يا عمير يُوم قررت أعيش

[ 14]

اللهُم صلِ وسلم على حبيبنا ، ونبينا مُحمد ﷺ
عدد ماذكره الذاكرون وغفل عن ذكره الغافلون ✍🏻..
______________________________________

( وفِي جده بشقة الشباب )..

دخل فهد وراجح واصوات ضحكهم ماليه الدنيا : شفت شلون نكاتي تضحك
فهد : يشيخ ما يضحكني الا سماجتك امش بس
سعيدان وهو طالع من المطبخ وبيده برتقال : ضحكونا معكم
رفيد : ايي اشوف مشاءلله مزاجكُم عال العال
فهد : الحمدلله
راجح : اسمعو النكته
سعيدان : نسمع
راجح : كان فيه نمله لونها ازرق بلجدار قولو ليش
الكل : ليش
راجح : لابسه جنز
سعيدان : اخترب مزاجي
رفيد بتسليك : ههههههههههههههههههههههههههههههههههههههههههه
راشد : يسلك لك
فهد : لا هذي شينه الاولنيات ابرك
راجح : تمام وحده ثانيه
سعيدان : اذا طلعت بايخه لك كف
راجح : انسحب
راشد : عارف ببياخته
رفيد : لا كمل ما بخليه
راجح : تمام
سعيدان : انا قلت
راجح : انزين اسمعو
رفيد : اي
راجح : تدرون وين اخبي فلوسي؟
رفيد : وين
سعيدان : وين
راشد وهو ينسدح وساند راسه بيده ..
راجح : في جيبوبي الانفيه
وهنا سعيدان يقوم ويجري تجاه راجح : اشهدُ ان لا اله الا الله
سعيدان وهو يمسكه من قفى ثوبه : بياختك مشكله
راشد : فكه يسعيدان
فهد بضحك : الله يعينه
راجح وهو يتصفق : رفييد يمعوود ساعدني
رفيد : ولله لو يمسكني سعدون حتى لنفسي م فزعت
راجح : حسبنا لله وكفى
سعيدان وهو يصرفقه كفوف ويفكه ويزحف وراء رفيد : ودك تنكت
راجح وهو يدف رفيد : يا جليل الحياء
رفيد : خلاص فكك
راجح: بعد شنو
فهد : سعيدان حرام عليك
راشد : شوي ويصيح راجح
راجح : تشب عليك انت وياه حريقه اسكتو
رفيد : عصب عصب
فهد : المهم بكره راجع الديره
راشد : بالله
رفيد : وبتطول؟
فهد : لا نهاية الاسبوع بكره والاحد وانا هنيا
سعيدان : ولله حتى اني راد للديره
رفيد : مشاءلله متضامنين
راجح : شكلهم
رفيد : المُهم الله يكون معكم
فهد : امين ، وانتم ما وراكم اهل
راشد وأبتسم بذبول وأسى : انا اهلي متوفين كُلهم
الكل : الله يرحمهم
فهد : لعذر وسموحه يا راشد ما دريت الله يرحمهم
راشد : لا م بينا هلكلام، امين
فهد أبتسم لراشد وسكتت وهو يحس انه غلط لو تهور بلكلام قبل لا يحسب حساب وفرضيه براسه قبل لكلام وضاق على راشد وهو يشوفهم يسولفون
اما راشد ضاق وضيقة اثرها الشوق وهذا الي يوجعه في هاللحضه..

............. ••..............

ومَن صباح الله ويبتدي يوم جدِيد

في الديره وتحديداً ببيت (أم عبدلله)..
ولي هي ام زوج اصايل..
وكانت اصايل ملتهيه بتنضيف البيت ووجود يلي صوت سوالفها معبي لمكان ولي كان غير مفهوم لكن كانت اصايل تستمتع بسوالف بنتها
دخلت ام عبدلله : اصايل
اصايل : هلا يُمه
ام عبدلله وهي تتوطى وتجلس تلاعب جود : بكرة خميس ولا
اصايل : الا
ام عبدلله : اييي ونقول
اصايل ببتسامه : ليه
ام عبدلله : ولله ذرية الديره كل شوي تمر سياره وقلت بيقع خميس ولعربان راده لديرتها
اصايل : ايي
ام عبدلله : واخوانتس بيضون
اصايل : ان شاءلله يا يمه
ام عبدلله : ان شاءلله ها يالله انا بنهج لعنيد ام مانع ازاورها
اصايل : اخذتس لعنيد بابها يُمه
ام عبدلله وهي تقوم : لا يبنيتي
اصايل : لا ول.. وتقاطعها ام عبدلله : ونحلفت
اصايل ببتسامه : الله يهداتس
ام عبدلله : ارتزعي هنياً وخلي همتس في جود لا تتعبين نفستس وانا امتس ما عليه انا م عجزت اروح لذاك لباب قد م بعد بيتهم عن بيتنا
اصايل : ها تمام انصب لتس قهوه تاخذينها معتس
ام عبدلله : ولا عليتس امر
اصايل : ابشري اجل يمه اجلسي عند جود لبال ما اسويها
ام عبدلله : تمام
وراحت اصايل للمطبخ وهي تحط ماء بل ابريق وتولع النار وتحطه وهي تناضر لماء ثُم تاخذ جوالها وهي تدق وتلف تاخذ علبة البُن : وعليكُم السلام
صيته : هاه علمتس
اصايل : بكره بنجتمع عند هلي
صيته : ولله كنت بحاكيتس بعدين بلموضوع هذا لكن مشاءلله عليتس ذهينه
اصايل : ايي ايي اسمعي خواني بيجون
صيته : طبعا اكيد
اصايل : ها فيمان لله.. وقفلت اصايل وتركت صيته الي ضحكت على حركة اصايل وراحت تكمل اشغالها..
ام عبدلله بصوت العجايز المتذبذب: خلصتي يبنيه
اصايل : ايي الان واحطه