عند لبنات الي كانو يتعاونون في العشاء وكل وحده عليها شي : يا نوف ايش دا الي تسوينوه
نوف وهي تكشن الطماط : ويش اسوي برائيك
شموخ وهي تغسل مواعين : تقطعين طماطم
ذوق : شموخ اغسلي القدر سريع
شموخ : اشبكم انتم انا بني ادميه ياأخواتي
نوف : يليل ادري انتس ادميه
شموخ : اشبك تبكي يبويا ما قلت حاجه تحزن
نوف وهي تمسح عيونها : يويل حالي ترا من البصلل
ذوق : سوي زيي لا تصيري تتنفسين اكتمي نفسك وانتي تقطعين البصله
شموخ : ايش تكتم نفسها لا يبويا غمضي عينك وقطعيها
ذوق : تبينها تقص يدينها بلغلط
شموخ : لا هيا تعرف وين هيا تقطع
نوف : خلاااص انتي وهي لاانتف شوشتكن
شموخ وهي تقفل لماء: ايشبك ايش مزعلك انتي
نوف : ولله لاااتوطى ببطنتس
شموخ : خلاص يعمي ح أُسكت
ذوق : غسلتي القدر
شموخ : ايوا يبويا هداك هوا جنبك
............................. ••...........................
ببيت بو ناصر تحديداً عند سديم الي قلبت الغُرف وهي تطلع المساند والمتاكي والزل والفرشان وتغسل الغُرفه وتمسح الجدر وهي تنفس عن كُل ما في داخلها بلشغل والتنضيف وكانت تحااول انها ما تفكر ما تهتم لأي احد ولحكي احد وهي تقول ان كلام الناس لايودي ولا يجيب دخلت سميه وهي تتأفف بضيق وقهر : عمى بعينتس ان شاءلله
سديم وهي تمسح الجدر : ليه
سميه وهي ترفع ثوبها شوي وتمشي من بين الاغراض عشان تدخل تساعد : الحين امي بتقلب البيت وياتس ونقعد نشتغل بلليل والناس نيام ما فيتس خير يطلع الا بلليل وممساه
سديم وهي توقف وتتنفس اثر التعب وهي تمسح : اسكتي ولا فارقي لان كلامك حالياً ما يفيدني يا تحطين يدتس معي وتساعدين ولا الله وياتس
سميه بتشميقه: اقول هدي من روعك تراتس اكلتيني
سديم : هو انتي خليتي من قشوري شي؟؟
سميه : الله اكبر ولله
سديم : سويتي العشاء؟
سميه: اي على نار الان
سديم وهي تكمل تنضيف : انزين
ام ناصر وهي داخله وتقفل لباب وراها وتجي وتشوف كلشي وسديم الي تنضف أبتسمت : اييي الله يسعدتس البنت ما يزينها الا سنعها انفداتس قدني اقول ما ينفعني الا سديم
سديم الي تحاول م تبتسم وهي تشتغل بسكات وفي داخلها حماس اشتعل من كلام امها
ام ناصر : ايي اي قوه وين اوخيتس ما تساعدتس
سديم : فلمطبخ تنضف
ام ناصر : اي كفو بناتي
أبتسمت سديم غصببب رغم الي فداخلها الا ان شعور انك تسويين شي من قلب ويجيك كلام كويس غصب ينشئ شعور حلو فداخلك
........................... ••...........................
عند بيت بو ضاري كان ضاري جالس يدينه خلف رقبته ومدد رجوله رجل على رجل وبلحوش سارح ولجو هااادي هاادي أبتسم براحه ما يدري ويش هي سببها وقطع سرحانه عقاب الي جلس وبيده بياله شاهي : خذ خذ ارفع عليلك
أبتسم ضاري واخذ بيالة الشاهي : قده مرفوع
عقاب : ايي وش السبب
ضاري : ما به سبب الله يحبني
عقاب أبتسم وهو يشرب شاهيه : يزين حب الله
ضاري : وأنت صادژ يا زين حب الله وأحذر
عقاب : من
ضاري : انك تأذي عبد يحبه الله
عقاب يتكي ويناضر ضاري : وش لون أحذر وانا ما اعرف العبد الي يحبه الله
ضاري ببتسامه يناضر السماء : لاتأذي عباده وخلك على مقولة الدنيا دواره تُدين وتدان مهما حصل
عقاب : انا م اذي احد
ضاري : م به شي اسمه ما اذي احد يعقاب الاذيه بلقول ولفعل وكلها تنشئ من شيئ بسيط لو ان الكلمه ( نعم ) لواحد يوزن كلامه ويفكر به قبل يقوله ويفكر بأفعاله قبل يفعلها
عقاب : كلامك في الحفظ والصون
ضاري : كفو
عقاب ببتسامه : معك فلوس
ضاري : اي بس ليه
عقاب : ابيها
ضاري : وراء ما تعتمد على نفسك
عقاب : يالله اشيل نفسي
ضاري : ماهو مزح ولا هي قضية يالله تشيل نفسك انت مجبور تعتمد على نفسك في كل شي
عقاب: بدينا الحين
ضاري : ما اقول هلحكي عشان اضايقك لا اقوله لمصلحتك
عقاب : ومصلحتي ويش لا قد نفسيه بلخشم
ضاري وهو يتربع بجلسته :
تحب تفرح تزعل شوي تغير لامانع تعيش في كل حاله
بس أتعلق كأنك الحبل في البئر هذا غلط واسمع معي هالرساله
من يعتمد على الناس يضيع ويحير ويذل ويبدل بشخص بداله
كم واحد ماشاف في هالبشر خير حتى أصغر من واحد من عياله
الله يقول نروح في الأرض ونسير الله خلقنا كل واحد الحاله
عقاب : ان شاءلله
ضاري : ماحد باقي لأحد البقاء لله عز وجل ممكن اروح انا او اي واحد يمكن م يبقى احد فينا او يمكن نموت كلنا وتبقى انت هل بتنتضر احد يجي ويعطيك ويرفعك لا قم واشتغل على نفسك
عقاب : تامر امر
ضاري : ما يأمر عليك عدو
............................... ••.............................
أنت تقرأ
يا عمير يُوم قررت أعيش
Randomالروايه بدويه بمُختلق خيالِي تعِيش روايتي فِي زمن الطيبِين قديماً • القصائد الموجُوده منقُوله
