منيفة:ترف روحي شوفي واحد من اخوانك يروح البقاله فيه أغراض مهي موجوده
ترف:يمه ترا اخواني م أدري وينهم شرايك أنا أروح بسرعه رأرجع
منيفة:طيب يمه روحي بسرعه ولا تطولين مالي خلق مشاكل مع أبوك وأخوانك بروح أكتب الأغراض وأجيبها لك
ترف:طيب يمه
لمى جت:يمه ترا مافيه زيت وبسوي كيكة
منيفة:طيب يمه ترف بتروح البقالة أكتبي الاغراض
عطتها لمى الورقة وراحت..
ترف وصلت البقالة وهي تمشي تشوف الأغراض بالورقة بتجيبها وجاء واحد تحرش فيها ومسك يدها
وجاء ولد الجيران شاف ترف واحد ماسك يدها ويتحرش فيها وهي تصيح..
وراح مسكه وضربه قال:وش عندك تتحرش فيها يا أبن الكلب وكان يضربه بقوه بدون رحمه وترف كانت تصيح: تكفى فكه لايموت لاتدخل السجن جاء مسك يد ترف وخذاها معه وهي تبكي..
ترف وهي تصيح:تكفى ليش ضربته بهالقوه م أبيك تدخل بسببي السجن مسكها وناظر بعيونها :وأنتي ليه رايحه لحالك البقاله م تخافين على نفسك وكيف أهلك سمحوا لك تروحين لحالك...
ترف تعجبت من ملامحه وسرحت فيه وقالت:ييوه نسيت الأغراض أمي بتقتلني
قال وليد:طيب أنا بجيبها خليك هنا لاتتحركين
ترف هزت راسها بمعنى تمام
وجاب الأغراض وقال مين أنتي وش أسمك؟
ترف: أنا ترف
وليد لف عليها ترف مين؟
ترف: ترف بنت سليمان
وأنصدم وليد قال أنتي تررف أخت عبدالله وحسين؟
ترف:أيه أنا
وليد ضحك أنتي اللي م خليتي أحد م صفقتيه ههههههههههه
ترف أستحت:أي أكيد ياحبيبي بأخذ حقي
لف وليد وهو مبتسم من كلمتها
وتلعثمت ترف:بروح البيت أكيد أمي تتنظرني ماراح أتأخر وشكراً لأنك أنقذتني وساعدتني بس ترا أنت عرفت أسمي وأنا ماعرفتك..
قال وليد:أنا وليد ولد بدر
قالت ترف:أنت بدر أخو أريام؟
وليد:أي انا
وترف ناظرته وضحكت وهجت😭
وهو يناظرها وأبتسم وراح لبيته إلا ويقابل عبدالله
عبدالله:ولييد
وليد:عبدالله يامرحبا ياولد واحشنا وينك مالك حس؟
عبدالله:موجود والله بس تعرف مشغول بالعزبة ومع أبوي
وليد:الله يعين ترا بنكشت حنا والعيال يوم الخميس بتجي؟
عبدالله:إن شاءالله
وليد:جب حسين معك
عبدالله:أبشر
ودخل عبدالله البيت...
عبدالله:يمه
منيفة:هلا بالغالي
عبدالله:هلا فيك
منيفة:يمه روح تروش يلا عشان اليوم كلهم بيجتمعون
عبدالله:أبشري من عيوني يالغالية
منيفة:تبشر بالجنة
عند غادة
غادة:يمه بروح ألبس وأحط ميك اب وبجي عشان نروح
آمال:يلا يمه لا نتأخر على خالتك والبنات عشان نساعدهم
غادة:أبشري يمه بجهز على السريع
وراحت غادة طلعت لها فستان لونه أسود ضيق شوي وحطت ميك آب وسوت شعرها ويفي
ولبست عبايتها ونزلت
آمال:بسم الله عليك ماشاءالله تجنينن
غادة:صدق يمه
آمال:أي يمه أقري أذكارك
مشعل:يلا مشينا
آمال: يلا يلا وركبوا السيارة ووصلوا بيت سليمان
وفتح لهم الباب حسين:يلا حيّ عمي مشعل
مشعل:الله يحييك ياوليدي
وطلع عبدالله وهو لابس ثوب أسود وشماغ وكان شكله يلفت
وغادة ناظرته وهي تشوفه وأبتسمت
عبدالله:ياهلا بعمي
مشعل:هلابك أخبارك إن شاءالله أنك بخير
عبدالله:الحمدلله على ماتحب
عبدالله:كيفك خالة آمال
آمال:الحمدلله ياولدي بخير
عبدالله:ناظر غادة كيفك ياغادة
غادة ناظرته:الحمدلله
ودخلوا داخل وجت ترف ولمى يسلمون على غادة وغادة نزلت عبايتها وهي تزين شكلها
جت ترف:الله الله وش ذا الزييين ضاعت علومي يوم شفتك
غادة ضحكت:والله أنتي الزين
لمى قالت:م أقدر أتحمل ياربي وش ذا الحلاوهه
غادة أبتسمت:أحرجتوني ياحلوكم
ترف قالت لغادة ولمى بنات اليوم لازم نسهر بقولكم سالفة صارت معي
لمى:أعوذ بالله منك مايجي منك إلا المشاكل أعترفي وش مسوية..
ترف:م سويت شيء وكل م صار شيء تحطونه براسي بعلمكم بعد شوي
غادة:تحمست وش السالفة
إلا منيفة تنادي:يلا يابنات تعالوا ساعدونا قربوا يوصلون
ترف ولمى وغادة راحوا يرتبون
ترف:بروح أرتب الحلا بالصينية
لمى:بسوي القهوة
غادة:وأنا وش أسوي؟
لمى:أنتي روحي رتبي السفرة وشغلي شموع وحطي الورد
غادة: تمام وراحت ترتب إلا عبدالله يدخل المجلس ينادي:يمه يمه
وناظر إلا غادة معطته ظهرها وترتب وهو أستند على الجدار وهو يناظرها وضاع
وقال عبدالله بداخله:عبدالله وش فيك ياولد أثقل ولف قال:وهو يتحمحم
وغادة لفت: وهي تناظره وانصدمت
قال عبدالله:بالله نادي لي أمي
غادة:اء طيب
وراحت غادة تنادي منيفة:خالة ترا عبدالله يبيك
منيفة:يلا بروح أشوف وش يبي
غادة:بنات خلصتوا
لمى:أي خلصت القهوه
ترف:وأنا خلصت امشوا نوديهم وراحوا يرتبون القهوه والحلا
منيفة:هلا يمه
عبدالله:يمه عطينا القهوة
منيفة:أبشر وعطته القهوة وراح يصب القهوة إلا يدخل الجد إبراهيم والجدة نوره وراح يحضنهم عبدالله:ياهلا باللي واحشيني اشتقت لكم
الجده نوره:أنت أكثر واحد اشتقت له
ودخل عبدالله وهو ماسك يد جدته يمه جدتي نوره جت
وراحت منيفة وآمال وهم يسلمون على الجدة نوره وراحوا البنات يسلمون
قالت الجدة نوره:ماشاءالله ماشاءالله مين أنتي؟
غادة:أنا غادة ياجدة بنت مشعل
الجدة نوره:ماشاءالله والله وكبرتي ياغادة صرتي مزيونة
غادة حبت يدها
وراحوا يسلمون عليها ترف ولمى
الجدة نوره:ترف للحين م تغيرتي
ترف:إلا ياجدة أنا عاقلة
الجدة نوره:والله م ضنتي بس شكلنا بنزوجك عشان تعقلين
ترف:زوجي لمى ياجدة
لمى ضربتها ضربه خفيفه قالت م أبي
قالت الجدة:الكل بيجيه نصيبه وبيتزوج وأفرح فيكم كلكم
كلهم:إن شاءالله ودخلوا يتقهوون
وجاء الجد إبراهيم ويقول:عبدالله كبرت منت بناوي تتزوج
عبدالله:لا ياجد بدري ويني وين الزواج
سليمان:إن شاءالله الله يرزقه
كلهم:أميين
ودخلوا خالد ومنال وبنتهم العنود ودخلت العنود تركض لعبدالله وتضمه
عبدالله:ياهلا بعنودي ياهلا بحبيبتي وقعدت بحضنه وهي تحبه
ودخل خالد يسلم على أبوه وجده
دخلت منال عند البنات وهم يضمونها:أشتقنا لك
منال:وأنا أشتقت لكم
ترف:وين العوبه العنود أشتقت لها
منال:على طول ركضت لعبدالله تضمه وتقعد بحضنه
ترف:ييوه يا اخوي ذا الله يعين زوجته يحب البزران
غادة:الأطفال والله ينحبون لطيفين
ترف بضحكه:لازم نزوجك انتي وعبدالله تصلحون لبعض دامكم تحبون الاطفال وهي تغمز
ضربتها غادة:أعقلي ياقليلة الأدب
ترف:خفي علينا يالعاقلة م عرفتك
