اسمحولي ع القطعه توه ردلي مزاجي للكتابه
//
وصلوا بطي وفطامي المستشفى اول ماقامت فطامي
فطامي: بطوي ابا ماي
سار بطي وياب لها ماي وشربها
بطي: شو فيج حبيبتي شو تانسين الحينه؟
فطامي: ماعرف بس احس ف الم ف صدري
بطي : سلامتج غناتي الحين بتطلع النتايج
فطامي: ربي يسلمك
تموا يسولفون شوي وودخل عليهم الدكتور ومعاه سستر
الدكتور: السلام عليكم .. كيف الحال
فطامي وبطي : وعليكم السلام الحمدلله
الدكتور: ي الغاليين جهزوا نفسكم شوي وخلكم هاديين وهاذي مشيئه لله
بطي خاف وحط ايده ع قلبه وغمض عينه بقو : قول دكتور بسرعه
الدكتور بتوتر : فاطمة فيها ورم ف صدرها ولازم نبدأ علاج شوي شوي الانها الحمدلله ف البدايه وبنقدر نحل الموضوع بسرعه
والورم حميد بس لازم نسوي لها عمليه ونشله قبل مايكبر او يتحول ل خبيث وبذلك بيصير علاجه اصعب وبنتعامل بالكيماوي
فطامي انصدمت وتمت ساكته ماقالت شي
وبطي راسه دار ونزل راسه وحطه بين ريوله مايبا يبين ل فطامي ضعفه
فطامي : بطوي شو فيك حبيبي ترا قال في علاج وبسوي العمليه وانشالله بتنجح وبرد بخير
بطي: فطامي اخاف عليج ولله اخاف تروحين مني ما اقدر قلبي يعورني
فطامي : ماعليك حبيبي انا بخير بس لا تخبر حد من اهلنا ماباهم يخافون ويحاتون
بطي : انشالله قلبي تقومين بالسلامه
فطامي: انشالله عيوني .. بطوي ييب تلفونك بدق الامايه
بطي قام يدور تلفونه مالقاه
بطي: شكله ضاع يمكن فالسياره تبين اسير اييبه؟
فطامي: لا برايه خلاص بس لازم تلفونك وياك 24 ساعه لا تخليه ف مكان
بطي : ليش ؟ برايه خ يولي مايهمني تلفوني ولا يهمني شي فالدنيا غيرج
فطامي : فديتك ولله
بطي: فداج روحي حبيبي
نسير بيت بو ذياب ..
ام علي : يالله بو ذياب بلاهم تاخروا بتستوي 10 وهم قايلين بيردون 6 واتصل ل بطي و فطامي ولا حد منهم يرد
بو ذياب : ماعليج لا تحاتين تلقين تلفوناتهم صامت ولا نازلين يتعشون
ام علي: قلبي ناغزني ولله حاسه فيه شي
ام ذياب : ماعليج ام علي بيردون بالسلامه
ام مايد : هي ولله لا تحاتين بيردون تعرفينهم توهم معرسين ويبالهم يتعرفون ع بعض وجي
هزاع وهو يضحك: يتعرفون ع بعض عيل ها
ام مايد : هي جيه تضحك اشو قلت انا
هزاع : سلامتج الغاليه ماقلت شي
شو توقعاتكم للبارت الياي
