الصخر المشوه

البارت الاخير

٢٠١٩
هبه
رياض عزلي الطابق الثاني وانا هسه اداوم سكرتيره يم دكتوره نسائيه ....علاء بعد اناني مثل ماهو ....طلك ليلى قبل سنه بعد ماصار عدهم بنيه ...ومن شافت ليلى حالة علاء وهجره الها هي عافت الجهال وطلبت الطلاق ...وهالسنة  اتزوجت ...وسافرت للخارج ويه زوجها صار عندي يعقوب ...انا سميته لخاطر عمتي ...وطبعا تقى الحمدلله صارت من قسمة عبدالله وعدهم ولد اسمه عباس على اسم عمي ابو علاء . .اما سجاد وبنتهم يلي سماها علاء على اسمي ...وهذا الخبل ليلى اكثر ....بس كل هذا ماخلاني اسامح علاء ولا شوي ...تقى من تزوجت كالت عبدالله مكاطع علاء ومن حجي عمتي من عرف ليلى حامل ضاربه وكايله  انت خوان ...ومن يومها اختفى علاء بس متواصل ويه عمتي ومن ولدت ليلى وعرف بنيه كال سموها هبه ...ليلى لطمت كايل لو معاجبها تولي لاهلها ...ضلت تحاول تبينله تريد رضاه لحد ماملت وعافت الجهال العام ....ماانكر شي بداخلي مرتاح لان طلكو ...بس مع هذا مااكدر اسامحه ...عمه كل اسبوع تجيني ...ومرات تاخذ يعقوب عدها من الصبح لليل ...علاء محاول يجي ...بس العرفته من عزلت كل فلوس الاثاث منه ...وانا ماعارضت هذا واجبه ....مرات يدز رساله اريد اشوف ابني كاميرا ...ويخابر اخلي على يويو ...يضل مكابله ويسولف وياه ...اليوم لاول مره يحاجيني ..لان من خابر جان نايم يعقوب .....

علاء _هبه ماكافي ...اريد ابني يربى بحضني ...بعدني مثبته الكاميرا على يعقوب النايم

هبه _مستحيل ...فرصك وياي انتهت ....ولاعبالك من ساكته لهاليوم ومارفعت عليك قضية طلاق لان داانطيك امل...لا بالعكس ادري مراح توافق ورا نجرر ونعر بالمحكمة ...فليش اتعب روحي انا مااريد لقب المطلقه ونضرة الناس الي وثانيا لان انت بعيد ويكفي مااشوفك واعتبر روحي مطلقه ...والاهم من كله مامانعتك عن ابنك...وبنفس الوقت مرتاحة بدونك وبدون حجي العالم ....

علاء_هباوي ماعندي موقف وياج ...يخليج تنطيني اخر فرصة ...

ابتسمت بقهر

هبه _للاسف كل فرصك انتهت ...صدكني حاولت بس خيانتك الجانت صدمة ...مستحيل تخليني اثق بيك ...

علاء _صدكيني انجبرت ..

ضحكت بقهر ...

هبه _منو الجبرك امك الانصدمت حالها من حالي لو ابوك لواخوك الي لليوم مكاطعك من ورا هالسوايه ..ها ممكن تفهمني شنو جبرك ...

استغفر

علاء_زين ديري الكاميرا اردن اشوفج ...

هبه _خسرت هالحق ..وابنك ونايم ...اذا ماعدك شي ارد انام وراي كعدة من الصبح ....

سكت وشويه وكال

علاء_تصبحين على خير ...

قفلها ...ذبيت الموبايل ونزلت دموعي ...ليش مدااكدر اكرهك...مو كافي الشفته ...بس مستحيل اسامحك علاء صدكني مااكدر ....اريدك وادري مراح اتحمل ارجعلك مااعرف شريد صدكني اتخبلت من وراك حبك وعيشتي وياك خبلتني
********★*******
بس هو صدك ماكال مشتاك ...
لايشتاك مو فد ...هيا قسمة
شبيها عيوني يمكن لاحها تراب...
ماباجي عسه بهاللحظة تعمى ...
خابرته شوكت...
بالغلط دكيت..
مرتين وطلع خارج الخدمة...
من يمهم فتت اي ويعني شصار...
حضرته المنطقة مسجله باسمه...
كعدت ببابهم كوله غلطان...
وكع مني دمع دنكت المه...
ولو طالع مسلم ماحاجيه..
بس بكلبي اكول الله يسلمه...
تتوقعون اريد اتصالح وياه...
ابشرفكم تالي عمري اكسرلي كلمة ...
ششايف روحه اتنازل واراضيه....
اذا راضيته اكللكم وين اعزمه...