يا عمير يُوم قررت أعيش

[ 6 ]

... °°... °°........

والعُسر مهما قسى فاليُسر يتبَعهُ
وعدُ من الله وهذا الوعدُ يكفينا

........°°... °°........

عند فهد الي ما نام الليل وهو فرحان وأول ما سمع صوت أذان الفجر وهو يقوم الشباب وتوجهه للمسجد وهو يصلي مع المصليين ويدعي أن الله يكون معه وأخذ مصحف وهو يجلس بزاويه ويقراء  بلمصحف
.......................... °°...
وعند الشباب الي رجعو ينامون ودخل عليهم ابو حميد بغضب ويفعدر فيهم وطلع وهو يتحلف فيهم
وقعدو هواش على من يدخل الحمام اول واحد
وكان حسين الي صحى اول ما صحاه فهد وكان حسين يحب يروح مسجد الديره الثانيه سير ويرجع سير ودخل للبيت وهو يرد الباب بحكم ان فهد بيرجع وتوجهه للعيال  :  ما ادري ويش احكي عنكم
سالم وهو يفرك راسه وهو خلقه مصدع  :  لا تحكي شي
فادي الي لبس وتوجه للمسجد وهو يستغفر وكان معه حميد  ووقف نمر وهو يناضر حسين  :  ما شفت فهد وينه
حسين وهو يعدل شماغه  :  بلمسجد
وراح نمر وراء العيال بخطوات متسارعه
وبقي سالم الي عجز يقوم من رجله: بك شي؟
سالم بألم  :  رجلي عجزت أوقف
حسين الي قرب لسالم وهو يقومه ويسنده  :  اجل انكسرت
سالم  :  الله لا يقوله وين بتزقني؟
حسين  : بزقك بلمستشفى يشوفون وش علة رجلك
سالم  :  وقف هات شماغي وثوبي ولا بتوديني كذا
حسين الي فك سالم الي قعد ينطنط على رجله اليمين وطاح بألم وهو يون  :  حسبيييي الله عليك
حسين وهو يعطيه ملابسه  :  البس اخلص خلك رجال
سالم وهو يلبس ثوبه وهو جالس ويعدل شماغه  :  كلتبن فاهم
حسين  :  اقول لاتخليني افعدر بك
سالم  :  يشينك لاقد محد الا انت
حسين ببتسامه وهو يوقف سالم ويسنده وهم يمشون متجهين لسياره  :  وش تعلمت
سالم وهو مقطب حواجبه خوف يمشي على رجله الي تاجعه بلغلط:  ويش تقصد انت
حسين وهو يشد ويكمل مشي  :  وش تعلمت من الدرس؟
سالم  :  ما رجيت اني اخلص الثانويه قبل عشان افتك من جدول تعلمنا وما تعلمنا وما تعلم تجي انت وجهك تقول وش تعلمت انا تعلمت اني ما اكلمك بهلحاله
حسين بضحك  وهو يفتح باب سياره  :  وليه
سالم الي يثبت يده بباب سياره ويناضر حسين  :  عشان الي سويته فيني ما يسويه جني
حسين بلعانه دف سالم بسياره  :  اقول ادخل بس الهذر الواجد ما منه رجاء
سالم وهو ماسك رجله بألم  :  اعنبو دارك يال****
حسين  :  ذنبك على جنبك بلشتايم بدخل احكي لبوي قبل لاازقك بلمستشفى على قولتك وردلك
سالم وهو يون بألم وحسين راح يحكي لأبوه

حسين   :  يبه
ابو حميد الي كان يهرج مع ابو فادي التفت لحسين  :  علمك
حسين  :  يبه انا بودي سالم للمستشفى رجله به كسر
ابو فادي  :  وش كسر؟
ابو حميد  :  ويش كسر رجله
حسين وهو يدري لو يذكر ابوه بسالفة امس بيرجع يعصب  :  امس يوم كنا نحلب الناقه خبطته
ابو فادي  :  اجل ان شاءلله ما به شي وان شاءلله انها بس رضوض
ابو حميد  :  تمام توقعو بلطريق ودق
حسين  :  ان شاء الله والان معسلامه
الكل  :  فمان الكريم
ومنبعد هذا توجه حسين لأمه وهو يخبرها ويطمنها وطلع وهي تدعي لهم وركب سياره وكانت سياره هدوء ولف وهو يشوف سالم نايم ويقول فنفسه ( الحين ذا منجده  )  ولف وهو يشغل سياره وهو متوجه للمستشفى