ناار ودخان محاوط كل البيت وصرخات امي المطالبة بالمساعدة والنجاة ....واني واكف ومكتف والخوف متملكني ....والعرك ينفض مني بسبب حرارة المكان الواكف بي...شفتها ...شفتها هي حركت البيت وتضحك بشماتة وراحت ....شكد صحت باسمها ...بس راحت ...وامي تدعي الله ينتقم منها ...شفت امي صوتها راح و كعت وبلعها النار. انتفضت وادورلي شي اوصلها ......بس ماحسيت غير النار رادت تبلعني اني هم ...
انتفضت من نومي ...واني العرك يصب مني ...وتقدملي
اخوي الصغير ...صهيب ...
صهيب _شبيك يخوي ....هم نفس الحلم...
كعدت عالجربايه واني امسح بعركي...
كمت لحيلي ...وفتت لحمام غرفتي ...غسلت وجهي ورفعت وجهي للمرايا ... واني اشوف وحش ...وحش نص وجهه محترك والحرك ممتد لطول ذراعي الايمن ....كلما اباوع لروحي بالمرايا...يشتد حقدي ونار الانتقام بداخلي ...بس صبرا جميلا ...رحت اتحممت لان جسمي كله تعرك ...وطلعت من الحمام ...واني لاف الخاولي على خصري ...وامسح بالخاولي الثاني راسي اجفف شعري ...
فتت وشفت اخويه بعده كاعد ومخلي وجهه بين اديه ...
من فتت توجهت لميز التواليت ...رفع اخويه راسه ...
صخر _شبيك صهيب...
رفعلي راسه وعيونه مدمعه ...
صهيب _متمني لو موجود وياك انت وامي ...اتمنى اشوف الي انت شفته وتحملتها بهذاك اليوم ...ياريت مارحت لبيبي ...وضليت وياكم يااعيش الي انت شفته يااموت ويه امي الماشبعت منها ..
راح لغرفة صغيرة هو مسويه غرفة للملابس وطلع وهو لابس تراكسود اسود وتيشيرت اسود ...واني اشوف جزئه الايسر شاب حلو واسمراني وعيون حادة مثل الصقرر...وهو يطول شعره وينزل جزئه الايمن على وجهه ...يضم بيها تشوهه الي اني اشوفه علامة لازم يفتخر بيها انو هو شاف وعاش اصعب اوقاته ...بس مااكدر اكوله هالحجي يتخبل ....
تقدم وكعد بصفي وجر راسي ...
صخر _دير بالك تكول هيج مرة ثانية ...الله لايشوف احد الشفته حتى لعدوي.... بعدين ك... تريد تموت جا المن عايفني يويل...
حضنته بقوة ...هذا مو بس اخوي هذا روحي ...وبحسبة هو الرابيني يعاملني كأني طفل واني احب هالاحساس احس روحي طفل بوجوده ...
صخر _يلا تعال نام....
نمت بصفة...اي كلما احتاج امي ...اجي واشوفه فاتحلي ايده عبالك امي مو اخوي ...نمت بصفه وهو رجع تمدد وغمض عيونه ...
حجه وهو مغمض
صخر _باجر اريدلك ادورلي بيت بمنطقة .... صديقي سامان راح يجي هو وعائلته يسكنون هنا
استغربت ...
صهيب _شعجب ...
صخر _دوامه صاير هواية وناقلينه للبصرة وعنده اخت وحده يخاف يعوفها وحدها ..
أنت تقرأ
الصخر المشوه
Romanceقصة عن صخر انظلم واتأذى من شخص ولم يستطع ان ياخذ حقه لان لم يكن هناك من يصدقه... قصة عن فتاة جميلة حاولت وحاولت مرارا وتكرار ان تتجنب الزواج من اجل حب من طرف واحد و شاءالقدر ان تقع بين يدا صخر لطالما كره النساء قصة عن شاب فنى شبابه ليربي اخته واخ...
