وجت ترف نزلت ودخلت البيت جات أم ترف: ترف وتجي تضمها وتضربها على خفيف وينك بغى يوقف قلبي
ترف:يمه هاذاني جيت بس ضيعنا الطريق وجاء عبدالله وخذانا
أم ترف:تمام يمه روحي نامي عشان بكره وراك مدرسة
ترف:تمام يمه تصبحين على خير
ودخل عبدالله البيت..
عبدالله:يمه أنا بروح أنام
أم ترف:نوم العوافي بس وش فيك كأنك تعبان
عبدالله:لايمه مافيني شيء بس دايخ شوي
أم ترف:طيب يمه تبي أسوي لك أكل
عبدالله:لا يالغالية تسلم يدينك
دخل عبدالله غرفته ويحس أنه مخنوق ويفك أزرار ثوبه ويجي ينسدح على سريره وهو يفكر بغادة كيف ملامح وجهها وكيف أنها تبكي وهي لطيفة وقعد يفكر لين نام
بيت غادة..
غادة أخذت شاور ونامت وأنسدحت بالسرير وهي تفكر بعبدالله كيف أنقذها اليوم وتشوف ملامحه الحادة والحلوه وهو خايف عليها ونامت
اليوم الثاني..
رن المنبه وطفته غادة وقامت وتذكرت عبدالله وهي تبتسم ودخلت دوره المياه(أكرمكم الله) دخلت غسلت وجهها وفرشت أسنانها وطلعت وجهزت ملابسها ولبست وسوت شعرها ويفي وحطت مكياج خفيف
بيت ترف..
قامت ترف وهي تمغط أفف مالي خلق أروح للمدرسة قامت وراحت دورة المياه(أكرمكم الله) وطلعت ولبست وتشوف أنها متأخره وهي تركض جاء حسين صدم فيها
قالت ترف:خير م تشوف
قال حسين:أنتي اللي م تشوفين وش فيك طايرة كأن أحد يلحقك
جت أمها قالت وش فيك شوي شوي لاتطيحين
قالت أمها ترف تعالي أفطري قبل م تروحين
ترف:يمه م فيه وقت طريقي على البقاله بأخذ لي اكل
أم ترف:زين أنتبهي على نفسك
ترف:أبشري
غادة:راسلت ترف أنا برا
ترف راحت وركبت قالت راجو روح البقالة أبي أغراض
وراح راجو البقالة ونزلت ترف اسألت غادة تبين شيء
غادة:لا م أبي شيء بس جيبي لي مشروب بارد
ترف:تمام
ونزلت ترف ودخلت البقالة وكانت بتأخذ لها شيء من فوق شبس بس مو قادرة توصل له وجاء واحد بجنبها وجابه لها وقالت ترف:شكراً بس ترا أنا أقدر أجيبه يعني
الولد:مو مشكلة قلت أساعدك
ترف:محد طلب منك مساعدة وراحت حاسبت وطلعت
وركبت جت غادة سألت ترف وش فيك
ترف:مدري واحد قال بساعدك بيجيب لي الشبس يحسب م أقدر أجيبه
غادة ضحكت وقالت راجو يلا أمش
ووصلوا المدرسة..
وكانوا ترف وغادة يمشون ويضحكون جت بنت صقعت كتف ترف ومعها شلة بنات
ترف:خير إن شاءالله م تشوفين
البنت:وش فيك ترا بالغلط
ترف:لا متعمدة
البنت:أيه متعمدة وش بتسوين مثلاً
ترف:أقول تراني ماني رايقة لك ولا أعرف شلون أتصرف معك
قربت البنت لترف يلا وريني
ترف كانت بتقرب مسكتها غادة قالت لترف:تكفين أمشي واضح أنهم راعيين مشاكل محنا فاضين نتمشكل قالت ترف:عشانك بس ولا أفرشها الحين
ومشت وخلتها ودخلوا الفصل وقعدت غادة بجنب ترف
ودخلت الأستاذة:السلام عليكم
البنات:ردوا وعليكم السلام
وأخذوا دروس لين خلصوا وطلعوا وراحوا البيت
جاء العصر..
أم غادة تقوم غادة:يلا ياغادة ياحبيبتي قومي بنروح نتغدا عند عمك سليمان
غادة:يلا يمه بقوم الحين وقامت وجهزت وخلصت وراحوا لبيت عمهم
فتح عبدالله البنات:يالله حي عمي تو م نور البيت
مشعل:منور بأهله
وجاء عبدالله يناظر في غادة وغادة ضاعت علومها وناظرته وشالت عيونها بسرعه وهي متوتره وهو فيه ضحكه😭
ودخلوا وجت ترف تركض تضم غادة أخبارك وحشتيني
غادة:ترا اليوم شايفين بعض هههههههههههههههه
ترف:بس أشتقت لك
قالت يلا أمشي نسوي قهوه ونتقهوى وكان يسولفون وجت منيفة
قالت ترا بكره عرس بنت الشيخ علي قالت أم غادة:أي بكره زواجهم بنروح
قالت ترف:ونااااسه بنحضر عررس
منيفة:أهجدي وش فيك أنهبلتي بس قوموا بدري عشان نروح للمشغل
وبعد م تغدوا مشوا..
غادة:يييوه يمه وش ألبس الحين؟
أم غادة:ألبسي فستانك الأحمر يجنن علييك
غادة:طيب يمه
جاء الييوم يوم العرس..
وقامت غادة وأخذت شاور وهي تنشف شعرها إلا تتصل ترف
ترف:غادة يلا ألبسي بنروح المشغل بمرك أنا وعبدالله أجهزي
غادة:تمام يلا
وراحت لبست عبايتها
ووصلوا وركبت السيارة غادة
قالت:السلام عليكم
رد عليها عبدالله:وعليكم السلام
ترف:يعنني مستحيين مع بعض وش فيكم الحمدلله والشكر وهي تضحك
غادة وهي تقرص ترف أسكتي فشلتينا وشافهم عبدالله وكتم ضحكته ووصلوا المشغل وزينوا شعرهم ومكياجهم..
ووصل عبدالله بيأخذ ترف وغادة للقاعة وضاعت علوم غادة يوم شافت عبدالله بالثوب وجذبها عطره وتشوفه أنيق ومزيون وفهت قاعدة تناظر فيه
ترف: غادة غادة
غادة:اء هلا
ترف:وش فيك فهيتي تبين شيء من البقالة
غادة:ولا شيء أبي مشروب وجالكسي
وناظرها عبدالله وهو يبتسم من المراية
وغادة أستحت ونزلت راسها
ووصلوا القاعة ونزلوا وكل الانظار على غادة
بعدين بدت زفة المعاريس
جت أم العروس
غادة حبيبتي أرقي فوق جيبي المبخره قبل م يجون الرجال
غادة:هلا خالة تمام
وراحت غادة متوهقة بفستانها وكل شوي تمسكه وعبدالله دخل بيجيب جواله نساه إلا ويرفع راسه وكان فاهي وهو يشوف غادة غادة لفت وناظرته
عبدالله نزل راسه وقال:اء اسف كنت بأخذ جوالي وضاعت علومه يوم يشوفها بالفستان الأحمر
قال عبدالله بداخله:لابسه أحمر م تدري أني ثور
غادة هجت😭
وراحت نزلت لترف
ترف:وش فيك متوتره وش صاير معك
غادة:م صار شيء أمشي نودي المبخرة
