إنا لله وإنا إليه راجعون، اللهم اجعل قبره روضة من رياض الجنة ولا تجعله حفرة من حفر النار.
اللهم بيض وجهه يوم تبيض وجوه وتسود وجوه، اللهم يمن كتابه
للهم ارحم منصور بن ناصر واسكنه فـسيح جناتك 🤍🤍.
الكل حزين على موت منصور والبيت كله داش فـ كآبه ومب عارفين كيف يطلعون منها اكثر واحد حزنان عليه هو مايد اخوه الانه مب بس كان له الاخو كان له الصديق والولد وكل شي ...
مرت الاسابيع والاشهر والكل بعده حزين عليه ولا قادرين يستحملون فراقه
ام عبدالعزيز دوم تزقر اسمه وتغلط وترجع تصيح 😔
_________________________________
في مساء يوم الجمعة
الكل كان متيمع عند يلسه الشوا وفطامي وشما ومها والريم يشوون ويوزعون ع اليهال والكبار
فطامي : مهويي تعاليي شليه وعطييه الشباب
مهوي : من عنوني انا بس وايد هاذا خلي الخدامه تيب عربانه الاكل
شماني : انا بيبها هاذي قريبب
سارت شما ويابت العربانه وشلتها مهوي صوب الشباب
كانوا الشباب فالميلس مع عيال عمهم ذياب - عيسى - هزاع - زايد - حمد - علي - مايد - عبدالعزيز
عيال عمهم حمد اخو بو ذياب الاصغر عياله ؟ ظافر عمره 20- فهد 18- فياض 16
والكل يسولف ويلعب سوني ولعب ورقه
دشت مها وسلمت
مها : اسلامم عليكم شباب شحالكم
الكل : بخير وسهاله
مها : يلا تعالوا يبت الكم العشا
عيسى : شو موجود ؟
مها : في برقر ومناقيش وفي فرينش فرايس وفي بيتزا
عيسى صد ع ظافر : ظافر تعال خذ لك مابقى شي
ظافر ببرود : ان شاء لله
قام ظافر يطالع وخذ له برقر وتم يطالع مها
مها : مضيع شي بويهي ؟
ظافر : لا
مها : تبا شي غير ؟
ظافر : شي عصاير ولا كولا ؟
مها : هيه شي تبا اييب لك ؟
ظافر : هيه ايي وياج
مها : لا عادي انا بييبهم
ظافر : لا انا بيبهم بس انتي وديني وينهم وبشلهم
مها : تمام تعال
وساروا صوب المطبخ وحطت غنجه ( اللي يشلون فيها الاكل) وحطت فيها 4 كولا و4 ديو و4 فيمتو
مها : خذه يلا
ظافر: لا صبري فجيلي واحد بشربه الحين
مها فجت ديو وعطته بس مانتبهت للسراميك المنكسر واتخرطفت وجبت الديو ع ثيابها
ظافر ولا كأنه مستوي شي ساكت ويطالع
مها : ولله سوري سوري بلغلط ما انتبهت ولله مب قصدي
ظافر : لا عادي تعالي السياره وييبلي مناديل بمشه وعقب ببدل
مها : زين سير وبلحقك
سار ظافر السياره ويت وراه مها ويلس وشلت المناديل عشان تخوزه
تمت تمش لين شوي بدا يخوز
وظافر ماخوز عينه عنها
ظافر : مهويي عادي انا بمش الباقي مشكوره
مها استغربت " مهويي ؟؟ وي ايش بو دا : العفو مابينا
وسارت بتطلع من القراج
ظافر يصارخ : مهااااااااااااااااااااااااااااااا
مها : بسم لله اعوذ بالله خير شو ؟
ظافر : تعالي بخبرج شي
مها : شو ارمس
ظافر : انا ؟ لا ماشي
مها : قول قول زين ماطريت طبله اذني وانته تصارخ لو ماتكلمت بلعنك ولله
ظافر بتردد : لا خلاص ماشي
مها ببرود : زين باي
ظافر بحزن : باي
_______________________________
عند شهاب وهند فالسيف يتمشون
شهاب : ياخي ولله احبج واحب ضحكتج واحب كل شي فيج
هند : عمريي ولله ونا اكثر
فـهالوقت حست هنودي بدوخه وقبضت ايد شهاب
شهاب :هنوديي شو فيج شي يعورج
هند : لا ماشي دخت شوي يلا نكمل
شهاب: اوديج المستشفى
هند : لا مايحتاي دوخه بسيطه
شهاب : نزين تعال بشتري لج ماي
ساروا هند وشهاب صوب الكوشك واشتروا ماي وكان جدامهم طابور مال 4 اشخاص فـ يلسوا يتريون
هند تبا تتكلم تبا تزقر شهاب ماتروم تحس ماعندها طاقه ثواني واغمى عليها
على طول التفت الها شهاب وشلها ف حضنه وحاول يسرع مشيته صوب السياره
وسدحها ع السيت واخر الكرسي وطيرااااااان للمستشفى وصلوا وحطوا لها مغذي وحللوها
طلعت الدكتوره من عندها
الدكتوره : انته زوجها ؟
شهاب: هيه شو فيها
الدكتوره : البنت ...
توقعاتكم للبارت الياي ؟ شو تحسون بيصير ؟
