يا عمير يُوم قررت أعيش

[ 15]

عند تميم يلي طلع من البيت وهو يقلب بمسبحته ولف على جية احد الشباب صوبه يلقي السلام : وعليكم السلام
وضاح : ويشلونك عساك طيب
تميم: الحمدلله على ما يحب لله ويشخبارك
وضاح : الحمدلله ، تخاويني لبيت بو حميد
تميم : ليه

وضاح : فهد جاء
تميم : بالله
وضاح : اي ولله وشقلت
تميم : ما قلت شي نروح ليه ما نروح
وضاح أبتسم لتميم وهم متجهين لبيت بو حميد
............ •••............

(ببيت بو ناصر)
التفت على دخول سميه : علمتس
سميه : يبه بوه جمعة بنات ببيت آل ضاهر وعزمتني انا وسديم
ابو ناصر بعد صمت: تمام لا ارد من بيت عمتس الا وانتي واختس هنياً
سميه : سم
ابو ناصر : افتحي البوابه اسري يلا
راحت سميه تفتح البوابه لأبوها يلي ركب الشاص وراح لوجهته وفور ما سكرت البوابه وهي تمشي بخطوات متسارعه للغرفه : سديييم
سديم : نعمم؟
سميه وهي تلبس عباتها : هياا نروح
سديم بعيون متسعه : نعم نعم لا يبنت م اقدر
سميه : سدييم ولله لا تضيعين مع تركي
سديم : وكلت امري لل لله
سميه قربت بغضب وهي تهز سديم : افهمي ان تركي عذاببب وبتضيعين قومي معي دام الوقت معتس لا تندمين تالي
سديم : لا يا سميه
سميه وهي تجيب عباة سديم : خذي ولله لا تاكلين اصابعتس ندم
سديم وبعد صمتت وتردد وخوف لبست عباتها : وامي؟؟
سميه : ماعليتس هي بعد راحت لبيت عمي وحنا مابنطول سديم بس اعجليي
سديم وهي تتبع سميه متوجهات بيت بو ضاري

........... •••..........

وعند فهد يلي كان فرحان بين اهل ديرته وكأنه عطشان وارتوى ووقف لشوفته لتميم جاي صوبه : السلام عليكم
فهد وهو يسلم بحراره : وعليكم السلام
تميم : الحمدلله على السلامة نورت ديرتك
فهد : حي عينك
تميم أبتسم : الله يحيك ويشلونك
فهد : ابد عال العال دامك ضويت يالغالي
جلسو وكانت علاقتهم احسن من الأول ولكل لحظ هذا التغيير الشااسع
حميد وهو يسحب أبنه ويجلسه : اجللس
حسين : خله
حميد : الحين يتعثر ويكب القهوه
حسين : لا لا ما شر
نمر : الا م تشوفون التغير
حسين : الا لكن طبيعي لاتنسى فهد ما قصر معهم
نمر : صحيح

.....

عند الحريم ولي كان اصوات البنات به شبه عااليه ليا ما دقت صييته العصا بغضب : اقصررن اصواتكن عييب بوه رياجيل
نوف بخرعه : عمى بعينتس
اصايل وهي تقرص نوف : صني لسانتس
ذوق : يووه تراكن نفسيات
نوف وهي تفرك مكان القرصه بألم : تو تدرين اهه حسبي الله علييتس
ام فادي : ولله يبنات صدق عييب هنا رياجيل
شموخ : انا ساكته
اصايل : قومن واشغلن انفسكن
ام ناصر وهي جايه : اقول اعقلي انتي وياها لا يسمعونكن الرياجيل اصواتكن قدها واصله لعلاواة السماء
ام فادي : انشهد
ام ناصر ببتسامه : ها ويشلونتس يم فادي
ام فادي ببتسامه : الحممدلله كن البنات ما جن معش
ام ناصر : به اشغال بلبييت وحلفت ما يجن الا وهن خالصات
صيته : حرام عليتس يا عمه
ام ناصر : لا حرام ولا هم يحزنون البنت ان م تسنعت متى تتسنع
نوف : ولله عادهن بعمر الزهور وبعدين شدعوه بناتس يسووون البعير كبسه ماشاءلله عليهن سناعه وذاربه ورزانه
ام ناصر : م تحسين لسانتس طال
نوف : ما طال ولكن كلمة الحق تنقال
اصايل وهي تقرص نوف وبهمس: اسكهيي
ام حميد : نوووف
ام ناصر : خليها خليها
نوف وهي قايمه وقامت معها ذوق ولي حقدت على ام ناصر : ما قلت شي غلط
........... ••...........