابيض وعليه حديد اسود
وكله شير كبيره حولين البيت ووايد وايد عووووووووود
سار السكيورتي وفتح لهم الباب ودشوا كان طريق طويييييييييييييييل يقدرون يمرون فيه سيارتين وكان ع يمينهم ويسارهم منطقه عشب كلها وورود واضائه مخفيه ومن شيره لـ شيره في ليتات مراري متوزعين ع الشير وآخر شي وصلوا جافوا نافوره كبيره شوي وبعدين صعده لـ بيت بو ذياب نزل ونزلوا معاه عقب زقر السكيورتي يشلون السيارات للقراج والقراج تحت الارض نفس الفنادق
وتموا واقفين يطالعون منصدمين من جمال المكان ( اصلن بعدهم حليلهم ماجافوا شي )
اشر لهم بوذياب : ي عيال هاذا القصر قصري تعالوا امشوا وراي براويكم شيي
مشوا ورا البيت انصدموووووووووووووواااااا يتحسبون عمارهم فـ بلاد ثانيه ع الصوب اليمين كان فـ بيتين شويه بعاد عن بعض وع اليسار بيتين شوي بعد بعاد عن بعض كانن البيوت لونهم ابيض وفوقه قرانيد اسود ولون البيبان واطراف الدرايش لون اسود وكله كله عشب وفالنص بحيره عوده اصطناعيه وكان آخر البيت في زاويه مسونها لـ عياله كانوا شير كباااااااااااااااااار وقراب من بعض وخشبهم قويي ثابت فـ سوا بو ذياب 6 بيوت فـ كل شيره وتحت الشيره بعد بيت من الخشب وكلهم الوان وفيهم زينه وفالبيوت استديو يعني مثلا يقدرون يرسمون ويصنعون فخار يجوفون فلم يسوون الفعاليات هناك فقط للعيال ممنوع الكبار يدخلون ع قوله بوذياب اونه شوي خصوصيه للعيال عشان يستانسون
وع طرف البيت مكان حوله شير بعد فالنص فيه 3 ملاعب كبار / ملعب كوره قدم / كوره سله / كوره مضرب وفيهم ليتات من فوق
بو ذياب : هالملاعب للشباب تبون تعزمون ربعكم تسوون اللي تبونه وكان عدال الملعب نفس البيت جي صغير في ميلسس عود وحمام ومغاسل و كورنر كوفي عشان تيلسون فيه ويا ربعكم و فهالميلس ست اب حق السوني والالعاب الالكترونيه
كان المكان مرتب جان يربع صوبه حمد ومايد ومنصور يعري من ريله مايروم يركض يبا يدخل يجوف
