ابو حميد وبعد ما طاال صمته : يا عمير أنت رجاال وأعدك واحد من عيالي وان اعطيتك بنتي ادري بك نشمي وتنضرب فيك الأمثال ولكن الراي الاول والاخير للبنت
عمير : ما عليك زود وأن شاء الله اني مثل ما تضن ، أنت تعرف وضعي ولله يكتب النصيب
بو حميد : الله يكتب يلي بوه خير... صب يا حسين صب
وقف حسين وبيده الدله وهو يصب قهوه : سم يبه
وتوجه صوب عمير وهو يصب له ببتسامه : سم
عمير : سم الله عدوك عشت
فهد ببتسامه وهو يحط يده على ركبة عمير : الله يكتب الي فيه خير ياخوك
عمير أبتسم وهو يشرب قهوته وحط فنجانه وعينه لفهد : امين يا فهد امين
وعند سالم يلي طلع من المجلس وهو يسولف مع نفسه وتوجه للمطبخ وهو يحط الي بيده : اصايلووووه
اصايل فزت : خييييييير خير
سالم : ابك شبلاتس
اصايل وهي حاطه يد على خصرها ويد على قلبها : ياااخوك روعتنييي
سالم : البلا فيتس مدري في ويش شاارده
اصايل : اقوول لاتخليني اعلم ابوي عليك
سالم : يا وجه الله ويش سويت لتس انا مالت عليتس
اصايل : اهب يا وجهك
سالم : انا محترمنتس لأجل المزيونه جودوه وينها
اصايل وهي تميل فمها وترجع لشغلها : بالغرفه بالغرفه
سالم طلع وهو كان متجه للغرفه يلي فيها جود وغير وجهته ورا البيت بلعانه وهو يقرب اذنه لجدار مجلس الحريم وهو يقول في نفسه ( اشووف شلونتس يا نوفوه ) وكاان يسمع سوالفهم ولي وضح له ان نوف كانت مستحيه وقليله كلامها ضحك وهو يروح للغرفه يلي بها جود ووقف على عتبة الباب وهو يناضر فيها تضحك وتتقلب ونط وهو يشيلها ويرفعها فووق ببتسامه : جوووودي يااعين خاالو
وكاانت جوود مرعوبه من سالم يلي يرفعها فوق ويوطيها وفجأه الا وبدأت تضحك بطفوووليه وجلس وهو يلعبها ويسولف لها ويعطيها رضاعتها ويسحبها وتضحك ويضحك..
وعند أم حمِيد ...
كاانت ام عميير رااضيه كل الرضى وتحسس ان هذا افضل شي سوته في حياتها وأنسب شي بيحصل لعمِير وهي تشوف ان القلب الصاافي وطيبه هم الاساس وبعدها يجي كل شي وهي تشوف هالشي في نوف تبسمت وهي تحط فنجان القهوه : سلمتي يا صيته
صيته ببتسامه : سلمت يمناتس يا خاله
ام حميد يلي بعد كاانت نفس ام عمير بس من جانب ان عمير صديق فهد وهي تعرف هالعمير شكثر غاالي عند فهد وشكثر فهد يمدح فيه وهذا قبل لا يتقدم لنوف ومن جانب ثاني كاانت تشوف الطيبه منحوته في وجه ام عمير يلي تعرفها منزماان وهذا يلي مطمنها ومريحها : ولله يا ام عمير ما قول الا الله يكتب يلي بوه خير الصدژ وانا اختس من جهتي انا مرتاحه ومطمنه وعميير معروف بالخير الله يجعله ولكن تعرفين الراي لأبو حميد ثم الراي الاخير لنوف
ام عمير ببتسامه : ما عليتس زود يا بنت الاجاويد ومثل ما قلتي الله يكتب يلي بوه خير
صيته بهمس لأصايل : ولله اخر شي كنت اتوقعوه
اصايل بنفس الهمس : وشهو
صيته : ان عمير يتقدم لنوف
اصايل : وليه وشفيها اختس يا لهبلا
صيته بشهقه وهمس : ابك ما صيدي تسذا اصااااايل ترا جرحتيني صيدي انوه عميييير عميير مدري كنت احسه مستحيل يتزوج او ابوي يوافق على خبري ابوي ما يحبوه
اصايل : اييي... طيب خلي توقعاتس الغريبه في مخباتس او بنسبه لأبوي اعتقد يحبه وتعرفين طبع ابوي قاسي
صيته : هااو انتي شفيتس علي
اصايل : وشقلت انا
صيته : مدري عااد جالسه تفهميني غلط وفوق ذالك تلطشيني حكي
اصايل : اقول اسكهي بلا هذره واجده خليني اروق
صيته : ياخيستس بس لا نفستي
أنت تقرأ
يا عمير يُوم قررت أعيش
Randomالروايه بدويه بمُختلق خيالِي تعِيش روايتي فِي زمن الطيبِين قديماً • القصائد الموجُوده منقُوله
