الصخر المشوه

تكملة البارت الثالث عشر

عواطف _يمه على بختك شمسويه هالجل...

صخر _من رخصتج عمة ...بنتج يرادلها تربية من اول وجديد ..

اتقربت عمه ومن شافتني ضربت صدرها ...

عواطف _يمه اسم الله شبيج يارا...

صخر _فوتي عمة...والصار بسبب بنتج...ليلى ...انتي شحاجية لحبوبة ...

صوفرت وهي تمتمت...

ليلى_ما ماككايلله ...غير السمعته ...

كعد صخر عالقنفة ...وهي مقابيله بالكاع ..

صخر _هسه عوفج من السمعتيه ارد اعرف ليش تتسمعين على حرمتي ...

ليلى _مما ما تسمعت ...جججنت مماره بالصدفة وسمعتهم....

ابتسم صخر باستهزاء...

صخر _اجي وياج مريتي بالصدفة وسمعتي ...زين شنو جان شغلج فوك حتى مريتي صدفة ...

ليلى _رحت ييممم سماهر حتى اطططمن على امها ..ر

صخر _حلووو ...عذر مقنع ...شنو السمعتي ...

ليلى _الكلته لحبوبه ..

صخر_وهو ....كولي الحجيتي لحبوبة بالتفصيل ...

عواطف _احجي شمصخمه ....والله لربيج ياج..لبة...

ليلى_كلت ياران وصخر مامتممين زواجهم وهي كالت لريم بعدهم مثل الاخوان بالغرفة...

صخر _وغييرررره....

ليلى _ببسس هيج ...

ام محمد_وج يمصخمة مو كلتي كالت لريم تلعب نفسي من الحروك ومن هاي مامخليته يتمم زواجنا..

ليلى_هااا لاحبوبة ...انتي سامعه غلط انا ماحجيت غير السمعته ...

ام محمد_والله موصوجج..انا الصوج بيه من سمعت من جاهلة وصدكتها ...

كامت امها عليها وجرتها من شعرها ..

عواطف _وج شعلللليج ..تممو لو ماتممو...انتي شكووووو...والله ان درى ابوج يطيح حظظظج ...

صخر_عوفيها عمة ...ليلى اعتذري من ياران ...
ليلى_ششنو ...

عواطف _اعتذري لااطيح حظج...

ليلى _يممه...

صاحت بيها امها ..يلااااا لااوصلها لابوج واخوج...

باوعتلي بحقد ...

ليلى _اسفة ....

مارديتها..

صخر _وهسه كوليلنا شنو غايتج من السويتي ..

باوعت لصخر

ليلى_هيج لان انقهرت عليك ....صار شكد سوه ومحاسبتلك حساب ..

صخر _سسسسكتي لج ...هالمرة راح اعديها لخاطر امج وابوج ...والله اذا اتدخلتي مرة ثانيه بعلاقتي بحرمتي ...موتج على ايدي ...