اسمحوا لي ع القطعه توه رد لي الشغف
بو بطيّ : بلاج مي شو مستوي
ام بطي : هالمينونه بلاها تصارخ
مي : ماماااااااااااه ربيعتي خذت لي فرس هديه
بو بطي: كيف؟ يلا اقنعيني
مي : بابا شو فيك ربيعتي ابوها خذا لها خيل وقالت له تبا ثنتين يوم يابهم قالت وحده حقج ووحده حقي
بو بطي : اها بنت منو هاي؟
مي : بنت ابوها
بو بطي : تستهبلين انتي قولي بسرعه بنت منوه
مي : مهره بنت سيف بنت سعيد ال**
بو بطي : هي عرفته
مي : ارتحت ؟
بو بطي : اصطلبي وكلميني عدل
مي : انشالله
ام بطي : ماباركتي لـ فطامي حامل
مي : ماشالله مبروك حبيبي جوفي من الحين اقولج ولدج ولا بنتج حقي
فطامي : لله يبارك فيج ، جيه لعبان هو
مي : بسرقه منج ترا
بطي : يالله ولدي عينك عينك بتسرقه
مي: عادي
بطي : فرسج اللي يايبينها سديها خليها بنتج
مي : اساسا هي بنتييي ويوووو
بطي : يوم اقولكم حيوانه
فطامي فتحت سناب وطرشت ل بطي
فطامي : بطوي بطني وايد يعورني
بطي سمع الاشعار وفتح فونه قراه وعلى طول قام باس امه وابوه ع راسهم اسمحولي بترخص عنكم
طلعت لي شغله ضروريه مسك فطامي من ايدها وقومها سلمت عليهم وطلعت ركبوا السياره
بطي: وين يعورج معدتج يعني ؟ يوعانه ؟
فطامي : لا بطوي الم تحت يعورنيي اخاف يموت 🥺
بطي : لا بسم لله عليج لله لا قال حبيبي انتي
حرك بطي على طول صوب المستشفى مسرع ونزلوا مع بعض ، والالم كل ماياله يزيد لين اختل توازنها
فطامي : بطوي ماروم تعبانه
حط ايدها تحت ريلها وع ظهرها وشلها بسرعه داخل ودخلوها ع الدكتوره على طول الانها كانت فاضيه
كشفت عليها الدكتوره وف نفس الوقت كان عام الهدوء وبطي يترياها تتكلم ،
بطي : دكتوره شو فيها ؟؟؟؟
الدكتوره : ..............
اسموحه طولت وايد عليكم بس هالاجازه بكمل بأذن لله مابوقف 🤍🤍🥲
