Breathing Song Behind The Heart

Chapter 2

ညအိပ်ရာပုံပြင်များ ဖတ်ပြ၍ ကလေးတွေအိပ်ပျော်အောင် သိပ်ရသည်မှာ အများစုအားဖြင့် မိခင်များက ပြုလုပ်ပေးတတ်ကြသော်လည်း လွမ်းမိုးကုဋေ နှင့် လွမ်းဖြိုးကုဋေ တို့လို မိတစ်ဆိုး လေးတွေတွက်တော့ အိပ်ယာဝင် ပုံပြင်ဖြင့် ချော့သိပ်ရသူမှာ ဖခင်ဖြစ်သူ ကုဋေရှိန်ဝါပိုင် ပင်ဖြစ်သည်။ အလုပ်လည်း လုပ်ရ ကလေးလည်း ထိန်းရ ။ ကလေးထိန်း ဆိုလို့ ကလေးထိန်း နဲ့ လည်း ရတာပဲ လို့မတွေးစေချင်လို့ပါ ။ ဇနီးဖြစ်သူ ကို ဆုံးရှုံးပြီးကတည်း က ကုဋေ မှာ သားနဲ့ သမီးထံ သူ့ အချစ်နဲ့ သူ့စိတ်ကို မြှုပ်နှံထားတာကြောင့် သားနဲ့ သမီး ကို တစ်စုံတစ်ယောက်ကြောင့် ဆုံးရှုံးရမည်ကို ကြောက်၏။ ဒါ့ကြောင့် ကလေးထိန်း လက်တွင် သူအလုပ်သွားနေသည့် အချိန်ကလေး၌သာ ထား၍ သာမန်ချိန်ဆို ကလေးများနှင့် တူတူဖြတ်သန်းကြသည်။ အလုပ်လည်း လုပ်ရ ကလေးလည်းထိန်းရတာကြောင့် တူဖြစ်သူကို ဒေါ်မျိုးစန္ဒီ က နောက်အိမ်ထောင် ထပ်ပြုခိုင်းသည်နှင့်တူသည်။

" နှင်းဆီပန်းလေး ကို ခူးလိုက်မိတဲ့ .... အဘိုးကြီး ရဲ့ အစား သူ့သမီးဖြစ်သူက ...သားကောင်ကြီး ရဲ့ ရဲတိုက်ထဲ မှာ သားကောင်ကြီး နဲ့ တူတူ ဖြတ်သန်းလာရင်း ... မိန်းမလှလေး နဲ့ သားကောင်းကြီး ... သံယောဇဉ်တွေ ဖြစ်လာကြတယ် ...."

" ဖေဖေ .......သားကောင်ကြီး က ဘယ်သူလဲ ဟင် ..."

သားနဲ့သမီး ဟာ ကုဋေးရဲ့ ဘေးတစ်ဖက်စီ၌ နေရာယူလှဲလျှောင်းနေကြသည်။ ကုဋေကတော့ အလယ်မှာ ပုံပြင်စာအုပ်လေး ကိုင်ရင်း ပုံပြင်ပြောနေသည်။ သမီးဖြစ်သူ ရဲ့ ကလေးအတွေး ကလေးအမေးကြောင့် ကုဋေလည်း

" ဖေဖေ ပေါ့ ......."

" ဒါဆို ........ မိန်းမလှလေးက ... မေမေ ပေါ့ နော် ..."

ကုဋေ စိတ်ထဲ အေးခနဲ့ဖြစ်သွား၏။ ဝမ်းနည်းသည်လား။ ခေါင်းလေးငြိမ့်လိုက်ပြီး။

" ဒါပေါ့ .... ဖေဖေ က သားကောင်ကြီး ဆိုမှ တော့ .. မိန်းမလှလေးက သမီး ရဲ့ မေမေ ပေါ့ ...."

" မေမေ က .... လှလားဟင် ..."

သားဖြစ်သူ ရဲ့ အမေးကြောင့် ကုဋေ သူတို့ကို သနားမိ၏။ ဂရုဏာမျက်ဝန်းတို့ဖြင့် သားနဲ့ သမီး ကို ကြည့်လိုက်မိသည်။ သားဖြစ်သူက ပုံပြင်စာအုပ်ထဲမှ မိန်းမလှလေးအား လက်ထောက်ပြ၍။