الصخر المشوه

السابع وعشرون

هبه
علاء ميحجي وياي وويه امه هم ...طلعت الصبح ...شفت عمه وحماي كاعدين ...

هبه _صباح الخير...

ام علاء _صباح الخير يوجه الخير ...

عبدالله_صباح النور خيتي ...مثل مكتلج يمه خابريها وكليبها اذا مفلفلة عالزواج راح ناخذ ابنه....وخلي تتزوج اليوم قبل باجر

ام علاء_يمه ولد اخوك يتيم الاب مااريد نفرقه عن امه...

قاطعها حماي ...

عبدالله _يمه ...اذا هي تريد الزواج خلي تولي ...والله حلوة ماصارله شهرين اخوي متوفي وهي تخيرنا منو يتزوجها يمه ترى بالكوه لازم علاء ...باوعلي وانتي خيتي ماادري شحاجيه وياه بحيث اخوي انكسر ويريد يتزوجها ويهج ...سمعتي يمه راح تخسرون علاء هم ..

لطمت عمه ..وباوعتلي شكو يمه...

هبه_هو مواحنا بعدنا زعلانين ...عود ردت اقنعه كلت اسامحك بس تتزوجها ...نزلت دموعي ضربني عداله دالوي ايديه لان يحبني ...باوعتلهم ...والله ردت بس لخاطر هاليتيم. ...لان اني اكثر وحدة تعرف شعني شنو الواحد ماعنده ابو ...

ام علاء_تعاي يمه ...تعاي كعدي هنايه...

مسحت دموعي وفات علاء ...

هبه _لايمه ...خلي احضرلكم الريوك ....

كمت الهي بروحي ..واحضر السفرة ..فات عمي هم ...

ام علاء _يمه عليوي ...ضايج مني..

علاء _لايمه تاج راسي انتي حبيبتي ...

ام علاء _يمه ختولي. ..هسه اخابرها واكللها اذا ماكعدت عدل راح اخذ ابني منهم....

علاء _صدك يمه ...بس شلون وهو محروم الاب ...

عبدالله _مامحروم بوجودنا عليوي ...

تريكنا وخلصنا وعمي ساكت والوجه اصفر. ..

خابرته عمه كدامنا وسوته سبيكر...

ام علاء _شونج ليلى وشون سجودي...

ليلى _بخير حبوبة ويبوس ايدج ...

ام علاء _الله يحفظه ابن الغالي....سمعي ليلى ...عندي جم جلمة وياج ...

ليلى_امريني عمة ...عيوني الج..

ام علاء _سمعي ...اذا تردين تتزوجين الله وياج وولدنا النا ...بس مال بعده ماصار جم شهر توفى الغالي وتخيرينا بين حموينج كطنه وطلعيها من اذنها ...

ليلى _شهكت ...يممممه عبالج انا مفلفلة عالزواج والله اهلي يردون يغصبوني ...وانا من كلت علاء لان ادري بي يحب حرمته ومستحيل يدنالي ..

قاطعها حماي ..

عبدالله _سمعي موت اخوي ...انا راح اتزوجج على سمة الله ورسوله عجبج اهلا وسهلا معجبج الله وياج وهاي شاربي قسما بالله تحرمين علي حرمة الاخت ليوم القيامة .