ريوف كانت تكلم صاحباتها بنات شرايكم نطلع كوفي ونروح مول؟
لارين:تمام يلا تجهزوا عشان نروح
ريوف:يلا
راحت ريوف وتجهزت ولبست ونزلت وشافتها مريم
مريم:ريوف وين طالعة حبيبتي؟
ناظرتها ريوف بحقد:والله مالك دخل مين أنتي عشان تسأليني وين أروح ووين أجي لاتسوين كأنك أمنا م نحبك أفهمي!
مريم حزت بخاطرها قالت:أنا أعتبركم مثل عيالي وأحبكم
ريوف ضحكت وقالت:أحلفيي أنتي للحين م جاك عيال ومسويه أننا عيالك م نتشرف حبيبتي حنا ساكتين عشان أبوي ولا عرفنا كيف نطلعك وطلعت ريوف وسكرت الباب بقوه
مريم أنهارت من كلام ريوف مره
وركبت ريوف مع لارين
لارين:كيفك رييوف؟
ريوف قالت:أبلشتني زوجة أبوي مسوية أنها أمي فوق راسي
لارين:حرام يمكن تحبكم صدق وتعتبركم عيالها
ريوف:حرمت عليها عيشتها أمشي بس م أبي يتكدر خاطري
لارين حركت وراحوا الكوفي..
..............................................................................
عزيز دق على أبوه عبدالرحمن أستغرب أنه عزيز داق عليه
عزيز:هلا يبه
عبدالرحمن:هلابك اخبارك
عزيز:الحمدلله بخير
عبدالرحمن:وش عندك داق تبي شيء؟
عزيز:أي يبه ودي أكلمك بموضوع
عبدالرحمن:اذا تبي تكلمني تعال الديرة وسلم على عمانك وجدك وبعدها نتكلم وقفل الجوال
عزيز:ييوه لازم يعني أروح الديرة
عزيز دق على ريوف
ريوف:هلا عزيز
عزيز:أهليين
ريوف:وش بغيت آمرني؟
عزيز:كنت بقولك بروح الديرة عند أبوي بكلمه بموضوع حبيت أقولك عشان م تدوريني
ريوف بإستغراب:وش عندك فالديرة وليه بتروح وتخليني مع هالحيه
عزيز:وش فيك ياريوف خلاص بروح وماني مطول وسكر الجوال ورتب عفشه ومشى للديرة...............
عند غادة والبنات
غادة:بنات ييوه م بقى على زواج أشجان إلا 3 أيام!
لمى:أيييه
ترف بضحكه رفعت يدينها:يارررب تتزوج أشجان وأنا بعدها وأروح مع وليد
لمى ضربتها:وجع توجعك م تستحين على وجهك ذابحك الحب اثقلي
غادة ضحكت:خلييها كيييوت والله
ترف:والله محد فاااااهمني غيير غادة والله أححبك
غادة:أموت فيييك
دق عبدالله الباب
ترف طلعت:خييير وش تبي؟
عبدالله:وش تبين أنتي وش فيك صاير لسانك طويل م تستحين
ترف:أنت اللي م تستحي عندنا غادة وبغيت تدخل
عبدالله:آسسف يلا ياحبيبتي يلا روحي وتوكلي ونادي لي أمي
غادة ضحكت:ترف أمشي بالله شوفي المقطع يضحك
ترف وهي تركض:جاييه
عبدالله أبتسم من ضحكتها وقال:جعلني م أفقد هالضحكه يارب
عند عزيز وصل الديرة ونزل عند بيت عمه سليمان...............
دق الباب عزيز وقال:يا أهل البيت
وطلع له حسين:يالله حيه
عزيز:الله يحييك
حسين بإستغراب:مين أنت؟ وتعرفنا
عزيز لا والله م أعرفكم بس أعرف أنكم أهل أبوي
وطلع رائد:عززيز وش جابك؟
عزيز:جاي بكلم أبوي بموضوع وماشي
ودخل عزيز وهو يسلم على أبوه
عبدالرحمن:هاذا ولدي عزيز رح سلم على جدك وعمانك
وتقدم عزيز وراح يسلم عليهم
قال جده:ويينك؟ مختفي م تجي ولا تسلم
عزيز:تعرف الظروف وكذا
الجد:الله يعيين
قال عزيز لأبوه يبه بكلمك بموضوع
عبدالله يناظر عزيز وهو يقول لرائد الله خلق وفرق والله أنك أنت أعقل من أخوك وأحسن منه
ضحك رائد:لببى والله
قال عبدالرحمن قبل م تكلمني رح سلم على جدتك شف باب الحريم مناك دق الباب وسلم عليها
عزيزطفش :يببه
عبدالرحمن:رح سلم يلا ولا ماتكلمني بالموضوع
عزيز:طيب وراح عزيز إلا لمح بنت طالعه ورايحه للحوش شعرها أسود نص كتفها وطايح على وجهها ولابسه ليقنز وبلوفر وناظرها عزيز وقال(اففففف يالزييين مزيييونه وخالقك م تصيرين إلا لي كل هالزين بيصير لي) وراحت غادة للحوش تبي تطلع الفرشه
ومسكها عزيز قال:مين أنتي؟
غادة:خيير فك يدي ولا والله لا أصارخ وأوجعتها يدها وهي تبكي
ثبتها بالجدار وقال أنتي لييه حلوهه؟
غادة:أبععععد
عزيز قال:لاتخافيين ترا أنا حبيتك وقرب منها
وتصارخ غادة فكنيي ياحقييير وهي تبكي
وعبدالله سمع صراخ ودرا أنها غادة وكلهم طلعوا شاف عزيز ماسك يد غادة ومثبتها وغادة تصيح
عبدالله:أييييا يأبن اللذييينا وهو يمسكه ويضربه بدون رحمه م تستحي ولا تنتخي
سليمان:ياعبدالله فكه
عبدالله:والله م يفكه غيير الموت
وغادة تشاهق وتصيح وراحت ترف مسكتها:خلاص ياغادة ياحبيبتي لاتصيحين
عبدالله مسك عزيز:قال ذي البنت ليييي تفهم ليي
عزيز ضحك بضحكه مستفزه:والله تعرف تختار والله أنها موتٍ حمر
وعبدالله عصب وضربه وضربه لين يالله فكوه منه
عبدالله:والله م أخلييك تفهم وراح عبدالله لغادة وهي تشاهق
ومسكها وضمها على صدره:لاتخااافين ماراح يقرب لك والله لا أقتله
عبدالله:تررف
ترف:هلا
عبدالله:دخلي غادة داخل وأهتمي فيها
ترف أبشر غادة محد قدك عبدالله أول مره يقول لأحد يهتم لشخص
غادة ضحكت وأستحت.........
عبدالرحمن:ياقليل الأصل كيف كذا تسوي مع بنت عمك
عزيز:يبه أعجبتني البنت
عبدالله:ذي أبعد من نجوم السماء لك فااااااهم
وطلع عبدالله مقهور..............
