Mg's Obsession

Part-(3)

(Unicode)

ဘီယာသောက်ရင်း နှုတ်ခမ်းထောင့်ဟာစပ်လာသည်။ထိုအခါ ဒေါသကပါလာပြန်ရော။ဗူးကို စားပွဲကိုခပ်ပြင်းပြင်းချလိုက်မိသည်။

ဧည့်ခန်းထဲမှထလာသော မေမေဟာ မြင်လျက်လျစ်လျူရှုကာ ရေခဲသေတ္တာထဲမှ ရေထုတ်သောက်နေပါသည်။

"မေမေ...."

"ဘာမှမလုပ်ပေးနိုင်ဘူး ဆောကုဋေ....သားက ဖေဖေနဲ့မေမေကို နည်းမျိုးစုံနဲ့မျက်နှာအိုးမဲသုတ်မှာ...."

"သားမှားလား သားက ငန်တာကိုငန်တယ်ပြောတာလေ....ပြီးတော့ တကယ်လဲငန်နေတာဘဲ...ဖေဖေတောင် အငှား chefပြောင်းတော့မယ်....ပြီးတော့ အထိုးခံရတာလဲသားဘဲ အဲ့တော့လွန်တာသားလား သူလား...."

"သားလွန်တာ....မေမေကြားပြီးပြီ ဝန်ထမ်းထိန်းဆီက သားကိုက စကားကောင်းမပြောတာ...."

"မေမေတို့ကအဲ့ဒါဘဲ...."

ထမင်းစားခန်းထဲမှထသွားကာ ကားသော့ဆွဲပြီးထွက်သွားသည်။ဘီယာကြောင့်အနည်းငယ် ဝေနေပေမယ့် အခုထိ မည်သူကမှသူ့ဘက်မပါတာကိုတွေးပြီး ဒေါသထွက်လို့ပင်မဆုံး။နေလာသည့်တစ်လျှောက်တစ်ကြိမ်မှ အခုလို တစ်ယောက်တည်း အမြင်စောင်းမည့်သူမရှိခဲ့။အခုတော့ ဆောကုဋေရန်မှာ တလောကလုံးနှင့်တစ်ယောက်ဖြစ်သွားသလားမှတ်သည်။

ဖေဖေ့စားသောက်ဆိုင်တွင် ရန်ဖြစ်ခဲ့သော videoအတိုလေး onlineပေါ်တွင်ပြန့်သွားသည်။ထိုမှတစ်ဆင့် ဟင်းငန်သည့်အကြောင်းဟာလဲပေါ်လာသည်။အဲ့ဒါကြောင့် ဆောကုဋေရန်အမှတ်ရမယ်ကြံတုန်းရှိသေး ညီအကိုဆိုသည့် သတင်းမှတဆင့် အကိုကိုရင့်သီးသော စကားလုံးကြမ်းများပြောဆို ရသလားဟူ၍ villain ဟာ ဆောကုဋေရန်သာဖြစ်သွားရပြန်​၏။

ဖေဖေသိပြီး သူ့ဘက်ကမပါခဲ့ပါ။လက်ရွယ်ရုံရွယ်လိုက်သော ဆောကသာအပြစ်ပိုရှိသွားပါသည်။တကယ်ထိုးလိုက်တဲ့ ခွန်းရိပ်ဟာ သူရဲကောင်းလိုလို အကိုကြီးအဖရာလိုလို။

ကားကိုအရှိန်တင်ကာ လမ်းလွှဲလိုက်သည်။ကားများကို ကျော်ပြီး အရှိန်အကုန်တင်ကာ ဖေဖေ့အိမ်ကိုဦးတည်လာသည်။

ကံဆိုးသလား ကံကောင်းသလားတော့မသိ ခြံတံခါးဟာ ဆေးသုတ်လက်စမို့ ဖွင့်လို့ကြိုဆိုထားလျက်။ဆေးသုတ်သမားလဲ ရှိနေသည်။