الصخر المشوه

الثامن وعشرون

ياران _ارخص رجال شفته بحياتي انت ...

عيونه مبيها حياة ولاجاوبني ولارد

رانيا_احترمي نفسج لج مااقبل اي شخص يحاجي رجلي هيج ...هي كالت هيج وانا لزمتها وجريتها من حجابها مااتذكر شكد ضربت مااادري ضربتني لا كل الجنت اسوي جان كبت مشاعر الغضب الداخلي ...وكرهي لصخر الي ديزيد يوم عن يوم ...ماحسيت غير انشاليت من عليها ...

صخر_يارا اهدي شبيج تخبلتي ...

وخرت ايده ...وواجهته ....وانا اعدل بحجابي ...

ياران_ وخر ايدك النكسه عني ...اي اي تخبلت ...من يوم التزوجتك وانا ماشفت يوم سعادة اذا ماواجهني مية حزن ...ساعة السودة الوافقت اتزوجك بيها ...

شفت نضراته بس مهمني كل الهمني اجرحه واكسر كلبه مثل ماكسرني ....

ياران _كل يوم جنت اجبر روحي من تتقربلي واني اتقزز من كل الحروك والتشوه البيك ...وكملت وياك بس لخاطر اخويه ...
ام محمد_يمه يارا بنيتي صلي عالنبي موهيج ادري مكسورة بس موهيج تحجين يوم ...

شفت باوعلي بابتسامة قهر ....وجر رانيا وراد يصعد فوك ...

جريته من قميصه .

ياران _ووييييين ...ماسمعتني ....اني اكرهك ..سمعتني اكرهك...

صخر _ميخالف وانا رايد تكرهيني ...لان متستحقين الحب والحب لكيتها ويه التستحقني ...وهو ياشر عليها ......ردت اهجم عليه سمعت صوت صياحه ...

انداريت واني حتى دموعي متقبل تنزل ...

سامان_يااارا ...شكو شبيكم ....

سامان جان متعود يوميه قبل لايروح لدوامه يجي يطمن عني ....

ياران_تعال ...تعال شوف صديقك الردت تكاطعني على موده .....شوفه ..

صخر_يارا بس انجبي ...سامان تعال افهمك ..

راد ياخذ رحت بشرعة ودفعته ...وعتني سامان .

سامان_يارا شبيج تخبلتي ...

ياران_اي. ..اي تخبلت يردون يخبلوني ...شوف بدل ميواسيني راح تزوج عليه..

سامان_ششنو. ..منو متزوج ...اندار على صخر ..

صخر _تعال افهمك...راد يجر سامان ...

بس سامان عت ايده ..

سامان_هاي هيج اداري الامانه ياخوي وصاحبي ....لاعفيه عليك ...روحي يارا لمي هدومج وتعالي ...

ياران _مااروح منا اذا مايطلكني ...

شفتهم اثثنينهم انصدمو ...

سامان_مو وكته خيتي ...

قاطعته واني مومصدكه ..

ياران _شنو مووكته ..هسه يطلكني ...والله مااطلع منا اذا مايطلكني ..