في يوم الاربعاء فالمستشفى
قامت فطامي ع صوت بطي وهزاع وهم يسولفون " تدرون هاذيل المشاغبين شمسوين عشان هالفطامي؟
شاردين من المدرسة وناطين من اليدار ومهربين تلفوناتهم عشان اييونها ويتطمنون عليها
طبعآ نشت وبدلت ثيابها لبست بنطلون بيبي بلو وقميص بنفسجي في رسمه غيوم حلوههه
ولبست عباتها وشيلتها وطلعت من الحمام (لله يكرمكم)
هزاع : هلا ولله بأختي الحلوه شحالج عسولتي ؟
فطامي : هلا بأخوي حمدلله بخير انتوا شحالكم ؟
هزاع وبطي : بخير ربي يعافيج ويسلمج
وشوي اندق باب الغرفه بقووووووووووو شوي وينكسر
ولله ماعرف اوصفلكم الرعب اللي دش قلب فطامي نقزت من الخوف وانخشت ورا هزاع وبطي
وكانت خلاص بنتهار من الخوف تتحسب ابوها ياي
انفج الباب وطلعوا المخبل عيسى و ذياب وزايد وشما ومها وهند و والريم يايين يزورونها
الكل : اسلامممممم عليكمممم هود هود
فطامي وبطي وهزاع : وعليكمم السلام والرحمه
هزاع : اقربوا محد غريب
ذياب : شحالج فطامي شو صحتج ؟
فطامي : الحمدلله بخير
مها وشما : الحمدلله ع سلامتج
هند والريم : ماتجوفين شر حبيبتي
فطامي : لله يسلمكم والشر ماييكم
ويا زايد وعيسى وباسوا راسها وتحمدوا لها بالسلامه
ويلسوا يسولفون ويتعرفون ع بعض وبطي كان يالس كأنه وحيد
كانت فطامي ملاحظه هالشي وكله يطالعها لين شوي تحمحم
بطي : يلا شباب انا بسير توصون بشي ؟
الكل : سلامتك الغالي
فطامي ماكانت تباه يسير وتطالعه بنظره بريئه ع امل انه اييلس معاها
لاكن طلع وحاول يتجاهل نظراتها وقلبه يعصره ويعوره عليها
وكملوا سوالف وفطامي بالها عند بطي
شوي توصلها اضافه من السناب ويوم جافتها لقت مكتوب بطي
بدون ايموجي فـ قبلت الاضافه
بطي : هلا
فطامي: اهلين وسهلين
بطي: اسمحيلي طلعت ماحبيت ايلس جي بين خوانج احس اني غريب
فطامي : بطي لا تقول جي ولله انك صرت اقرب من وريدي لـ دمي
بطي استحى : انشالله من عيوني
