عند العرسان
أشجان وهي تصيح:لا ياربي يارب م يصير بأخوي عبدالله شيء
ريان:خلاص ياحبيبتي لاتبكين إن شاءالله م فيه إلا العافية
أشجان:ريان تكفى أبي أشوفه وأتطمن عليه
ريان:أبشري بس الحين الوقت متأخر إن شاءالله لاجاء بكره العصر نروح له الحين خلينا نرتاح وننام وبكره نروح تمام ياروحي
أشجان:طيب بنام
ريان:يلا أنا بغير وأجيك أنتي نامي
أشجان:طيب
ريان لبس وطلع وشاف أشجان نايمه ولحفها ونام
..............................................................................
آمال:غادة حبيبتي يلا غيري ملابسك وارتاحي اليوم كان متعب وأكيد أنك تعبانة
غادة:أي والله بنام أحس جسمي مكسر
آمال:يلا يمه تصبحين على خير
غادة:وأنتي من أهله غادة منسدحة بسريرها وكانت تفكر بعبدالله
بالمستشفى
عبدالله وهو يفكر بغادة
عبدالله راسل ترف:ترف
ترف:هلا
عبدالله:عندك رقم غادة
ترف:اي عندي
عبدالله:طيب عطيني رقمها
ترف:وش عندك برقمها ياقليل الأدب
عبدالله:أستحي على وجهك أبي أكلمها وأطمنها علي
ترف:أخس يالحبيب م عرفتك تطمنها عليك هههههههههههه
عبدالله:أخلصي ياترف ماني فاضي لك
ترف:طيب برسله عشان أجمع راسين بالحلال وأرسلت رقم غادة وعبدالله دق عليها
غادة جاها إتصال وكان رقم غريب وردت:الوو
عبدالله:هلا بعيوني
غادة:عبدالله؟؟
عبدالله:عيونه وقلبه
غادة:من وين جبت رقمي
عبدالله:مو صعب جبته من ترف
غادة:طيب كيفك الحين إن شاءالله أنك أحسن
عبدالله:الحمدلله بخير بعد م سمعت صوتك
غادة ضحكت:صدق والله
عبدالله:ياجعلني م أفقد الصوت والضحكه
عبدالله:إن شاءالله لاتحسنت بخطبك
غادة:قل والله
عبدالله:والله أنتي لي لحالي محد بيشاركني فيك
غادة:وأنت لي
عبدالله:يلا ياعيوني أنا بقفل وبنام
غادة:نوم العوافي حبيبي
عبدالله:وش قلتي عيديها ثاني مره
غادة بضحكه:قلتها مره وحده راحت عليك
عبدالله:يالبيييه أنتي ناوية تذبحيني
غادة:بسم الله عليك يلا نام
عبدالله:يلا ياروحي
وعبدالله سكر المكالمة وهو مبتسم وفرحان ونام
عند غادة كانت بأعلى مراحل السعادة بعد م سمعت صوت عبدالله لبست بجامتها ونامت
......................................................................................
الصباح عند ريوف نزلت وشافت مريم وتجاهلتها
مريم:تعالي ريوف ياحبيبتي تعالي شوفي الفطور جاهز
ريوف:خير إن شاءالله م أبي منك فطور ولا شيء مين قال أبي منك شيء
مريم:براحتك
ريوف:أكيد براحتي وراحت لغرفتها تكلم لارين
لارين:هلا
ريوف:شرايك نطلع نفطر؟
لارين:يلا أجل تجهزي شويات وبجيك
ريوف:يلا وراحت ريوف لبست ليقنز أبيض وتيشرت أسود وربطت شعرها ذيل حصان وحطت ميك اب خفيف ولبست نظارتها ونزلت
مريم ناظرت ريوف:بتطلعين؟
ريوف ناظرتها بإستحقار وطلعت وسكرت الباب وراها
سليمان:منيفة
منيفة:هلا
سليمان:جهزي فراش عبدالله بيجي من المستشفى وسووا الفطور بيكونون على وصول
منيفة:أبشر
منيفة:لمى ترف
لمى:هلا يمه
منيفة:لمى روحي جهزي فراش أخوك وأنتي ياترف تعالي ساعديني بالفطور
ترف:أبشري يمه
رائد:عبدالله يلا قم
عبدالله:ياخي شفيكم أنتوا إزعاج م تخلون الواحد ينام زي الناس براحته
رائد:وش راحته تراك بمستشفى يلا بنطلع بنروح البيت
عبدالله:طيب ساعدوني عشان أقوم
حسين ركب الاغراض بالسيارة وركبوا وتوجهوا للبيت
سليمان:يلا يامنيفة جووا حطوا الفطور
منيفة:يلا
راحوا منيفة وترف جهزوا الفطور وحطوه بالسفرة ودخلوا عبدالله وحسين
وجت منيفة تضم عبدالله:الحمدلله على السلامة ياولدي
عبدالله:الله يسلمك يارب
منيفة:يمه يلا روحوا الفطور هناك روحوا افطروا وراحوا افطروا وراح عبدالله يرتاح
......................................................................................
