وصل بو ذياب إلى العاصمة الحبيبة بوظبي
دخل سيده بيت ام ذياب حتى ماسلم يدور فطامي ، وفطامي منخشه ورا هزاع وابدا ماتبين مول لو بيخطف مليون مره تمت واقفه وساكته
كل ما يزقر بو ذياب فطامي تفز من الخوف
ومن صريخه نزلت هند وشما ومها يركضون
هند : شو بلاك ابويه ليش تصارخ
بو ذياب : بتقولون وين فطامي ولا ولله اكسر هالبيت ع روسكم
مها : هد يالوالد منو فطامي
بو ذياب : ههه تتحريني ماعرف انج تعرفين قصي ع بنقالي هب عليه
شوي وبكل هالفوضى كان ورا فطامي دريشه قالت لـ هزاع بصوت خفيف
فطامي : هزاع بنط من الدريشه وبشرد
هزاع : سيري بسرعه ونا بلحقج
سارت فطامي بكل هدوء ونطت سارت تمشي صوب الشارع بس فالظلام ماتبين
شوي يت سياره وكانت سياره هزاع على طول فطامي سارت وركبت وياه ولا ركزت ع الارقام ولا شي
فطامي : هزاع بشر شو استوى ليكون ابويه حس فيك وانته طالع
** : انتي اخت هزاعععععع بن ناصررررررر ؟؟؟؟؟؟؟
صدت فطامي صوبه تطالع شوي وتنصدم هاذا مب هزاع " وت ذا هل " ياهي مصيبه
** : بلاج ساكته المهم انا بطي ربيع هزاع
تعريف بطي هو ربيع هزاع الروح بالروح عمره 16 سنه ووايد طيب وباله طويل
فطامي : اوكيه ونعم وانا فطامي يلا انا نازله
يت بتنزل جان يقفل البيبان بطي
بطي : وين تبين فـ هالظلام و ترا اا هزاع وصاني عليج قال اشلج معاي
فطامي : وين بتشلني ؟
بطي : بحوطج لين يسير ابوج
فطامي : نزين سير الكوفي هاذاك اللي جدام
بطي : شغال عند ابوج انا بعد تتشرط ؟
فطامي : سير ولا بخبر هزاع عليك
بطي : لا حول يـ هالبنت مصيبه وطاحت ع راسي
فطامي : اجوف راسك شي دم ؟؟
بطي : وتنكت بعد اقول تمي ساكته لين اوصل
فطامي : هاذوه ترا جدامنا مب من بعد المسافه يحسسني بيضرب خط
بطي عصب : لو ماسكتي بنزلج ترا
فطامي : لا افا عليك بنزل بروحي طز فيك
بطي : اللهم طولج ي روح سكتي بس خلاص
فطامي سكتت ...... لين وصلوا الكوفي
