حي المغربلين

الفصل الخامس والعشرين

الفصل الخامس والعشرين
خامس عاصفة
#عاصفة_بإسم_الحب
#بداية_الرياح_نسمة
#حي_المغربلين
#الفراشة_شيماء_سعيد

جلست جليلة على مقعدها بالقهوة تفكر كيف تعود بعائلتها الصغيرة لبر الأمان من جديد، هذا فنجان القهوة السادس تشربه بنفس الساعة و لا تشعر بنفسها...

سنوات تبني و بليلة واحدة كل شيء يسقط فوق رأسها كأنها لم تفعل شيئاً، عاد بخيالها إلى وصية أبيها و على ما تنصه و هذا فعلاً فعله فاروق بالضبط، تأخذ منه هي و أخواتها ما تريد و لكن كل شيء بإسم فاروق و تحت وصايته...

أغلقت عينيها بصداع شديد قائلة لنفسها بحسرة :

_ يا ريته كان قال الكلام ده قبل ما يموت يمكن كان اتغيرت حاجات كتير، كل حاجة بتضيع من بين إيديا و أنا بس واقفة اتفرج عليها، لا قادرة أرجع فريدة و لا حتى أواجه أزهار...

جاءها صوته الحنون ليزيد حسرتها ألف حسرة، من أجله خسرت عائلتها و مركزها خسرت جليلة هانم المسيري رئيسة مجلس إدارة شركة المسيري و خسرته هو الآخر حتى طفلها منه لم تقدر على الحفاظ عليه...

فتحت عينيها له تسمع صوته فقط لعلها ترتاح قليلاً :

_ هتفضلي لحد امتا كدة يا جليلة الدنيا كلها بتتحرك و أنتي لسة زي ما أنت واقفة مكانك..

لأول مرة تعلن راية الاستسلام مردفة :

_ أنا تعبت يا منصور و خلاص مش قادرة أعاند في الدنيا و تعاند فيا أكتر من كدة...

جذب مقعده ليجلس بجوارها متلهف على أي كلمة منها إليه حتى لو كانت بسيطة، أبتسم إليها بأمل كبير قائلاً :

_ تعالي ننسى اللي فات يا جليلة و نرجع.. تعالي مش كفاية بقى اللي راح من عمرنا، نبقى عيلة و نحب بعض و نخاف على بعض عايز أعيش الباقي من عمري بين إيديكي...

دارت بوجهها إليه قائلة بإبتسامة باهتة :

_ مهي المشكلة هنا يا منصور إنك أنت بس اللي عايز و طالما عايز يبقى الكل ينفذ و بس، أوعى تكون فاكر الأيام بتنسي الوجع زي ما الناس بتقول.. لا الأيام بتخليك تتعود عليه تبقى أنت و هو أصحاب..لا هو بيروح و لا أنت بتنسى، روح وكالتك أقعد مع نفسك و فكر احنا هنا ازاي وصلنا بسبب مين و بعدها هتعرف إننا مستحيل نكون سوا...

بحركة يراها الكثير جريئة إلا أنها مشتاقة من قلب أرهقه الهجران، وضع يده على فخذها قائلاً بقوة :.

_ أنا السبب عشان كنت أناني بس مش هفضل الباقي من عمري محروم منك.. لو فاضل ليا يوم واحد أنا مصمم أعيشه معاكي...

______شيماء سعيد______

بالمشفي الموجودة بها هاجر علوان بداخلها حرب قائمة بين رجل الشرطة و الإعلام و هو يقف بعيدا بقلب مقطوع، عينيه على تلك الغرفة التي تعاني هي بها لتعود للحياة مرة أخرى...