رغم ضيم الوكت والوجع ما گلنه ..
نضحك والدمع عل العين يدنه ..
مقتنعين بالدنيا شيصير يصير
ما نكفر ونسأل يمتى نتهنه ؟!.
ما نكره بشر طيبين چن تنور
شما تحرگنه يطلع بس خبز منه ..
ومن نعشگ عشگ نوصل لحد الموت
واحدنه إعلى ولفه عيونه ما هنه !..
بعدها هدومنه معلگيها عل الحيطان
وبعد بيبانه بكل هويه تتدنه ..
وبعدها أطفالنا ترسم وجه عل الطين
وفطور السگف بالمطر تتغنه ..
رغم كل هذا نبقى نغني للعشاگ
وتظل حبوبتي بكل عيد تتحنه ..
أنتوا منين ؟ أحنه السمر ولد الگاع
منحب نحچي هي الناس تسألنه ..
صلفين بشكل بس ويه بت البيت
خجلنه من الجدم للراس يآكلنه ..
وطيبين وتحبنه الناس والمو ناس
ومرات الشمس للباب تتعنه ..
الشاعر ادهم عادل
****★*****★******★***
مرت الايام والاسابيع وواني هسه بشهري ...الصار كمت مااطيق صخر ابد ...كل الوقت نكضيها مشاكل ...من يكلع اشتاكله من يركع اضل اتعارك وياه وهو مقدر اني حامل ميحجي كبل يطلع. ..صرت اتعمد اعصبه ...ريم حابت ولد وسمته ابراهيم ...كلت سامان بالاول كال علي بس بعدين على مود خالتج تلتهي وياه سماه ابراهيم ...وفعلا خالة هوايه متعلقه بي ...كل ما سامان يروح لدوامه يذبهم يمه ...اليوم من الصبح عندي وجع موطبيعي ....منا مقهورة على سيروان ...الي خرب زواجه كبل لايبلش اصلا...سماهر صارت كل يوم تجي ...وتقربنا هوايه ...والحمدلله طلعت حامل....ريم وغالية يحذروني منها بس اني شمااراقبها اشوفها فعلا ندمانه ...وماتسوي شي غلط....
نزلت جوه ...بالكوه امشي ....شفت غالية ورتاج يطبخون ...
ياران_صباح الخير
غاليه _هلا حبيبتي صباح النور ...
رتاج_صباح النور ...
غالية _تعاي اسويلج ريوك ....
ياران _لالا حبي والله نفسي لعبانه وحاسه عندي وجع
تقربت مني بخوف
غالية _خاف ولادة لج. ...تعاي كعدي. ...
ياران_والله ماادري ...
طلعت رتاج ...
غالية _يارا شبيج...
نزلت دموعي
ياران_ماادري غاليه ...صايره مااطيق وجود صخر ...ادري حتى من راح قبل شهرين وسوه التجميل للوجهه عباله من ورا الحرك ....بس والله مو بيدي من يطلع اموت شوك ومن يرجع مااطيق وجوده...
غالية _اسم الله ...وج ساحريكم ...
لطمت
ياران _شتحجين غاليه ياسحر...
كومتني
غالية _كومي ..كومي وياي ...اخذتني واني ارجف من الخوف دخلتني غرفة بيبي رتاج جانت نايمه على رجيلها ...
غالية _رتاج حبيبي طلعي انريد كبوبة بسالفة
رتاج _ماشي. طلعت واخذتني غاليه يم جرباية بيبي
أنت تقرأ
الصخر المشوه
Romanceقصة عن صخر انظلم واتأذى من شخص ولم يستطع ان ياخذ حقه لان لم يكن هناك من يصدقه... قصة عن فتاة جميلة حاولت وحاولت مرارا وتكرار ان تتجنب الزواج من اجل حب من طرف واحد و شاءالقدر ان تقع بين يدا صخر لطالما كره النساء قصة عن شاب فنى شبابه ليربي اخته واخ...
