بطي : ان تحركتي من مكانج يويلج يلسي يلا
فطامي : نزين شو هالدفاشه خلني ابطل البا
بطي : بستقعد لج ولله
فطامي : خلاص سير فج الباب
سار بطي يفتح الباب وجاف ام علي يايه .. رحب فيها ووصلها الصاله
ام علي : مرحبا بكم عيالي شحالكم عساكم بخير
فطامي وبطي : الحمدلله بخير
ام علي : يالله وينكم من حملت فطامي ماريناها
فطامي : يالسه فالبيت وجوفي بطوي مايخليني اطلع ولا يخليني امشي ولا يخليني اسوي ولا شي كله هو جنه انا جماد
بطي : انتي سكتي وارتاحي اذا تكلمتي بتتعبين
فطاميي : شو يخصههههههههه امايه جوفيه
ام علي : يالله بطي مب جي عاد قلنا اهتم بس مب اوفر
بطي : انا جي وخلاص خايف عليها ولله
ام علي : نزين شو رايكم تون عندنا شويه
بطي : بجوف انشالله باجر حاليا لا
ام علي : خلاص مب مشكله عيل باجر نترياكم
وتعشوا مع بعض وسولفوا وجي عقب ردت ام علي البيت بعد ماردت صعدت فطامي تتسبح وتبدل لبست لانجري بيبي بينك ورفعت شعرها وحطت فيونكا وعقب انسدحت تجوف تيك توك .. كملت ساعه وساعتين وثلاث وبطي للحين مايا ماتدري حتى متى طلع دقت له تتطمن عليه ما رد عليها قالت يمكن مشغول
بعدها بفتره قصير دخل بطي البيت وهو شال اكياس وايد معاه .. نزلت تحت ترحب فيه سارت صوبه وحضنته فطامي : حبيبي وينك ليش ادق لك وماترد حتى ماقلت لي انك بتطلع .. بطي نزل الاكياس وشلها
بطي : حبيبتي انتي كنتي فالحمام قلت مابغثج بطلع بسرعه وبرد
فطامي : بس انته تاخرت 3 ساعات ونص وايد شو كنت تسوي
بطي : مريت ع ابويه وسلمت وعقب سرت وخذت لج هديه لـ احلى هديه فالعالم
فطامي استانست وباسته : حبيبي ولله مشكور ماقصرت كلفت ع عمرك
بطي : فديتج ولله تستاهلين زود
ونزلها يلس يتأملها تم سرحان فيها وقرب لعندها وشلها فوق الغرفه وسدحها ع السرير .. وانسدح ف حضنها
بطي : احبج وايد فديتج ريحتج وفديتج بكبرج انا
فطامي: ونا اموت فيك بطوي قرب شوي
بطي قرب وبدا يشفشفها وقرب منها
.......
ع الصبح قامت وكشخت وتعدلت ونزلت تسوي ريوق
ونزل وراها بطي يساعدها
وهم يتريقون
فطامي : بطوي ابا اكمل دراسه برع
بطي : ليش جامعات الامارات متروسه
فطامي : لا بس ابا برع وجي انته تكون معاي
بطي : انا حبيبي عندي دوام .. وبعدين انتي حامل ولازم ترتاحين
فطامي : حتى هناك برتاح بس ولله داقه فراسي اكمل دراسه
بطي : شو رايج تفكرين فالموضوع شوي مايصير على طول تقررين
لو متاكده من قرارج من عيوني بسافر وياج وانا بعد بكمل دراسه
فطامي : هيه ولله متاكده خلاص ابا اكمل مليت من اليلسه
بطي : خلاص تم من عيونيي
نسير عند هزاع كان يالس ف كوفي ودارت ع باله فطامي ليش قاطعه لا تدق ولا شي
سار عند ابو ذياب فالبيت
هزاع : ابويه ابا ارمسك ف موضوع
ابو ذياب : هلا قول شو تبا
هزاع : ابويه انته مب مسوي بيت كبير ؟ ماتحس انه ماكان له داعي ؟
ابو ذياب : كنت ابا راحتكم يا عيالي لكن اجوف قاموا يعرسون البيت فضى ولحد يمر يزورني
هزاع : خلاص انا عندي لك فكره ....
شو توقعاتكم للبارت الياي؟
