في صباح يوم الجمعة
فـ بيت ام ذياب
قاموا الكل يتلبسون ويتجهزون الريم ومها وشما وهند لابسين مغربيه مطقمين نفس الشي بس الالوان غير وكلهم مسويين شعرهم فير ومتعدلين نفس الشي
اما عند الشباب قام اول واحد زايد وشل ثيابه الدوبي ( عاد اول مره بيجوفون يدهم ويدتهم ) وعقبه قام حمد وعيسى يتجهزون وذياب آخر واحد ناش ويا هزاع وبدوا يخلصون ، اما ام ذياب لبست مغربيه نفس بناتها بس افخم شوي وحطت ميكب بسيط يبرز ملامحها الجميلة وخلصوا كلهم وتحركوا لين راس الخيمه .
___________________
فـ بيت ام عبدالعزيز
سارت غرفه الاولاد اللي هم عبدالعزيز ومايد قومتهم ماشالله عليهم بسرعه نشوا وخلصوا ونزلوا يتريقون وسارت غرفه سالم ومنصور توعيهم وهاذيل هيازه (كسل ) فيهم الانه سهرانين يلعبون سوني وطبعآ الشباب خلصوا اول ويالسين يتريون البنات وسارت ام عبدالعزيز صوب غرفه البنات هنى وريما وديما تطلع الهم ثياب وتنسق طبعآ لبسوا دريس فـكتوري خفيف وحلو وحطت الهم ميكب جمييييل ماشالله عليهم لله يحفظهم صدق جمال ع عيال ام عبدالعزيز وسارت هي ولبست نفس بناتها وتعدلت ونزلت وخبرت الدريول مكان بيت اليد واليده وتحركوا .
__________________
فـ بيت ام سهيل
قومت عيالها ولبست مهره وسلامه بنطلون بيبي بنك واسع وقميص بيج هاي نك وفي دزاين شنطه مرسومه ولبستهم كاب نفس مال الشمس ، وسهيل ومطر لبستهم كندوره بيج وغتره بيضا ، وقامت هي وخلصت لبست تنوره وقميص ماركة فالنتينو وتعدلت وتحركت ويا عيالها ( ام سهيل عندها ليسن ) لـ بيت اليد واليده .
_________________
فـ بيت ام علي
طبعآ الانهم ساكنين فـ راك فـ مايحتاي يقومون من وقت يخلصون فـ براحتهم يتجهزون قامت ولبست روضه واسما دريس وردي فيه ورود صغيره وفوقه سويتر بيج وتعدلوا كذلك لبست سلطان بنطلون وقميص وعلي وسيف كنادير بيضا وغتر حمرا ونزلوا بتريقون.
_________________
نروح عند فطامي اللي توها ادركت انها مايابت لها ثياب
فطامي تكلم نفسها : اففف ياربي ماعندي شي حلو البسه كله بناطلين وقمصان اهييييييئ بصيح
شوي دق عليها بطي .
بطي : الووو
فطامي : هلا بطوييي الحقققققققققق
بطي : بسم لله شو فيج
فطامي : بعدني ماتجهزت وماعندي شي البسه ابا اسير المول وسيارتي فـ بيت ام ذياب عادي توديني بلييييييييز
بطي : من عيوني هدي الحين ياي
وبندوا
_______________________________________
