كلهم أعلنوا الذهاب إلى النوم
10الصباح
قامت منيفة وجت عند سليمان
منيفة:صباح الخير
سليمان:صباح النور
منيفة:متى بنمشي؟
سليمان:بعد الفطور يلا قومي العيال عشان نفطر ونجهز الأغراض
منيفة راحت تصحي ترف ولمى
منيفة:يابنات يلا قوموا بعد الفطور بنمشي قوموا عشان تساعدوني
لمى:طيب يمه قمنا وراحت منيفة للعيال تصحيهم
لمى:ترف قومي
ترف: ما ابييي خليني انام
وجت لمى سحبت اللحاف من ترف وقالت:قومي يلا نساعد امي
ترف:افف طيب
منيفة:ياحسين يمه قوم يلا ابوك يقول بعد الفطور بنمشي وانتوا للحين نايمين
حسين:يلا يمه قمت 5 دقايق واجي
منيفة: يلا وراحت تدق الباب على عبدالله وفتحت الباب غادة
غادة:أهلين خالتي صباح الخير
منيفة:صباح النور يايمه يمه قومي عبدالله عشان عمك يقول بعد الفطور بنمشي
غادة:اي قام ياخالة قاعد يتروش قاموا البنات؟
منيفة:اي قاموا ياروحي شوفيهم بالمطبخ
غادة:اجل بروح اساعدهم جت غادة:صباح الخير ياحلوين
ترف:صباح النور
غادة:وش فيك منفسه أنتي لايكون مقومينك من النوم غصب
ترف:ايه مايخلون الواحد ينام استغفرالله
ضحكت غادة وهي ميتة ضحك وجاء عبدالله دخل عليهم وشاف غادة تضحك وضحك معها قال:يازين الضحكه
غادة:هلا حبيبي
ترف:عششنا والله حبيبي وانا قاعدة انكرف هنا اهخ متى يجي فارس احلامي وينقذني من ذي الحياة
ضحك عبدالله قال:يوه مطول أقول سوي الفطور مره بس بدون م تتحلطمين الله يعين اللي بيأخذك
ترف:وش فيكم علي لحول الا من اجمل حظوظه ياخذ وحده مثلي سنعة ورقيقة
عبدالله:صح اتفق معاك وهو يضحك طلع وحب غادة مع خدها
انقهرت ترف منهم:انا اوريكم
وسووا الفطور وقعدوا يفطرون كلهم
أم غرام قامت وراحت لغرفة غرام
أم غرام:يمه غرام قومي يلا جهزت الفطور قومي افطري عشان بنروح لبيت عمك سليمان
غرام:هلا يمه يلا قمت وقامت ونزلت تحت افطرت هي وامها وتجهزوا وراحوا لبيت سليمان ودقوا الباب فتح لهم حسين:ياهلا بخالتي اخبارك
أم غرام:هلابك ياولدي الحمدلله بخير اخبارك انت
حسين:على م تحبين حياكم الله ادخلوا داخل ودخلوا
أم غرام:والله أحب حسين والله أنه محترم
قالت غرام بداخلها والله أني اللي أحبه وأعشقه ودخلت داخل
غرام:أهليين بنات كيفكم
ترف:هلابك الحمدلله بخير
لمى:هلا حبيبتي
غادة:هلا فيك
وقعدوا كلهم يرتبون أغراضهم وجاهم وليد وتقاسموا بالسيارات سيارة سليمان فيها الجد ومنيفة وأم غرام
سيارة مشعل فيها الجدة وأم غادة سيارة وليد فيها امه واخته سيارة عبدالله حسين وغادة وترف ولمى وغرام وركبوا وتوجهوا لطريق الجنوب
ترف:ععبدالله اماااانه أبي البقاله
حسين:وجع ترف ليه تصارخين فقعتي أذني بصراخك
ترف:ابي البقاله
حسين:مهي طايرة البقالة ودي لو يوم تصيرين رقيقة وتطلبين بهدوء
غادة وغرام ميتين ضحك على حسين وترف
وقف عبدالله قال: وش بغيتوا من البقالة
غادة:عيوني أبي ببسي وشبس وجالكسي
عبدالله:أبشري ياروحي
ترف: ابي مشروب والشبس اللي احبه وإيسكريم وحلاو
حسين:عزالله طفرنا والسبة انتي
ترف:خير حسين ترا بس طلبت اشياء قليلة
حسين ضحك وقال:غرام وش بغيتي
غرام:جب لي نفسهم
حسين:أبشري من عيوني
ترف:خيير أنتي وش مسوية بأخوي يقولك عيوني وانا ينافخ علي
ضحكت غرام م سويت له شيء
.................................................................................
