بدت فطامي شوي شوي تحس باللي حولها كان فالبدايه ظلام وها ساعدها انها تفتح عينها بسهوله شوي وصحصحت (تخيلوا وين جافت عمرها ؟؟؟؟)
فطامي فـ خاطرها : " انا شو اسوي هنيه بسم لله"
شوي فزت : يماااااااااااااااااااااااااه شسوييي هنيه
كانت الشيخه فطامي يالسه ف حضن بطي وطبعآ حاول يوعيها كم مره ويرشها بماي لين قامت وماكان يبا يوديها المستشفى الانه لو سار بيدقون ع بو ذياب وبيعرف مكانها
بطي : خيبهههههههههههه انطرت اذني بلاج ؟؟
فطامي : شو بلاني بعد ليش ميلسني هنيه
بطي يسوي عمره يفكر : اممم شو رايج .. تبين الصدق؟
فطامي : هيه ابا الصدق بعد شوه
بطي : الانه حبيتج
فطامي منصدمه وتطالع
بطي : ايهه استهبل ترا شسمه اا حطيتج عشان انتبه لج لو تتنفسين ولا خفت عليج ( هو اصلن جذاب مايستهبل كان يقولها من خاطره )
فطامي : اها اوكيه بسير ايلس ع السيت الثاني
بطي : زين يلا حولي
بطي : فطامي انتي بخير الحين ؟ تحسين بشي يعورج ؟
فطامي : لا تحاتي
بطي : شو ما احاتي خبله انتي قولي شو فيج
فطامي : بطوي اسمع فيني فقر دم وبس
بطي وهو فـ خاطره " فديت بطوي ع لسانج " : نزين تتعالجين ؟ تاخذين ادويه ؟
فطامي : هو عندي بس مب ملتزمه دايما اخذ ومافي فايده بعدني ادوخ
بطي : لا ولله تستهبلين ليش انشالله ؟
فطامي حست بدوخه وصداع قويي ووخت حطت راسها بين ريولها وغمض بقوههه
بطي شوي وبيصيح وصوته فيه بحه "للعلم ترا بطي وايد حساسسس " : فطامي شو فيج خبريني اوديج المستشفى ؟ 😢
فطامي ماترد " رد اغمى عليها " .
سار صوب بيتهم بينزلها واهله مسافرين فـ محد يدري انه بيبها البيت شلها وداها غرفته شغل المكيف وخلاها ع الشبريه " وحط عدالها كيمره وصوت مال اليهال ( مال اخته الصغيره )عشان يجوفها ويسمعها
نزل تحت عشان يسوي لها شي تاكله شغل اليوتيوب وسوالها عدس وعيش وعصير
شوي وهو يالس يطبخ انتبه لـ فونه الثاني ويجوف فطامي وهي تتألم وقابضه راسها
ركضضض فوق صاروخخخخخخخخخ خلا الاكل اللي زين ما احترق وسار صوبها
بطي وهو يلهث يالله يتنفس من الركض : فطامييييي ييت شو فيج
