( ببيت ابو ضاري )
وجدان وهي تاخذ دواء ابوها وتصب له ماء وتطلع متوجهه لأبوها وهي تعطيه دواه بصمت
وأبو ضاري ياخذ علاجه ويسمي بالله ويشرب وهو يناضر عقاب الي نام فور م انسدح وناضر وجدان : ويش ياجع عقاب
وجدان بفهاوه : ويش ياجعه
ابو ضاري: منتي تقولين تعبان؟
وجدان الي انخرعت اول م اتسوعبت وقالتها بتعلثم: ايي به حمامه
ابو ضاري : وشبلاتس انتي تحاكي عدل
وجدان : حمى يبه
ابو ضاري : تمام... وهو يقوم ويتوجهه للمجلس ووجدان وراه: يبه
ابو ضاري : هاه ياوجدان وراتس
وجدان : يبه ولله ودي بجوال
ابو ضاري: عبي لمكيف ماء ( لان لمكيف صحرواي كانو زمان يستعملونه) وبعتبر نفسي ما سمعتس
وجدان بضيق : سم يبه.. وراحت وهي متضاايقه لانها يوم تتجمع مع نص بنات الديره يكون معهم جوال ويقعدون عليه : اهخخ يالحياة ليتني اقدر اشتري لي واحد............ ••...............
( ببيت ابو تميم)
ام تميم الي قفلت مصحفها وقعدت تناضر بلقران ثم قامت وهي تدور للبنات لين مالقتهم : انتن هنيا
ريم وهي تقوم وتبوس راس امها : اي يمه
ام تميم ببتسامه: ويش تسوون
ريما وهي تسوي المثل : يمه تعالي اجلسي
ام تميم وهي تجلس هي وبناته
ام تميم : الجو زين ليوم
ريم : يمه طلبتس طلبه ابغى اروح اتسوق بلديره
ريما : يمه وشرايتس نروح انا وانتي وريم ويش قلتي منها نغير جو ولجو حلو مثل ما قلتي
ام تميم : بس اخوتس ما يطيع
ريم : يمه نحاكي ابوي
ريما: اي يمه
ام تميم : تمام لاجاء ابوتس نحاكيه
ريم : يمه ويش ذا ولله لاجاء بلليل نموت ولا يخلينا نروح دقي عليه
ام تميم وهي تخرج جوالها من جيبها : تمام اصبري وراتس مستعجله
ريما : ولله الملل يقتل ويش نسوي
ريم : فعلاً
ام تميم ضحكت بخفه وهي تخرج جوالها الي كان كشاف صغير وهي تتصل على ابو تميم تحت انضار البنات الي كل وحده تقرص ثانيه وتقول اص خليني اسمع وأشرت لهم ب اص لين ما جاها الرد : سلام عليكم
ابو تميم : وعليكم السلام علامتس صار شي؟
ام تميم : لا ماصار شي بس البنات يبون يطلعون لسوق ديره معي ناخذ شويه ونرد
ابو تميم: تمام يروحون
ام تميم : ها تمام فمان لله... وسكرت الخط وهي تناضر البنات الي كانو حرفيا ينطنطون ويصفقون بعض من الفرحه : عمى بعينتس انتي وهي اقعدو م كنكم كبار عاقلين حسبي الله على ابليسكم
ريم وهي تدف ريما بضحك وتجلس : ابشري يمه
وريما الي طاحت ورجعت تجلس ببتسامه واسعه
ام تميم : يلا جهزو عباياكن
ريما وهي تقوم وتفتح درج وتاخذ عبايتها وتحطها على المتكى : عبايتي جاهزه
ريم الي تناضر العبايا المعلقه وراء الباب : وانا يمه يلا نقوم
ام تميم الي قامت لغرفتها وهي تقول: ويويل وحده تبعد عني او تروح لسوق وبقعه وانا مب معها خلونا سوى
ريم وهي تلبس عبايتها: تم تم
ريما ببتسامه وهي بعد تلبس وترتب غطوتها على لمرايه : مثل ماقالت ريم يمه
ورجعت ام تميم وهي لابسه عباتها الي كانت عباة راس وبيدها راديو : يلا يلا
ريم وهي تناضر الراديو : ليه يمه الراديو
ام تميم : عطلان ودامنا رايحين بحطه على طريقنا
ريما : تمام نروح
أنت تقرأ
يا عمير يُوم قررت أعيش
Randomالروايه بدويه بمُختلق خيالِي تعِيش روايتي فِي زمن الطيبِين قديماً • القصائد الموجُوده منقُوله
