الصخر المشوه

بارت السابع عشر

بعد مرور شهر ...

ياران

صار جم يوم احس نفسي لعبانة ...واليوم دايخة...اليوم راح اجي سماهر وبيت عمة عواطف ...اوووف وراح تجي ليلى افندي وتعاي اتحمليها قبل اسبوع تزوجت سماهر الحمدلله ارتاحيت من عقربة ....نزلت جوة ...غالية دتفرش وعمو محمد كاعد بالهول بس يسترق منها نضرات ....احس عمو محمد عينه منها ...بس هي لا واعرف قصدها ...لان اصلا هي اطلكت من ورا الخيانة فمستحيل تسوي علاقة ويه متزوج او تحب متزوج ...

طلعت رباب من المطبخ وبيدها الجاي بس وصلت يم غالية كلبتها عليها ..

ياران_غاااااالللية. ....

ركضتلها وماحسيت غير عمو محمد هم تقرب عليها ...وهي مفرفحة من البجي

طلعت بيبي على صوتنا وسارا هم اجتي ركض . .

وحجت رباب ببرود ...

رباب _اووو عذريني دخت ... ووكعت عليج ...

بس اني اعرف سوتها قصدا ...

ياران_غالية حبيبتي ...تعاي تعاي وياي
محمد_اوكفي ناخذها للمستشفى ...
ام محمد _صعدوها وبدللوها يمه خاف تلزك بالحرك...
ياران_اوكف عمو بس خلي نصعدها على الاقل ابدللها

صعدتها وهي تون وتستحي تصيح ...

ردت انزعها استحت ...

ياران _مو وكت تستحين غالية ...لازم ننزع ملابسج ...

خطية رتاج من شافت اختها ...تبجي ومفرفحة اكثر من غالية ...نزعناها ...بقت بالاتك الجوه ....الحرك على طول ايدها ....رحت ركض اجيبلها عصارة حرك من جوه ..

محمد_ها شونها .....

رباب _وانت ليش محروك عليها .....

محمد_تنجبين لااجي حضج اطيحه ...ادبسز امانة عدنا دشوفي صخر شراح يسوي بيج ...وانتي كولي شونها ..

ياران_ها محروك ايدها وجيت اخذلها عصارة مال حرك...

محمد_هي مال عصارة ....جيبوها اوديها

ام محمد _اي يمه عمج كلامه صدك ...روحن ونزلنها...

صعدت بسرعة ...وجبتلها عباية راس عندي البسها مرات للزيارة ...وهم مراح يحتك هوايه بالحرك ...

غالية _اهه مااكدر يارا ...مااكدر رااااح اموت ...يمه ويننننج ....يمه راح اموووت ....

ياران _اسم الله ...يبعد كلبي ...ان شاءالله ماكو شي ...لبست اني هم الجبة ...وحجاب بسرعة ...ورتاج هم خلت حجاب على راسها وعباية ....

نزلنا جوه وهي تلوب ...

رباب نفس مكانها وهي بعدها تخزر بغالية ...معقولة هي هم شاكة عمي محمد عينه منها ...

محمد_يلا يلا بسرعة ...

رباب _محمد اذا تروح ويهداهم معناها راح اطلكني كبل لاتطلع من الباب ...