وراحت غادة تودي المبخرة وهي متوترة..وبعدين رجعوا ورقصوا وتعشوا
ترف:بدق على عبدالله بنروح البيت طفشت والحريم يرجعون مع أبوي وأبوك شرايك ونمر كوفي
غادة:تمام خلاص بس بقول لأمي ونروح
ترف:عبدالله ياخي طفشنا أنا وغادة نبي نروح البيت ونمر كوفي تكفى ودنا
عبدالله:طيب يلا أجهزوا بجي أخذكم
وراحوا غادة وترف...لبسوا عبايتهم وأنتظروا عبدالله يجي وركبوا
ترف:كفو والله ياعبدالله والله أني أحبك
عبدالله:ضحك وأنا أحبك
وعبدالله يناظر فالمراية بغادة اللي متوترة مره من نظراته..
ووصلوا الكوفي ونزلوا وكانت غادة بردانه وشافتها ترف:غادة بردانة؟
غادة:أي والله بررد
ترف:عبدالله اذا معك جاكيت ولا شال عطه غادة
عبدالله عطى شماغه لغادة قال تغطي فيه لاتبردين
غادة:أبتسمت من داخل وهي فرحانة
وراحوا بيطلبون...الكاشير سعودي جت غادة:لو سمحت ممكن أشوف المنيو
الكاشير:ناظر بغادة وقال اء تمام بجيبه
وعبدالله:ناظره وهو يناظر غادة وتحرقه نار الغيرة❤️🔥
جاء عبدالله بجنب غادة:قال أنا بطلب أنتي روحي مع ترف وعلميني وش طلبك..
أستغربت غادة وهي تناظره:تمام طلبي أبي سبانش لاتيه وكيكة الحليب
عبدالله:تمام
والكاشير ناظر:قال وين البنت اللي كانت هنا
عبدالله شد يده بقوة:قال أنا موجود
وطلب وراح لطاولتهم..
عبدالله ناظر بغادة:وغادة شوي وتصيح
ترف:اء بروح دورة المياه(أكرمكم الله)
هي متقصدة تروح وتخليهم لحالهم بعد ماشافت نظراتهم لبعض
وغادة كانت قاعدة على جوالها..
عبدالله:غادة
غادة:هلا
عبدالله:لاتزعلين مني عشاني صارخت بس م شفتي ذاك الكلب كيف يناظر فيك لأني غرت عليك..
غادة ناظرته بذهول وسكتت
عبدالله ناظرها قال:غادة ترا أنا أحبك
جت ترف:قالت هاي جاء الطلب؟
وتوه جاء الطلب وأكلوا بعدين ركبوا السيارة وعبدالله شغل أغنية يالفاتنة اللي على قلبي تمون وهو يناظرها من المراية وصوته كان حلو
بيت عبدالرحمن:
عبدالرحمن:يلا يعيال تجهزوا ترا بكره بنروح الديرة
ريوف ناظرته بصدمة:أييش ماني رايحة معاكم بقعد أنا وعزيز م أحب الديرة واجوائها
عبدالرحمن:بكيفكم بيروح معي رائد
وراحت ريوف لغرفتها تكلم صاحباتها..
رائد:يبه صدق بكره بنروح الديرة؟
عبدالرحمن:أيه يبه جهز شنطتك
رائد:أجل بسوي للعيال مفاجئة
ورجعوا البيت وغادة راحت لبيتهم..
سليمان:ترا بكره بيجي خالد وزوجته جهزوا
منيفة:طيب يا أبو خالد
ترف:يمه الحمدلله بكره بيجون خالد ومنال وبنفتك من محمد وأسرار نبي نرتاح ونغير جو..
منيفة:يابنت أسكتي لاحد يسمعك
ترف:هاذا الصدق يمه ليش أكذب
منيفة:يلا روحي ألبسي وتعالي ساعديني
ترف:طيب يمه
حسين جاء:ناظر ترف قال بسم الله الرحمن الرحيم وش ذا المكياج كأنك جنية
ترف:حسيييين والله لا أوريك وحسين يركض وهي تلحقه
وجاء سليمان:خيير أنتي وياه نعم وش ذا الصراخ م تستحون
حسين هج لغرفته وترف راحت لغرفتها وهي تتوعد بحسين..
جاء الصباح:قام عبدالله يأخذ شاور وهي يفكر بأمس وهو يبتسم كيف طلع اللي بقلبه لغادة وأعترف لها أنه يحبها وهو يضحك
جاء حسين:يلا ياعبدالله أخلص بتروش
عبدالله:يلا أصبر الواحد م يتروش براحته
حسين:لاجاء أبوك يعلمك الراحة زين
سليمان كان يقرأ الجريدة
ومنيفة راحت تسوي الفطور
وراحت تقوم ترف..
منيفة:ترف يلا قومي ساعديني بالفطور بسويه لأبوك وأخوانك
ترف:اهخ يمه رجولي متكسره من عرس أمس وراسي مصدع
منيفة:يلا قومي وبلا دلع أكلي حبة بنادول
ترف راحت تتروش وطلعت وكلمت غادة
ترف:غادة قمتي؟
غادة:شرايك لا نايمة يعني وش تشوفين
ترف:طيب يلا قومي تروشي وتجهزي وتعالي اليوم بيجتمعون كلهم
غادة:أحلفي صدق يلا بروح أجل أتروش وأساعد أمي بالفطور
ترف:طيب لاتطولين
وراحت غادة أخذت شاور وأستشورت شعرها وحطت ميك اب ولبست هودي..
ونزلت قالت هلا صباح الخيير
أم غادة:صباح النور يا أهليين ببنتي الحلوه يلا ساعديني عشان نروح بيت عمك
غادة:يلا يمه
