ودخلوا محمد وأسرار وهم يسلمون ودخلت أسرار وهي تسلم بدون نفس
ترف:يييع ذي وش جابها ييوه بيتنكد يومنا
أسرار:السلام
ترف سكتت..
أسرار:وأنتي يا أم لسان ليه م تردين السلام
ترف:والله بكيفي أرد ولا م أرد بمزاجي
منيفة:ترف خلاص وبعدين مو كم مره قلت لك أسكتي عشان اخوك
أسرار:يوه م أحب أجلس على الأرض أخاف يتعب البيبي
ناظروا بصدمه..
منيفة:صدق أسرار يمه أنتي حامل؟
أسرار:أيه حامل
منيفة:وليه م علمتونا؟
أسرار:وليه نعلمكم مو بكل شيء تدرون عنه أخاف البيبي يجيه عين
ترف قامت وهي منقهره:من زينك ومن زين البيبي اللي خايفة عليه وتكلمي زين مع أمي لا اتفاهم معك تفهمين؟
أسرار:وإذا م تكلمت زين وش بتسوين بتضربيني مثلاً
ترف:اييه أضربك وأكسر راسك بعد
أسرار:م بقى إلا أطفال يردون وهي تقوم بتروح لغرفتها
هنا كتمه وغثاء بروح لغرفتي أرتاح
ترف:روحه بلا رده إن شاءالله
منيفة:ترف وبعدين ليه تراددينها خليها م أبي تسوي لنا مشاكل
ترف:يمه عاجبك تنافخ عليك وأنتي ساكته والله م أسكت
عند عبدالرحمن ورائد دخلوا يدقون الباب ودخلوا
السلام عليكم
كلهم قاموا وعليكم السلام
جاء رائد:هلا عبدالله وحسين كيف المفاجئة
ضربه حسين:ياكلب ليه م قلت لنا بتجي
رائد:قلت أسوي لكم مفاجئة
عبدالله:م عرفناك يا أبو المفاجئات وهو يضمه
أشتقنا لك ولفعالياتنا بالديرة
رائد:أي والله اشقت لذيك الأيام وراح رائد يسلم على جده وعمانه ويسولفون والبنات والحريم يسوون العشاء وقلطوه..
وتعشوا بعدها جاء وقت النوم..
ترف:بنات يلا نرقى بسولف لكم عن اللي صار لي
لمى:واضح السالفة قويية أنتظري بجيب الكيكة والقهوة عشان نتحمس
غادة:اييه اييه لازم
وترف قعدت تقولهم السالفة..
غادة:معقولة وليد تغير وصار مزييون
لمى:الله كأنكم بالأفلام اللي بالمسلسلات
ترف:يابنات مو قادرة أنسى وجهه وملامحه للحين براسي
غادة:واضح انك أنعجبتي فيه
لمى:ترف طحتي ومحد سمى عليك
ترف:اهه ياقلبي حلو يابنات
غادة:م أصدق أنه ترف خفيفة
ترف:والله يابنات أنا ثقيلة بس يوم شفته صرت خفيفة
غادة:إن شاءالله وحده تفلح فينا وتتزوج عن حب
لمى:ياررب
ترف:أنا عني لقيت فارس أحلامي الله يرزقكم يابنات
