يا عمير يُوم قررت أعيش

[ 1 ]

بيت ابو حميد) 5 العصر

كلن بهمه سرى كلمه نسمعها دايم اي ولله ولله ان الهم اخذ راحتنا بحذافيرها ودي لو كلشي يتغير ينوف ودي لو توقف كل الاحزان وكل الاوجاع بتنهيده تختم كلامها:

تصب القهوه وتجلس جنب اصايل: ولله ما اعرف ويش اواسيتس به يااصايل ولله مااعرف ويش اويستس به لكن خليتس على ثقه بأن الذي وضع الحُزن بقلبك وكتبه قادر على محيه خليتس واثقه برب العالمين لو تنقفل كل الابواب بوجهتس باب الله ما ينقفل
اصايل ببتسامه ذابله تهز بنتها وتطبطب بخفه على بطنها : ونعم بالله ونعم بالله
نوف الي بدورها سرحت بهم ماهو همها وتغوص بتفكير الين متى تجور بتس الايام يأصايل الله يزيح همتس الله يزيحه.... ويقطع سرحانها اصايل بهمسس قريب للغضب: بنتت
نوف: وراتس؟
اصايل بهمس غاضب: الباب يدق قوممي
نوف الي فزت علطول متوجهه بخطوات متسارعه وهي تعدل طرحتها على راسها: من؟؟
صيته: عمى بعينتس افتحي
فتحت الباب ودخلت صيته الي قرصت نوف بغضب: وراتسس ما تفتحين بسرعه؟؟
نوف بألم وهي تفرك مكان القرصه: وجعه تاجعتس ما سمعتس
صيته بغضب متوجهه للمطبخ وبأيدها كيس لحم تحت انضار اصايل الي بعد ما نومة جود طلعت متوجهه لنوف وهي تشد اذنها: شايفتني انوم جود وتسرحين ويش هلسرحان الي ماخلاتس تحسين بدق صيته هاه؟
نوف وهي متقبضه بيد اصايل ومغمضه عيونها بألم: اذني يلشريره فكي وجع
اصايل وهي تشد كل ما على صوت نوف: اقصري صوتس وصمخ
نوف بألم: شلون بقصره وانتي شادتن على ذني يربي يصيييته صيته الحقي مجنونتكم
صيته الي طالعه من المطبخ وسانده يد علباب ويد بلخصر: متى تعقلون وحدتن معها بنيه ووحدتن بكره تصير عروس
اصايل وهي تفك نوف ونوف تدفها: وعوه منتس متوحشه
اصايل: مايعه
صيته مقبله عليهم وهي تعدل نقابها: اقصرو صوتكم، وين اخواني وامي وابوي غدو؟
اصايل وهي متكتفه: راحو يحطبون
صيته: اي وانتم ويش تسوون
اصايل: مثل ما تشوفين يعيني
صيته وهي تناضر من تحت لفوق: كنتس معصبه وراتس
اصايل: ولله من اختس عديمة الرجاء من الفجر احاول انوم بنيتي ويوم بغت تنوم دقيتي انتي ولعوبا سرحانه
نوف بصوت عالي: ي وجه الله تقرصين بي من صباح الله جعلتس العافيه معد بي عقل من قفاتس
اصايل الي انخرعت وحطت ايدها على راسها خوف بنتها تقوم من صوت نوف: يربي صبرك يرب صبر ايوب.. يقطع كلامها دق احمد ابن صيته..
صيته تفتح له علطول: لبيه يمه
احمد: يمه ابوي يقول يلا سرحنا.. وتلتفت لأصايل: يلا يحبيبة اختس انتبهي لتس ولأمي ومعليه الصغار تسذا وسلمي على امي وابوي ولعيال انفداتس
اصايل الي م امداها ترتاح الا وهي سامعه صياح جود: بغير انا بنجن يالله عونك

(( بمحل ابو حميد الي هو عباره عن محل تصليح مثل الراديو))

الزبون: ياولدي هذا كل ما اصلحه يخرب شوفله ويش قومه
فهد : يا عم ذا خرده حتى ما يتصلح
الزبون: بتصلحه لي ولا لا؟
فهد : خربان اقولك ما يتصلح
الزبون بغضب : هاته هات
فهد وهو يمد الراديو : خذ خردتك
الزبون: ويش قلت؟؟
فهد وفنفسه يقول ( ولله لو ما انك شايب لاهبدته براسك ) سلامتك.. يدق جوال ويرفع لجوال يشوف المتصل ثم يبتسم وهو يشوف الشايب رايح : هلا هلا برفيق دربي
عمير ببتسامه: هلا فيك وراك مختفي ماعاد اشوفك
فهد وهو يجلس بلكرسي ويناضر المارين: انت ادرى بضروفي ولا انا ما افوت جلسه معك
عمير: الله يكون بعونك وعوني
فهد: وشرايك تمرني للمحل؟
عمير: ولله يرجال.. يقاطعه فهد: ابوي مابا يقول شي تعال
عمير ببتسامه : منب ضامن هلحكي
فهد : لاتهتم لكلام ابوي لك انت تعرفه
عمير : لكن هو ما يعرفني
فهد : بيعرفك في يوم من الايام
عمير : تمام بشوف وبمر لك
فهد ببتسامه: فمان الكريم