عند ام ناصر الي طلعت من من عند ام مانع على أتصال ام حميد بأن فيه عزومه وكانت تمشي بخطوات متساارعه للبيت وبدئت تمشي بمهل على الكلام الي سمعته من حريم ديره واسرعت للبيت غااضبه وتدق الباب بقوه وفتحت لها سميه وهيي تفووور تفووور وتنادي سديممم بغضب وهي تفتح غطاء البرميل بغضب وتطلع منه خيزرانه : وينها هلي ما تستحيي
سديم الي طلعت على صوت امها لكن ما امداها تتكلم الا وامها هجمت عليها جلد وهي ترمي بلكلام وتسب وتلعن وسمييه تحاول تبعد امها بس ماش كااانت امهم غااضبه وسديم ما طلعت منها ولا دمعه وكانت تنضرب ضرب قوي
واندق الباب وكان ابو ناصر وسميهه هنا خااافت خاافت وجلست تهمس لأمها : يمه تكفيييين يمه ابوي بيذبحها لو يدري
ام ناصر وهي تصلح طرحتها وتمحط يد سديم بغضب : اسمعيييني زين وخلي حتسيي حلق بأذنتس ان ولله لو تعيدين هلحركات لااذبحتسس انا ويلا فارقي خلقتي جعلتس المرض
سميه : يمه استغفري
ام ناصر بغضب : عاد لي حسابن معتس انتي واختس ما خلص على طلعتكم وشمطلعكم اصلاً بس هيييين يبنات سعد هيين اذا ما طلعت الاول وتالي مااكون محسنه الخليفي ورمت الخيزران وراحت تفتح لأبو ناصر : سنه؟؟
ام ناصر : معليه ما سمعنا الدق وابو حميد مسوي عزيمه
ابو ناصر : ايي وشلمناسبه... وجاه صوت فهد من وراه : السلاام عليكم.. وتقدم يصافح عمه.. كيفك ياعم
ابو ناصر : الحمدلله بنعمه
فهد : وكيفتس ياام ناصر عساتس بخير
ام ناصر : الحمدلله يابو عبدالله
فهد : يااعم ابوي يقول تعال للبيت به عزومه ابو فادي جاي ويقول بلليل وقده هنيا
ابتسم ابو ناصر بفرح : يالله يالله وشهلخبر الزين
فهد : جعله دوم الان استأذن بروح
ابو ناصر : الله معك
وراح فهد متوجهه للعزبه وكان مبتسم وجوهه عليل وعلى طريقه شاف بيت آل براك الي هو لقب ابو تميم ووقف سيارته ودق بابهم وفتح ابو تميم
فهد : السلام عليكم
ابو تميم : وعليكم السلام ورحمة الله وبركاته اقلط وانا ابوك
فهد : ولله العذر والسموحه يااعم لكن انا جيتك وابوي عاازمك
ابو تميم ببتسامه : انت ابن بو حميد؟؟
فهد ببتسامه : اي ياعم
ابو تميم : ونعم فيك ووسبعة انعام
فهد : ونعم بحالك
ابو تميم : وشمناسبة العزومه
فهد : العم جاي من المدينه ومسوين له عزومه وتشرفنا بلعزومه يااعم
ابو تميم : ابشر يبو عبدلله
مطلق وهو جاي من وراء ابوه وسرعان ما ابتسم : يهلاا يهلا
فهد ببتسامه : يهلا بك
مطلق : اقلطط
فهد : العذر وسموحه ولله مااقدر
مطلق : تمامم لكن وشسمك
فهد ببتسامه وهو يفرك شنبه : فهد بن عبدالله
ابو تميم : تعرفون بعض
مطلق وهو يصافح فهد بحراره : ونعممم بك، يبه ذا الي اسعف اختي مع امي
ابو تميم ببتسامه : مااقصررت وجميلك علينا ماننساه
فهد : ياعم وش هلحكي ماهو بينا حنا اهل ومن ديره وحده وواجب علينا
ابو تميم : انشهد انك رجال بن رجال الله يوفقك
فهد ببتسامه : وياكم اجمعين والان استأذنكم
وراح فهد وهو رااضي عن نفسه وتوجهه لكل رجال ديره يبلغهم بلعزومه وبعد ما خلص توجهه للعزبه يساعد اخوانه
أنت تقرأ
يا عمير يُوم قررت أعيش
Randomالروايه بدويه بمُختلق خيالِي تعِيش روايتي فِي زمن الطيبِين قديماً • القصائد الموجُوده منقُوله
