عند فهد الي وصل للبيت وهو لأول مره يحسس بفرااغ شديد وتعب دخل بدون اي صوت متوجهه للمَقلط وهو يفتح الباب ويناضر بلقاع الي يكسُوه نور القمر وسحب شماغه ورماه وانسدح وهو حاط راسه على المتكى
.............. ••.............
في الدوانيه عند بو حميد الي جلس بعد ما جاء من المسجد هو وبو فادي وكان وراهم العيال الي جلسو وكان الهدوء سيد المكان
التفت لهم بو حميد : وش العلم
حميد : ابد
بو حميد : ووشلون رجل سالم
حسين : الحمدلله
ابو فادي : عندكم شي تحكونه؟
نمر : نعم يا عم
بو حميد : ووش عندك
نمر الي اعتدل بجلسته : يبه فهد وده يشتغل بلمدينه
بو حميد بطرف عين : واحد واحد رايحين لهلخراب؟؟ ديرتكم تضفكم انت وياه وروحه ما به روحه
نمر: يبه م يصلح الي تحكيه يبه هلديره ماهي باقيه طول لعمر لنا وفهد عنده مواهب واتقان في امور عده وبقائه هنا ما بينفعه هو رجال وبكره يتزوج وما عنده فلوس لبيت لكسى لأكل يبه ولله ان كعسته هنيا ماهي لصالحه واذا على نروح واحد واحد ف لا انا رايح ولا سالم ولا حسين بس فهد لازم يروح وهذا هو حميد راح ولا ابعد عنا كل خميس وهو هنيا وهذا عمي وكل من نعرفهم لازم يشتغل على نفسه
حميد : انا اقول يبه خله يروح هذا لمصلحته
ابو فادي : يبو حميد
ابو حميد الي كان يسمعهم بسكات التفت لبو فادي بصمت
ابو فادي : فهد رجال كبير وبكره يطق الاربعين ومثل م قال نمر لازم يكون نفسه ويقوم بنفسه لصالحه هذا الشي بقائه هنا م يفيده ب شي
ابو حميد : محلات وحلال م يفيده بشي؟
ابو فادي : كم معك عيال وبنات يبو حميد اذا م اشتغل ذا وذاك على نفسه شلون بيدير حياته؟ ايام زماان كنا ندور الاشغالل وحنا علينا وغدان يبون لقمتن لهم وانت تعرف ويش انا اقول
ابو حميد : يصير خير ان شاءلله
نمر ببتسامه : ان شاءلله
ابو حميد : ووين اخوك
نمر : هنيا بلبيت بيقع جالس
حسين : عند سالم
ابو حميد. : تمام تمام
............. •••...................
((ببيت ابو تميم))
كانت ريم تكوي الملابس وهي تهوجس بفهد وما تدري ليش هالرجل ماخذ تفكييرها وشهقت : حسسسبي الله علي
جات ام تميم : ورااتس؟؟
ريم : لا يمه ولا شي بس خقت اني احرقت الشعطور ( الثوب )
ام تميم : انتبهييي يبنيه انتبهيي
ريم : تمام تمام يمه
وسكتت ريم وهي تقول فنفسها ( حسسسبي الله ما عاد بتس مخ انتي انهبلتي تفكرين بلجربوع وبغيتي تحرقين شعطور اخوووانتس لتس العمى)
دخل مطلق وهو ينسدح بتنهيده تعب : اهخخخ
ريم : وراك
مطلق وهو يناضر السقف : ابد جويع واريد ارقد
ريم : ارقد لك شويتين لبال ما ينجد العشاء
مطلق : لا لا ننتضره لانمت ما عاد بقوم
ريم : تموم وين تميموه
مطلق : فلحوش
ريم : زين زين
مطلق : وشبلاتس
ريم وهي تقوم وتحط الملابس بدولاب وتطفي الكويه وتناضر مطلق : ابحارشه
مطلق : اشوفتس تستنجدين بي اخنقتس
ريم ببتسامه : يوووه قدنا هنيا
مطلق : اي اي قدنا هنيا
ابتسمت ريم وطلعت متوجهه لأبوها وتميم الي جالسين بلحوش : اعزائي الكرام
التفتو لها ببتسامه وتميم الي عدل جلسته
ريم : قررت بأن اعزمكم على طبق صغير من الكعك
تميم : طبق؟؟
ريم : نعم
تميم : شايفه كرشتي وكرشة مطلق وابوي
ابو تميم : يا ولد
تميم : امزحح
ريم : معليك منه يبه دمه خفيف
مطلق الي جاء : وااضح عندكم سالفتن
تميم : عازمتنا على طُبق من الكعك
مطلق بضحك : حقا؟
ريم ببتسامه : نعمم جلالتك
مطلق : اذن لنتذوق
ريم ببتسامه وهي تناضر امها جايه : اولاً سياده الملكه خزاري هجاج تتذوقها
تميم ببتسامه : اصبتي
ابو تميم : افاا مفروض انا الاول
ريم ببتشامه : الحين لأمي دور دور كذا مب عدل
ابو تميم : دام تسذا تمام
ام تميم : وراكم
ريم : كنا نتحاكى من اول يتذوق كعكتي
ام تميم : اييي افلحتي بس قربيها نتذوقها
ريم : ابششري من عيني هذي قبل هذي
ام تميم ابتسمت : فديت عيونتس
مطلق : وانا يمه
تميم الي ينغث بسرعه وقال بتقليد وهو يقلب برموشه : وانا يمه
ام تميم : اييي انا وش حطني عند المجنن
تميم : افااا
مطلق : وانتي صادژ وش حطنا عند المجنن
ابو تميم : خذيتوها حلاً
تميم : يبه مطلق غثيث ان تبي الصراحه
مطلق : خل صراحتك في جيبك
ابو تميم : الضاهر مالي حشمه
مطلق : محششوم
تميم : مشحوم يبه
ابو تميم وهو يمدد رجوله يناضر ريم الي جايه : جدال على غير سنع
ريم ببتسامه وهي تجلس وتقطع الكيك تحت كلام مطلق وابتسامة تميم ومدح ابوها وحكي امها الطيب : يووه يا اهل ولله اني استحي
مطلق: طلع الحياء
ريم بشهقه : يبهه تسمعع
ابو تميم وهو بمزاح يدور الخيزران حوله: اسمع اسمع
تميم وهو يمسك مطلق ويثبته : اشرد جاك الموت ياتارك الصلاه
مطلق وهو يناضر ابوه : ولله اني اصلي
ريم : يبه مطلق ممنوع يذوق
مطلق : لا كذا مره
ابو تميم : انت سمعت هيا فارق
ريم : احسب حسابي مرتن ثانيه
مطلق : بحسب بحسب
ريم : اعتذر يلا
مطلق : نذله يلوصخه
تميم : اعتذر عشان تذوق
مطلق : عندي كرامه
ام تميم بضحك : وش رايكم تفكونا من هبالكم وتسكهون؟
ريم وهي تعطي امها كيكه : تفضلي ملكتي
وتقوم تعطي ابوها : تفضل جلالة الملك
وترجع تاخذ طبقين لمطلق وتميم : تفضل حضرة الامير وحضرة الامير تميم
ورجعت مكانها : هيا تناولو بلهناء والشفاء
الكل : سلمت يداكِي
ابتسمت ريم الي متعوده على لطف
مطلق: الوصفه السريه لو سمحتي
ريم: لا تزوجت اعطي زوجتك الوصفه
ابو تميم : اقولتس انتس فنانه بطبختس؟
ريم ببتسامه : بنت ابوي
تميم : ونعم وسبعة انعام
ام تميم : فنانه مشاءلله م يحلي البنيه الا سناعتها
ريم: انا سنعه من يومي يمه
ام تميم : انشهد
مطلق : انا شبعت صراحه
تميم : الحمدلله
ام تميم : ان كنا شابعين كلنا فا حطي العشاء بلثلاجه وحطيه بكيس لا يخرب
ريم: ابشري يمه
ابو تميم : ايه حصفوو النعمه تُشكر وينحمد عليها
الكل : الحمدلله
أنت تقرأ
يا عمير يُوم قررت أعيش
Randomالروايه بدويه بمُختلق خيالِي تعِيش روايتي فِي زمن الطيبِين قديماً • القصائد الموجُوده منقُوله
