البارت الثاني
وخلصوا يومهم الدراسي الأول غادة وترف وغادة كلمت السواق عشان يجيها هي وترف..
غادة:راجو وينك يلا تعال حنا خلاص مدرسة
راجو:يلا ياغادة أنا جاي
ترف:والله ياغادة أني ميتة جوع مره بطني يوجعني
غادة:ترف شرايك نروح نتغدا بمطعم والله يافيه مطعم فاتح توه جديد يمدحونه شرايك نجربه
ترف:يلا قدام والله أني م أشوف من الجوع
وجات السيارة وركبوا غادة وترف
غادة:راجو برسلك موقع مطعم بنروح نتغدا انا وترف
راجو:أوك
ووصلوا المطعم..
ترف:الله وش ذا المطعم اللي يفتح النفس واضح من شكله أنه لذيذ
غادة:يلا خلينا نطلب جوعانه
وراحت غادة هي وترف يشوفون المنيو
ترف:لو سمحت عطنا المنيو
الكاشير:طيب
غادة:شفيه ينافخ ذا يحسبنا أصغر عياله
ترف:شرايك تبيني افرشه لك ترا ميته جوع وماني فاضيه
غادة:لا ياترف فكينا محنا فاضين مشاكل يكفي اليوم
وجاء الأكل وأكلوا وركبوا السيارة
وراحوا البيت..
ورجعت غادة منهلكة من التعب وفيها نووم
أم غادة:غادة شفيك تبين غداء
غادة:لا يمه متغدية أنا وترف بروح أنام عشان أقوم أحل واجباتي
أم غادة:طيب يمه نوم العوافي
غادة:الله يعافيك ياقلبي
ونامت غادة..
العصر صحيت غادة وراحت دورة المياه( أكرمكم الله)وطلعت ومسكت جوالها تراسل ترف
غادة:ترف شرايك نروح البقالة فيه بقالة فاتحة جديدة وفيها كل شيء بس تراها بعيدة شوي
ترف:تمم قدام نروح حتى أنا مشتهية عصير م ألقاه بأي مكان
غادة:يلا تجهزي عشان نروح بس ترا بنروح مشي نتمشى وكذا
ترف:تمام
وراحت غادة وطلعت ترف من البيت
أم ترف:ترف وين رايحة؟
ترف:اء بروح أنا وغادة بنجيب لنا اشياء من البقالة ونجي
أم ترف:طيب لاتطولون عشان م يشوفونك أخوانك
ترف:طيب يمه
وطلعت ومشت هي وغادة يسولفون وكذا لين وصلوا البقالة
وراحت غادة تأخذ لها الاشياء اللي تبيها وترف تدور العصير
ودخلوا 3 شباب البقالة وكانوا يضحكون ويغمزون
غادة:قطيعه خيير وش يبون ذولا وش فيها نظراتهم كذا
ترف:معليك خلينا نأخذ أغراضنا ونطلع
وجاهم واحد من الشباب هلا ياحلو ممكن تعطينا الرقم
ترف:هيي خيير إن شاءالله م تستحي م عندك خوات وجع
ومسك يدها بقوة لاتصارخين لاتشوفين شيء ماراح يعجبك
ترف:وخرت يده قالت يلا ورني الشيء اللي م يعجبني تطلع رجولتك على بنت يارخمه
قال:أقول أحترمي نفسك وتراني رجال غصب عليك تفهمين
وراح هو وأخوياه وركبوا السيارة
غادة وترف حاسبوا وطلعوا من البقالة يمشون
وجوا ذولا الشباب وهم بالسيارة...
هلا بالحلوات أركبوا معانا نوصلكم للبيت
ترف:شكراً م نبي منك توصيل أذلف
قال: لا ليه الحلو زعلان
ترف:ماني زعلانة ومن قال
جوا 2 نزلوا من السيارة مسكوا يد ترف ويد غادة
أم ترف:ياربي هالبنت وش فيها تأخرت
عبدالله:جاء يحب راس أمه ويقول وش فيه الحلو شارد مهو مع الناس
عبدالله:يمه فيك شيء وش فيك متضايقة
أم ترف:يمه ياعبدالله ترف قالت لي بتروح البقالة هي وبنت عمك غادة ولا رجعت للحين وطولت وبالي مشغول عليها
عبدالله:ليه تروح وليه ماقالت لي أجيب أغراضها طيب بروح البقالة أشوفها ولا تتضايقين يالغالية
أم ترف: أي يمه روح شوفهم
عبدالله:ركب سيارته وراح للبقالة يدور ولف من الخلف إلا ويشوف 2 شباب ماسكين يدهم ويصارخون
ونزل عبدالله من سيارته..
وهو يمسكهم مع ثوبهم ويكفخهم خير أنت وياه م عندك خوات ياقليل الأصل وغادة تبكي
وهجوا الشباب..
عبدالله:ترف ليه م قلتي لي أجيب لك الأغراض عجبك اللي صار الحين ها
ترف:م أدري ياعبدالله كنت مشتهية عصير ورحت أدوره أنا وغادة
عبدالله:غادة
غادة بصوت مبحوح من كثر م تبكي:هلا
عبدالله وش فيك تبكين يلا تعالوا أوصلكم ولا عاد أشوفكم رايحين البقالة
ترف:طيب ياعبدالله
عبدالله وصل غادة للبيت وبعدين راح بيتهم ترف شفيها غادة تصيح
ترف:فيه واحد مسك يدها وأوجعها
عبدالله:أيا يا أبن الذين
ترف:هد وش فيك
عبدالله:أقول أنزلي وحسابك بعدين
