يا عمير يُوم قررت أعيش

[ 13]

ريم  :  هلا يُمه
ام تميم  :  أقدمي هنيا انفداتس
ام مسفر  :  ولا ما ودتس دامني هنياً
ريم ببتسامه قربت تبوس راس  خالتها ام مسفر :  افا هذا الحتسي لي
ام مسفر أبتسمت وهي تعدل طرحتها  :  اي لتس
ريم  وهي تجلس قُرب امها  :  ولله انتس غاليه يا خاله وجلستس سكر انفداتس
ام مسفر  :  الله يخليتس
ام تميم أبتسمت  :  الله يديمها
ريم   :  ويديمتس لي
ام مسفر  :  الا هسمعن
ام تميم  :  ايوه
ام مسفر  :  بوه عزيمة ببيت ام ميعاد وياليت تكونون من بين لمعازِيم
ضحكت ام تميم  :  ولله ما فهمت العزيمه ببيتس ولا ببيت ام ميعاد وضحِي
ام مسفر  :  يويلي عليتس يا اوخيتي خرفتي
ام تميم  :  اعنبو دارتس من الي يعزم انتي ولا ام ميعاد
ام مسفر  :  يا ام تميم الحرمه عزمت الديره برمتها
ام تميم : سبحان الله
ام مسفر  :  يا شيب راسي
ريم  :  هو بوه شي غلط
ام مسفر  :  ويش الغلط
ريم  :  لا بس تسذا حاسه
ام مسفر:  لا يبنيتي بس امتس ما تطيق ام ميعاد
ريم  :  صدژ يمه
ام تميم  :  الله يلوم الي يلومني
ام مسفر  :  اوخيتي عيب عليتس
ام تميم  : اوخيتس بعينتس ويش اوخيتي انت معي ولا معها دامتس تعرفين انتس اختي
ام مسفر  :  حشاك حشاك
ريم :  هدو لعب وهسمعي يمه
ام تميم  :  ويش
ريم  :  انا وياتس بنجي بلعزيمه
ام تميم   :  ضروع مضرعه م اروح
ريم  :  يمه الله يهداتس اسمعي
ام تميم  :  اسمعتس
ريم وهي تبعد خصلة شعرها قفى اذنها وببتسامه وقالتها بتأشيره بأصبعها على صدرها :  نروح انا وأنتي للعزيمه قولي ليش
ام تميم  :  ليش
ام مسفر  : الله وكيلك
ريم  :  لان لو م نحضر بتحسب اننا مقهورين
ام تميم :  اهب تخسي ننقهر منها
ريم ضحكت  :  اي لذالك بنحضر
ام تميم أبتسمت من ضحك ريم ولفت تناضر ام مسفر  :  خلاص بنجي
ام مسفر اتنهدت بضحكه  :  ولله ما ينعرفلكم
ريم  :  المهم بنيتس تحضر؟
ام مسفر  :  ونوره قط مرة عزيمه او عرس ما حضرته؟
ريم ضحكت  :  ابد مشاءلله عليها
ام تميم  :  وساعة الصدر زينه ونوره فاهمه الجمله
ريم  :  اي ولله
ام مسفر  :  ها يالله استأذنكن اروح
ام تميم  :  بدري يامره
ام مسفر وهي ترفع عباتها على راسها الي كانت عباة راس  :  وين بدري الله يهداتس بيقعون يحتروني بلبيت
ام تميم  :  اجل الله وياتس
ريم  : سلمي لي على البنات
ام مسفر وهي طالعه  : يوصل يوصل
ريم ببتسامه التفتت لأمها  :  اقول يمه
ام تميم بنفس الأبتسامه  :  هاه
ريم وهي تعتدل وتحط راسها بحضن امها  :  وين ابوي و اخواني تأخرو
ام تميم  :  يجون يجون
........... ••.............••.............. ••............. ••.....

قفل مصحفه ويختمه بقول :  صدق الله العظيم
فيصل من وراه بهمس  :  ضاري
لف له ضاري ببتسامه  :  هلاً
فيصل  :  يالله نسري
ضاري  :  تما.. وقاطع كلامه بسكوت لشوفته بو ناصر يجلس مع احد الشيوخ بلمسجد ونزل نضراته لفيصل  :  اسبقني انا بجلس شوي
فيصل  :  الي تبي اجل
ضاري ابتسم  :  الله معك
قام فيصل وهو يحط مصحفه بلمكتبه وتوجه للباب
اما ضاري اكتفى بلنضر لأبو ناصر وهو يفكر يكلمه او ما يكلمه
وفي الطرف المقابل
مسعد :  يا عم
ابو ناصر  :  ويش بلاك
مسعد ولي كان ولد تربى بلمسجد لا له اهل ولا من يعينه  :  تشتري ماء؟
ابو ناصر ولي كان خلقه معصب  :   لا
مسعد  :  يا عم اشتر مني بس حبه!
ابو ناصر وبغضب قالها وبصوت شبه عالي:  قلت لك لاا
مسعد تراجع وراء بخوف  :  تتمام
ابو ناصر حس بنفسه وقالها بهمس :  طيير مني
مسعد لف بضيق وهو مبتعد
الشيخ  :  الله يهداك يبو ناصر وشهوله تصيح عليه
ابو ناصر  :  عذري معي
الشيخ سكتت وهو يستغفر...
وكان كل ذا تحت انضار ضاري الي ضاااق ضاق حييل وهو يفكر في نفسه  ( كيف بفاتحه كيف) قام وهو يلحق مسعد الي طلع برا المسجد ويوقفه : مسعدووه
أبتسم مسعد وكانت عيونه تلمع وكأنه بيبكي  :  ضاري
أبتسم ضاري الي حس بشعور مسعد  :  تعال خاويني
مسعد فرح وبينت الفرحه بعيونه  :  وين
ضاري  :  ناكل ونشرب ونسولف واذا تحب بنلعب عاد
مسعد وبفرحة أطفال مسك يد ضاري وهو يشبكها بيده  :  يلا
ضاري  ولي كاان طيييب  شد على يده  :  لا تاخذها بقلبك
مسعد  :  ويشهي
ضاري وهو يمشي : اقصد كلام بو ناصر
مسعد ضاق  :  تمام
ضاري لاحظ وتوطى لمستوى مسعد  :  هو طيب لكن الايام لها دور ادري بتقول ويش ذنبي يصرخ علي لكن اعذره هو شايب وانت تعرف الشياب م وقفت على بو ناصر
مسعد الي كان يناضر عيون ضاري أبتسم وهو يحضن ضاري  :  خلاص
أبتسم ضاري وهو يمسح على ضهر مسعد الي كان ضعيف ودنيا ضالمته كا صغير  :  اجل نمشي
ابتعد مسعد ببتسامه  :  نمشي
وراح ضاري يلي كان يفكر ويش بيسوون ويستمع لهرج مسعد الي كان اكبر من سنه لكن دنيا تكبرك فوق سنك وهذا الشي معلوم
........... ••.......... ••............ ••...
وفي بيت بو ناصر...
كانت سديم تغسل مواعين بسكات وخالية افكار  متناغمه مع نسيم الأشجار يلي يمر من شباك المطبخ ويلعب بخصلات شعرها
دخلت سميه وبهدوء وهي تتكي على باب المطبخ وتناضر سديم  :  احمم
سديم رفعت راسها وهي تحط الصحن وتقفل المغسله : نعم
سميه  :  ايوه علامك مالك حس
سديم  :  تسذا
سميه أبتسمت وهي تاخذ تمر وتوقف قدام شباك  : فقد قِيل أن العشق ما يعرفُ الأدراك
سديم قربت جنب سميه  :  عسى ما شر
سميه  :  وأنا ويش أقول أن كان قالوه قدامي
سديم  :  سميه
أبتسمت سميه وهي تحرك يدها مع تلحينها  : على ذكرياتك ما مر طيفك ولا القاك
سديم سكتت وهي تمسح يدها وتتوجه للباب  :  وسمتك على كف السديم
سديم لفت بغضب  :  سمييييه!
سميه ضحكت  : وراتس
سديم  :  راجعي نفستس ويش تهذرين به
سميه  : م قلت شي اغني
سديم قربت وهي تدف سميه بكتفها: لا م تغنين كذا
سميه  :  وليه
سديم  :  كيفف ليهه انتي سامعتن ويش تغنين به
سميه  :  ويش غنيت به
سديم  :  لاتجنيني!
سميه أبتسمت  :  اما خبروك أن الغرام بلا لُقياك يتيماً ولا يوجد به الرمح ولا الرامِي
سديم وبنفعال ضربة سميه كف ومن وراه احتل المكان سكُوت ثُم لحقه صوت سميه الغاضب  :  لا يلكلبه
سديم  : نعمم نعمم ولله ما غيرك
سميه دفته بغضب  :  بتنكرين انتسس تحبييينه
سديم وبنفس الغضب مسكت سميه من يدها : لا م احبه ولا يُمكن وكلامك هذا لا عاد اسمعه والا قسماً بالله.. قاطعه كلام سميه بغضب  : والا ويش هاه هسمعي ولله لو تحلفين من ليوم لين بكره م اصدقتس
سديم  : لا تصدقين بلطقاق
سميه بغضب دفت سديم من قدامها بس تجمدت اول م شافت امها قدامها ولمثل مع سديم  :  ي يمه
سديم بلعت ريقها بخوف من امها سمعت  : يمه الحقي بنيتس تعلي صوتها
ام ناصر  :  ويش الي سمعته!
سديم  :  صوت سميه يمه
ام ناصر وبغضب هامس:  تعرفيين ويش اتحاكى عنه!
سميه  :  يمه هي الي بدت تقول امسح الارض وليوم يومها
ام ناصر  :  سميييييه منب جاااهله منب غبببيه تعرفون ويش اتحاكى عنه هاااه تعرفوون
سديم  :  يمه ولله الي سمعتيه ماهو صح
ام ناصر قربت وهي تشد سديم من يدها بغضب  :  من الي تحبينه يلي م تستحين من
سميه  :  يمه ولله اغنيه
سديم بلعت ريقها وهي تغمض عيونه وبصوت متذبذب  :  يمه ولله مثل م قالت سميه اغنيه
ام ناصر بغضب هامس قالت  :  ولا تجعلو الله عُرضتُن لأيمانكم
سديم وهي تحط يدها بيد امها وبخوف تناضر بعيون امها  :  ونعم بالله يمه بس انا صادژه
ام ناصر شدت بقوه  :  اجل وراتس متوتره
سميه  :  يم.. وقاطعها صراخ امها بغضب  :  اسكتتتي انتي اذا كنت اتحاكى فاهمه! وانتي م وراتس خوان اب ام م وراتس احد يومنتس تسوين تسذا بس تعرفين لغلط مب عليتس ولا عليتس لوم هذي تربيتي
سديم ببكاء  :  يمه لا
ام ناصر بغضب  :  لا تربيتي اعطيناتس وجه وانفلتتي ليا ما صرتي م تستحين على وجهتس
سديم  :  يمههه ترا م وصلت المواصيل هنا ولله ان الي سمعتيه ماهو صحيح
ام ناصر  :  صوتس لا يعلى حدتس هنا انتي خلااص مكبره خشمتس تحسبين م بيوقفتس شي هاه لكن انا وريك يمفصوخة الحياء
سميه  :   يمه تكفيين قسم انه مزح بناات قسمم
ام ناصر وهي تسحب سديم بغضب برا المطبخ متجاهله كلام سميه وبكاء سديم  : يمه اسمعيني
وقفت ام ناصر وبغضب مسكت سديم بكتوفها وتهزها بصراخ  :  نعمممم نعم ويش اسمع! ويش بااقي م سمعته
سديم بصوت متذبذب  :  يمه سوي فيني هالمره الي ودتس لكن خبريني وراتس تعامليني تسذا ليه داايم كذا تحسسيني انتس م تطيقيني
ضحكت ام ناصر بسخريه  :  ولله ولتس عيين تسألين لا لا م الومتس انتي سديم بنت سعد سديم الي م يطولها ضل
سديم غمضت عيونها ببكاء  : يممه
ام ناصر  :  منب أمتس ولا أنتي ببنتي الفرق بيني وبينتس شاسع بنيتي م تدابغ بنات عباد الله م كنه بنيه بنيتي لسانها ماهو طويل بنيتي م تخلي حريم ديره كل م ذكروني قالو ام هذيك الي دبغت بنت فلان لا لا منتي ببنتي والان ويش بيقولون ام ***
سميه  :  يمممه يكفييي خلاص ولله مب حلوه بحقنا
ام ناصر  :  مشاءلله تبارك الله ويش رايتس تكفخيني؟
سميه  :  يمه ويش هالحكي ولله م يجوز
سديم مسحت دموعها  :  خليها يا سميه فهمت مقصدها زين وتسوي الي تبيه
ام ناصر  :  لا كذا طالت وشمخت لكن ولله ولله ولي اسمه الله لا اخليتس تحبين الأرض
سميه:  يمه امانه
ام ناصر  :  انتي اص
سحت يد سديم وهي ترميها بغرفه وطلعت وهي تجيب خيزران خشب  :  انا اربيك من جديد وخليتس تعرفين ان زين البنيه بحياها يامفصوخة الحياء
سميه ببكاء مسكت امها  :  يمه طلبتس
دفتها ام ناصر وهي تضربها بلعصاء بكتفها  :  هسمعي يا سميه ولله لا تدخلتي لا امرختس فيها
ودخلت وهي تقفل لباب تحت دق سميه وبكاها وخوفها  :  يمههه طلبتس يمه ارحمييها
ام ناصر لفت لسديم الي وقفت وهي عينها بعين امها  :  من هو يلي تحبينه؟
سديم  :  م احب احد
ام ناصر بغضب ضربتها برجلها : ولله لو ما تحاكيتي لا اكسر رجولتس
سديم ببكاء  :  اكسريها
وانهلت هنا ام ناصر بغضب وهي تضرب سديم وتطلع كل الي بداخلها بسديم وتجلدها على كل شي وتذكرها بكلشي  وقفت وهي تلهث وتحط ايدها على ضهرها  :  اههه يا ضهري الله لا يسامحتس يا سديم اتعبتيني
سديم ببكاء  :  الله يسامحتس يمه
ام ناصر  :  اجل اسمعي من يدق بابنا يخطبتس بتتزوجيه غصبن عنتس
وقفت سديم بخوف وصدمه  :  لاااا ولله ما يصير
ام ناصر  :  الا يصير وهذا وجهي اذا م صار
طلعت ام ناصر وهي تقفل لباب قفاها وتركت سديم الي انهاارت بكاء وصراخ وهي تسمع صوت لمفتاح يقفل عليها لغرفه وصوت سميه يلي تبكي وتترجى امها تفك على سديم........ ••......... ••........ ••....